ايسكريم باسكن

[سيده]

مرحبا ..ِشحالكم ؟؟شخباركم ؟؟

لاتقولون انكم يوعانين ...لانكم بتيوعون زياده !!خخخ

الله يسلمكم يبتلكم طريقة ايس كريم باسكن ..

انا هذا الي دوم اطلبه ...





المــقـاديــر

8 حبات جبن كيري
1 علبة حليبب نسلته محلى كبير
1 قشطة قيمر
1 قشطة نستله
بسكويت اوريو
كمية لوز مبشور محمص
سائل توفو
سائل كاكاو هيرشي
ا كيس شوكلاته جالكسي الحبات


الطريقه

اولاً /
1- ناخذ صينية تيفال مستطيلة ( مخصصه للحلويات )و نغلفها من جوا بـ ورق البلاستيك
2- ثم نأخذ بسكويت اوريو و نكسره في قاعه الصينيه
ثانياً /
8 حبات جبن كيري
1 علبة حليبب نسلته محلى كبير
1 قشطة قيمر
1 قشطة نستله
نخلطهم بالخلاط مع بعض ونحطهم بالصينيه فوق الاوريو .. ثم نغلف الصينيه من فوق بالبلاستيك وندخلها الفريز اقل شي 6 ساعات الى ما تجمد ..
ثالثاً /
لما تجمد نطلعها و نقلبها بصحن و نزيل البلاستيك ..
و نزينها بـ كاكاو الهيرشي السائل و سائل التوفو و اللوز المبشور و الجالكسي الحبات ..
و نقدمها .. !

انا ادري انكم ترومون تشترونه بكل سهوله ..

لكن ليش العيازه ..اذا مليتو ادخلو المطبخ وسولكم باسكن ..خخ

وبالعافيه

[دلمـ شكستهـ]

مشكووره خيتووو

:)

[بنت البحارنه]

السلام عليكم و الرحمة

اللهم صلى و سلم على محمد و آل محمد الطيبين الطاهرين
واااو شكله لذيذ
مشكورة عزيزتي سيده على هذا الطرح الحلو
تسلم الأنامل اللي راح تسويه:)
يعطيش ألف عافية و ما قصرتين
بارك الله فيش.

تحياتي..