جنوبية الهوى
March 18th,2010, 06:03 PM
يا الگاصد لقبر حسين أوگف وأنحني ببابه
وهل دمعك على الخدين وأسجد قبل أعتابه
يا الزاير لون گبره يلوح لعينك من بعيد
سلم وإعقد النية وإقرا الحمد والتوحيد
وإطلب من أبو السجاد كل ما تطلب وشتريد
أصعب وأكلف الحاجات - عنده بكل وكت سهلات - طبع الرزق بالنيات
كل مطلب وسيلة يريد وكل موقف إله أسبابه
عن حسين أبو اليمة يا السامع خبر مشهور
يتناقل بكل مجلس وبكل الكتب مذكور
كل من يعتني يزوره يرد منه بگلب مسرور
بگبره تبرد اللهفة - وجمرة حسرتك تطفى - إذا عندك مرض تشفى
تبره علته ويطيب كل من يشتم ترابه
لا تخلي العجب والشك ما بينك وبينه يحول
لو همك جبل ينزال وبفضل الحسين يزول
كرامة خصصه الباري الدعاء بگبته مقبول
ومن تتوجه بدعواك - يا الزاير أريد أنخاك - أريدك تندعي لي وياك
لتربة كربله حنيت دموع الغربة سچابة
يا زاير لو رحت أنخاك لمن توصل لگبره
عوض عني أريد تشم مكان إلبيه نزف نحره
إختنگت ريتي وحنيت يا يوم إلأشم عطره
وگله خادمك وده - ينال المطلب إلعنده - وگلبه ببابك يشده
علگ لو حصل مراده يرد يمك من غيابه
نذر لحسين لو رديت ناذر أعتني له زحوف
گلبي يسبق أجدامي ولگقبر أبو اليمة يطوف
وأحني ضلوعي عالشباك وأحضنه بلوعة الملهوف
وأشكي شعندي من آلام - وأخبره بدورة الأيام - وأزور الأكبر وجسام
گبل ما أودع أبو اليمة أزور أهل الوفى أصحابه
وأتعنى لعضيد حسين عباس الأخو الوفاي
إلگبله ما قبل يشرب ويتهنى بلذيذ الماي
وأگله من گبر زينب جايب لك سلام وياي
غيور أطباعه معروفة - كريم يحيي بضيوفه - أعذره مگطعة چفوفه
وراسه بالعمد مهشوم وبعينه السهم صابه
گضيت العمر وأتمنى أعيش بحلم وبآمال
ولو يدنى الأجل مني نعشي بكربله ينشال
يفروني على گبر حسين وشعندي ذنب ينزال
بجاه الطاهرة أمه - أريدن دفنتي يمه - وأنا الخادم لبو اليمة
حي ميت دليلي آه يا حسين ومصابه
وهل دمعك على الخدين وأسجد قبل أعتابه
يا الزاير لون گبره يلوح لعينك من بعيد
سلم وإعقد النية وإقرا الحمد والتوحيد
وإطلب من أبو السجاد كل ما تطلب وشتريد
أصعب وأكلف الحاجات - عنده بكل وكت سهلات - طبع الرزق بالنيات
كل مطلب وسيلة يريد وكل موقف إله أسبابه
عن حسين أبو اليمة يا السامع خبر مشهور
يتناقل بكل مجلس وبكل الكتب مذكور
كل من يعتني يزوره يرد منه بگلب مسرور
بگبره تبرد اللهفة - وجمرة حسرتك تطفى - إذا عندك مرض تشفى
تبره علته ويطيب كل من يشتم ترابه
لا تخلي العجب والشك ما بينك وبينه يحول
لو همك جبل ينزال وبفضل الحسين يزول
كرامة خصصه الباري الدعاء بگبته مقبول
ومن تتوجه بدعواك - يا الزاير أريد أنخاك - أريدك تندعي لي وياك
لتربة كربله حنيت دموع الغربة سچابة
يا زاير لو رحت أنخاك لمن توصل لگبره
عوض عني أريد تشم مكان إلبيه نزف نحره
إختنگت ريتي وحنيت يا يوم إلأشم عطره
وگله خادمك وده - ينال المطلب إلعنده - وگلبه ببابك يشده
علگ لو حصل مراده يرد يمك من غيابه
نذر لحسين لو رديت ناذر أعتني له زحوف
گلبي يسبق أجدامي ولگقبر أبو اليمة يطوف
وأحني ضلوعي عالشباك وأحضنه بلوعة الملهوف
وأشكي شعندي من آلام - وأخبره بدورة الأيام - وأزور الأكبر وجسام
گبل ما أودع أبو اليمة أزور أهل الوفى أصحابه
وأتعنى لعضيد حسين عباس الأخو الوفاي
إلگبله ما قبل يشرب ويتهنى بلذيذ الماي
وأگله من گبر زينب جايب لك سلام وياي
غيور أطباعه معروفة - كريم يحيي بضيوفه - أعذره مگطعة چفوفه
وراسه بالعمد مهشوم وبعينه السهم صابه
گضيت العمر وأتمنى أعيش بحلم وبآمال
ولو يدنى الأجل مني نعشي بكربله ينشال
يفروني على گبر حسين وشعندي ذنب ينزال
بجاه الطاهرة أمه - أريدن دفنتي يمه - وأنا الخادم لبو اليمة
حي ميت دليلي آه يا حسين ومصابه