لعشاق الربيان يمي يمي روعة بطريقتي الخاصة ( بس بدون صور ما أعرف )

[مناي إنت]

ربيان مشوي

المقادير :

ربيان كبير ( يفضل طازج ) بقشوره
عصير ليمون ربع كوب
زيت زيتون ربع كوب
خل ربع كوب
ملعقة كركم
نصف ملعقة كمون ( الكمون ينشف نضع القليل منه )
ملح حسب الرغبة
فلفل اسود
ثوم باودر للي يحب

فلفل أخضر مقطع مكعبات
مشروم كبير مقطع بالنصف
اسياخ خشب
شواية



الطريقة :


اليوم الأول :
بالسكين نقص شق من ظهر الربيان وننظف الربيان من الخيط الأسود ويغسل جيدا

تخلط المقادير وتوضع على الربيان ونخلي التتبيلة لليوم الثاني بالثلاجة

يمكن عمل كمية كبيرة وبعد اليوم الثاني نعمل المقدار المناسب لنا ويوضع الباقي بالفريرز لوقت أخر


اليوم الثاني :
ينقع الفلفل الأخضر + المشروم بخليط من عصير الليمون + الملح + الكمون والكركم ويترك جانبا ( اي يوم الطبخة )


نقوم باخراج الربيان من الثلاجة ونضعه بأسياخ الخشب ربيانة ثم فلفل أخضر ثم مشروم وهكذا الى ان تخلص الكمية


نشوي الربيان بالشواية لمدة عشر دقائق ثم يقلب للوجه الأخر ويشوي 10 دقائق ولا تخلونه وايد ينشوي لانه راح يصير يابس شواء قليل وطعم أحلى


يقدم مع بطاط شبس + ويغمس في صلصة بيضاء جاهزة

أو نقوم بوضع ميونيز + خيار مخلل مقطع صغار جدا + ليمون + ملح + فلفل أسود



بالعافية جربوه





ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ







ربيان مقلي بالبقسماط


ربيان طازج كبير او حجم وسط
عصير ليمون
ملح
فلفل اسود
بهارات ربيان
بيض
طحين
بيكنج باودر
بقسماط


ينظف الربيان ويشق من الظهر ويستخرج الخيط الأسود ويغسل جيدا
ينقع الربيان بعصير الليمون + الملح + الفلفل الأسود + البهارات لمدة يوم أو ساعتين

ثم يسلق الربيان إلى أن يستوي بماء مغلي + بهارات الربيان ويمكن وضع بقدونس وكزبرة معه

يخرج الربيان ويوضع عليه قليل من عصير الليمون والملح والفلفل كمية بسيطة


في وعاء نضع الطحين + البكنج باودر ويخلط ثم يوضع عليه الربيان


وفي وعاء أخر نضع بيض مخفوق ونغمس به الربيان


أخيرا يوضع الربيان في البقسماط


نضعه في الفريزر لمدة نصف أو ربع ساعة


يقلي الربيان في زيت غزير فقط لمدة بسيطة ثواني ثم يقلب الى أن يشقر مو تخلونه وايد يستوي يحترق لأنه الربيان مستوي وخالص بس تحميرة بسيطة


يقدم مع تغميسة الصلصة البيضاء

أو

نضع سندويش داخله مايونيز + ملعقة جبن كرافت + جبن سلايس ثم الربيان ويمكن نحط خس معه نلفه بورق قصدير ويدخل شوي في فرن الشواية دقائق فقط

ويقدم مع بطاط شبس أو بطاط البوري

بالعافية جربوه

[بنت البحارنه]

السلام عليكم و الرحمة

اللهم صلى و سلم على محمد و آل محمد الطيبين الطاهرين
بصراحة ما أحب آكل آكلات بحرية واجد بس علشانش نجربه:)
مشكورة غاليتي أم علي على هذا الطرح و الطبق الحلو
تسلم الأنامل اللي طبخته
يعطيش ألف عافية و ما قصرتين
بارك الله فيش و بإنتظار جديدش:).

تحياتي..

