شعراء‌المنتدي ------اشعار عيد الغدير

**عتيق الزهرا س** · October 28th,2010

بسم الله الرحمن الرحيم
والحمد لله رب العالمين
وصلاة وسلام على اشرف الانبياء والمرسلين
وعلى علي امير المومنين
وعلي البضعة ام الطاهرين
وعلي الحسن الامين
وعلي الحسين مقطوع الوتين
وعلي التسعة المعصومين من ولد الحسين

اخواني اخواتي
سلام عليكم جميعاً ورحمة الله وبركاته
الحمدلله الكل يعرفون اهميت عيد الغدير وهذي اليوم العظيم ما يحتاج اللي انه احچي عنه
بالمناسبه عدنه بعد شهر عن عيد الغدير انا وصلتلي فكره اللي شعراء المنتدي تكون بيناتهم مساجله شعريه بمناسبة عيد الغدير بمدح المولا علي امير المومنين
هذا طبعاً اذامشرفنه الغالي والاخ العزيز خير ما عنده مانع لهذا الموضوع
وانا شايف بين الاعضاء يحصل شعراء واولهم مشرفنه خير والاخ الغالي فارس الاحساس والاخت رحيق الزهراء الي اخيراً بينت هيه شاعره
ومن هسه عيدكم امبارك

**عتيق الزهرا س** · October 28th,2010

بعد اذنكم انا اكون اول مشارك
وسجل اول بيت علي وزن الزهيري (موال)
بمدح ليث العرب علي ابن ابي طالب عليه السلام

ملعون كلمن لعن ليث الشدايد علي
منصبه من العله فوگ العوالي علي
وابسورة المائده حبه ترتب علي
وگال النبي ود انه الكلمن علي وده
وشچم وچم من حرب للطف علي وده
اقسم قسم باللذي قاتل ابن وده
لوصار عندي ابن بسمه اسميه علي

**الخير** · October 29th,2010

مشكوووور وجزاك الله بألف خير ... موضوع جدا رائع واني ان شاءء الله من المتابعين واحاول اسجل مشاركة بأقرب وقت اذا توفقت لذلك ..
وياليت نشوف مشاركة كل االاخوة الاعضاء الي عدهم امكانية في وضع مقطوع ادبية في الموضوع وهو ماكو اعظم اجر من كتابة قصائد في مدح امير المؤمنين علي عليه السلام ...
وبعد اسجل اعجابي على هذا البيت الزهيري الجميل الرائع بنقاوة الفاظه وسهولة بيانه ..
ربي يوفقك ويديم تواصلك معانا يا عتيق الزهراء

**عتيق الزهرا س** · October 29th,2010

مشكور يا مشرفنه الغالي علي المرور
نورت الموضوع
كنت ناوي اللي هاليوم اكتب بيت ابوذيه في مدح امير المومنين لاكن الان انتظر مشاركه منك
حتي اتكون مساجله بيني وبينك وياريت مشاركة باقي الاعضاء

**الخير** · October 29th,2010

هاي هوسة (اهزوجة)عراقية لسيدي ومولاي امير المؤمنين ع:
كالو رابع وصحنا يداحي البــاب
انت اول رغم كل مسرف وجذاب
يا تــــــاج الولاية آيــليث الغاب
سلطان منصب من ربك

**عتيق الزهرا س** · October 29th,2010

كلش حلو
كفو بيك
ماجور
لاكن الرباط الهوسه چنه مومضبوط وممكن انا الغلطان
هاي ابوذيه في مدح اميري وامير الكون
الغلط ما صح ابد فد يوم صح صح
صح من نومتك يا صاح صح صح
البخاري گال هوه الذي صح صح
علي اخ النبي وصهره وصيه

**الخير** · October 31st,2010

احسنت يا اخي العزيز (ابو ..... ما اعرف اسم ابنك هههههه)
ننتظر مشاركات الاعضاء ... وينهم احباب علي ع ؟؟؟؟
وان شاء الله باقرب وقت اخلي مشاركة ثانية

**عتيق الزهرا س** · November 1st,2010

ان شاء الله

ما تعرف اسم ابني ليش
ا ابو جعفر لا اتكبّرني وايد انه عمري 21سنه بعدني مو متزوج
ههههههههههه
لاكن اذا اتريد تعرف اشراح اسمي ابني اتوجه الاخر بيت الموال اللي كتبته اباول مشاركه
ما اعرف الاخت رحيق اشلون الهسه ما بيّنت
ان شاء الله راح انشوفه واتنور الموضوع

**الخير** · November 3rd,2010

كفو منك ابو علي ... هههههههه
نريد مشاركات منك اكثر واكثر ...
وما شاء الله عليك قريحتك جيدة جدا ...
الله يوفقك

**عتيق الزهرا س** · November 3rd,2010

شكراً اخ العزيز
ان شاء الله الكل موفقين بخدمة اهل البيت عليهم السلام
وهذي هوسه اقدمها للشيخ عدنان العرعور وقناة الصفا
احنه شيعة الكرار ميهمنه الگلت والگال
حب حيدر سكن بينه حبه ساكن الدلال
حبه امن الازل بينه وراح انتركه للاجيال
ظل عرعر ميفيد ويانه