لتحصلي على شعر كثيف وطويل وناعم

[للـكـــ روحي ـــرار]

السلام عليكم ورحمة الله وبركاته

اللهم صلي على محمد وال محمد وعجل فرجه الشريف

بنااات حبايبي في عندي لكم خلطه لشعر واااااااااااااااااااااااااااااايد وااايد مفيده تغير شعرج 180 درجه ... بكون صريحه معاكم انا للحين ماجربتها بس اعرف وحده دايم تسويها لشعرها صار شحلاته قبل وين والحين وين بس انا من العيز اللي عندي ماجربتها المهم لما شفت هالخلطه بمنتدى صار عندي حماس مو طبيعي قلت افيدكم :z039: وانا ان شاءالله عن قريب بجربها

الخلطه..
1-حنا مطحون او سدر (الكميه تتحدد حسب طول شعرج)
2-فنجال محلب مطحون(المحلب غير الحلبه وتلاقينه عند العطار لونه سكري على بيج)
3-فنجال حبه سوداء مطحونه(اللي اهي حبة البركه)
4-ملعقه كبيره مسمار مطحون(اللي اهو القرنفل)
5-ملعقه كبيره دارسين( اللي اهو قرفه مطحونه)
6-نصف علبة زبادي (روب )
7-ملعقه كبيره خل تفاح او خل ابيض
8-فنجال من اي زيت متوفر عندج ويفضل زيت زيتون او خروع او لوز او جوزهند
9-فنجال عسل
10-بيضه واحده

بالاول تعجنين الحناء او السدر بماي دافي يميل للحراره(تتركين الماي يغلي وبعد مايدفى شوي تعجنين مع الحنا )وبعدين تضيفين باجي المقادير وتخلطينها عدل وتغطينها وتتركينها تخمر على الاقل ساعه كامله ويفضل تعجنيها في الليل وتحطينها الصبح بس لاتخمرينها اكثر من ثمان ساعات
تقسمين شعرج اقسام صغيره وتحطين الخلطه من الجذور للاطراف وبعد ماتنتهين ارفعي شعرج لفوق ولفيه بورق التغليف البلاستك او اي شي ثاني يشابهه المهم وخليه على شعرج مثل ماقلت على الاقل خمس ساعات وبعدين اغسليه ونظفيه بالشامبو اي شامبو تستخدمينه ويفضل تدهنين شعرج بعد يوم اويومين بأي زيت عندج وشوفي النتيجه ..

ملاااحظه :الخلطه تستخدم مره وحده بالاسبوع

اللي يصبغون شعورهم ممكن يستفيدون من الخلطه بس بدل الحنا يحطون سدر مطحون .. وادعولي يابنوتات :bye:

[دماؤنا حيدرية]

يلااااااا نجربها مع بعض .. بس ان قعدت ثاني يوم و ما لقيت شعري يا ويلج :D

يعطيج العافيه خبيرتنا :)

[لقااااء]

شكرااالك بجربها

[مهدينا قادم]

مشكوره روحي للكرار

[للـكـــ روحي ـــرار]

مشكووورين حيايبي دمائنا حيدريه ولقاء ومهدينا قادم على مروركم الطيب

دمائنا ان شاءالله تقعدين من النوم وماتقدرين ترفعين راسج من كثر شعرج ههههههههههههههههه.. الله يعافيج قلبي