[يافاطمه]

http://www.alfrasha.com/up/2082774148828208118.gif

[خادمة المنتظر(عج)]

مشكوره يم يم جعت هههههههههههههههههههه

[مناي إنت]

بنت البحارنة

نورتي الصفحة

شوفي حبيبتي أنا كنت قبل ما أحب الربيان

بس الحين الحمدلله وايد حبيته وطعمه لذيذ بس الأهم شلون طبختيه

والسر بالطرق الخاصة والتي تختلف من أمرأة لأخرى

وعندي هم طريقة أخرى أخذتها من أحدى المنتديات بس طبعا لا زم أغير فيها بطريقتي الخاصة :34:
وراح احطها لكم

تحياتي لج

[مناي إنت]

يا فاطمة

مشكورة على المرور وسلمت يمناج

اتمنى تجربونه وتقولولي رايكم بصراحة عادي اتقبل النقد :36:


تحياتي لج

[مناي إنت]

خادمة المنتظر

ههههه عيل لو حاطة لج الصورة


عزيزتي مشكورة على المشاركة

اتصدقين ما أعرف اصور وأنا أشتغل يبيلي أحد يصور لأني بوقتها شنو بيدي اطبخ ولا أصور وفشلة بعدين تطلع الصور مو حلوة

ولا عاد شي فيه تقطيع وتحميس يمي يمي

صبرو علي شوي ادش قسم يعلمني طريقة وضع الصور


بس يبيلي مصور من يتبرع

[نور على نور]

السلاام عليكم ورحمه الله وبركاته..

<<< مو من عشاق الربيان
بس نستفيد حق نطبخ لبعض النااس :d

/

/
مناي إنت



تسلم اياديك
و لا تحرمينا من المزيد :)
........

[مناي إنت]

وعليكم السلام ورحمة الله وبركاته

رد السلام واجب

نور على نور

مشكورة على المرور

انا قلت حق اختي بنت البحارنة اني أول ما كنت أحب الربيان

بس نفس ما قلتي لو ما عشان بعض الناس جان ما حبيناه

اول شي نطبخه لهم بعدين انتي بروحج تحبين الي يحبونه :)

تحياتي لج

[عشاق المجتبى]

مناى انت
شكرا على الوجبه السريعه ولكن ارسلي لنا

بالعافيه عليك خيتووووووو

[أحزان زينب]

مشكورين على الوصفه الحلوه
وانا من عشاق الروبيان ننتظر جديدكم
تقبلى تحياتى احزان زينب

[مناي إنت]

اخي طيبة الغراء مشكور على المرور

شوف اخوي صج تعتبر من الاكلات السريعة يعني

مثلا الي يشتغل وراجع من الدوام وين في وقت يعني على ما يجهز حق الغدا تكون الاكلة جاهزة عشر تقائق وشوي

ليش لأن التتبيلة تكون عاملها من قبل يوم وجاهز الربيان للشوي مثلا

وهم الاحتفاظ بالفريرز للزايد بعد التتبيل يخلي الشغلة اسرع للمرة القادمة

بالعافية اتمنى تجربونه

والي مسافر بالخصوص بالغربة حلو انه يعمل شغلات سريعة :)

[مناي إنت]

أحزان زينب مشكورة على المرور

بالعافية عليج وعلينا

حقيقة الربيان لذيذ جدا



بس كأنه سمعت ان فترة الشاب وايد زين

بس

بعد الكبر ما ادري يقولون انه يرفع الكلوسترول

ربي يشافي كل مريض ويبعد عنا البلا

وسعمت انه كثرته مو زينة

يمي يمي مو مشكلة على الأقل لو بشهر مرتين

:) :)

[مناي إنت]

عندي طريقة ثاني أخذتها من النت وغيرت فيها على طريقتي

شوي اطول ( اخوي طيبة الغراء يالك مو سريع شي يبيله وقت )

برياني الربيان أو على قوله أهلنا عيش وحمسة ربيان :)

المقادير
ربيان طازج حجم صغير منظف ومغسول
بصل مقطع صغار
ثوم مفروم
زنجبيل مفروم
معجون طماط
عصير ليمون
بهارات عدلة ( هيل - دارسين - قرنفل - فلفل أسود )
بهارات مشكلة ( بهارت خاصة للربيان أو بهارات البيت العادية
ملح
كزبرة طازجة مفرومة
أرز حسب الحاجة
زيت ذرة




الطريقة

:

اول شي انقشر الربيان ونشيل الخيط الأسود ( بفضل للسرعة أنه ينظفه الي شريتيه منه ) لأنه ياخذ وقت
بس الحذر من الربيان المجمد مو شي وزفر لو شنو تبهرينه :( :( :( جربته وتحسفت زين ما صار فيه شي ريلي
المهم
بعدها ننقعه بعصير الليمون وبهارات ( بهارات مشكلة )
ثم نضع ماي في قدر ونحط فيه بهارات عدلة ( هيل - دارسين - قرنفل - فلفل أسود - بهارات مشكلة خاصة بالربيان)
الله يخلي أهل البحرين
نشتري منهم بهارت تكون مشكلة
بهار للسمك - وبهار للحم - للدجاج وللربيان شي حلو
بس طبعا ماكو على بهارات الوالدة الخلطة السرية كل وحدة ووالدتها ربي يخليهم لنا
بعدها نحط الربيان ونخليه لما يستوي
( طريقتي الخاصة :) شوفي حطي الربيان بماء وخليه يطبخ 3 دقائق أو 4 دقائق وغيري الماي وحطي البهارات الي ذكرتها فوق وطبخيه بماء أخر
لأني لاحظت أن الزفرة تروح سواء للحم او الدجاج أو الربيان


وهذي الطريقة أخذتها من برنامج للطبخ بالتلفزيون طريقة الايرانيين وطبخهم
( أول شي يخلون ماي يطبخ بعدها يضعون فيه الدجاج لمدة 5 دقائق ويغيرون الماي ويحطونه بعدين في ماي مع بهارات ويطبخونه


صج عن تجربة تروح الزفة ويصير لذيذ الأكل


بعدها نسوي حمستنا وهي عبارة عن


:

نحمس بصل صغار كمية كبيرة وبعد ما يذبل نحط معاه بهارات عدلة (هيل-دارسين-قرنفل-فلفل أسود


)

وثوم مدقوق وزنجبيل وملح ( طبعا الملح يكون مع الحمسة أحسن عشان ما يصير الربيان مالح ونتوهق )
نحمس بعدين نحط معجون الطماط ونحمس .
وبعد ما استوى الربيان نضيفه للحمسة


ثم نضيف الكزبرة الي نكون منظفينها وغاسلينه زين من الأتربة وتقطعهم عشان ما تنمط ويانا بالأكل :)
نحمسه لمدة 7 دقائق كل ما طولتي شوي تصير الحمسة ناطعة وروعة وريحتها تهبل


وتخلينها على جنب


نجي للعيش


نكون غاسلين العيش ومنقعينه بماء لمدة نصف ساعة


نحط ماي في قدر ونضع فيه ملح + زيت قليل + هيل عدل - دارسين عدل كم حبة تقدرين تضيفين القرنفل بعد للي يحب
بعدها تحطين العيش فوق الماي وتخلينه يطبخ لمدة 7 دقائق يعني لمن يستوي مو تخلينه لين وايد وتشخلينه

بعدها نحط دهن بقاع الجدر ونحط فوقه كمية العيش
ثم كمية من الحمسة يمي يمي
ثم عيش
ثم الحمسة
والي أخذت الطريقة منها بالانترنت تضع شوي بقدونس ونعناع وزبدة مقطع فوق كل حمسة وعيش
أخر شي نحط زعفران منقع في ماي أو ماي ورد فوق العيش


جربوه أنا أخذته من الانترنت بس غيرت في الطبخة شوي على طريقتي
تحياتي لكم

[عشاق المجتبى]

مناي انت
يعطيك العافيه على المعلومات
بس ارسلي لنا صينيه
مانبي بس خطوات وكلام
شغل المطبخ عليكم يالبنات مو علينا

وبالعافيه عليك

[مناي إنت]

ان شاء الله اذا عرفت أصور أنزل لكم صينية


تحياتي لكم