حال محبوبة الامام الحسين عليه السلام الطفلة اليتيمه رقيه

[علي البهادلي]

حال الطفله اليتيمه رقيـــــــه

بالشام صارت ياخلگ اعظم رزيه
طفله ويتيمه اميسره ماتت رقيـــــه
عاشت عزيزه امدللة وبزود اهلهه
محبوبه طفله امعززه وماكو مثلهه
ابچفه الطهر لو ناغته گام وحملهه
عاشت ابحضنه امكرمه وحسين املهه
والوالد حسين الضمد عطفه شملهه
من معدن الهادي النقي يرجع اصلهه
برعم غصن من شجرة الزهره الزچيه
بالشام صارت ياخلگ اعظم رزيه
طفله ويتيمه اميسره ماتت رقيـــــه
$$$$$$$$$$$$$$$$$$$$$
معدنهه معدن حيدره يالب الالباب
نخوه واصاله ومرجله ياداحي الباب
وانحدرتْ البذره ونمت وبحضن الاطياب
وترعرعتْ بين الجذر والعفه جلباب
اصل الوجود وخلقته صاروله اسباب
من هالاصلاب اتحدّرت ياخير الاصلابْ
عمهه التسمم بالچبد وحسين اخيـــــه
بالشام صارت ياخلگ اعظم رزيه
طفله ويتيمه اميسره ماتت رقيـــــه
$$$$$$$$$$$$$$$$$$$$$
صعدوهه عنوه عالهزل ويه السبايا
من كربلا الحادي ضعن شوف الرزايا
ماتدري والدهه انرمه ابسهم المنايا
ابملحمة عاشور اشجره اعظم بلايا
راس الابو فوگ الرمح يا للخطايا
موقف يوضح للملأ سوء النوايــا
ويكشف لك اشصار وجره بالغاضريه
بالشام صارت ياخلگ اعظم رزيه
طفله ويتيمه اميسره ماتت رقيـــــه
$$$$$$$$$$$$$$$$$$$$$$
موقف تجسّد بالحقد يشرح لك الصار
وشلون اميه اچالبو عالصفوه الاخيار
وشوف البدايه عالنبي وبحضرته اشدار
طعنو ابشخص المصطفى طغمة الاشرار
وتنكرّو بيعة علي حيـــــدر الكـــــرار
كرسي وخلافه اتوارثت خلـّوهه معيار
والنبي اشوصه وگال نكروهه الوصيه
بالشام صارت ياخلگ اعظم رزيه
طفله ويتيمه اميسره ماتت رقيـــــه
$$$$$$$$$$$$$$$$$$$$$
من بعدّو خير العمل واخذو مكانه
وتولت اشرار البشر شوف الخيانه
خانو عهود المصطفى وذيچ الامانه
گال اهل بيتي وعترتي همه الضمانه
والبيهم اتمسك وصل وآزهر زمانه
والمرسل ابهذا امر مو انته وانه
روح اسال اقطاب العلم واهل الرويه
بالشام صارت ياخلگ اعظم رزيه
طفله ويتيمه اميسره ماتت رقيـــــه
$$$$$$$$$$$$$$$$$$$$$
والحقد بيهم ماطفه مستعره نيران
وبضلع مكسور ومضت خيرة النسوان
وبمسجد الكوفه انهدم ياركن الايمان
والحسن بالسم انسگه وبگلبه احزان
وحسين ضامي ابكربلا منذبح عطشان
واهله اسارى عالهزل وليــة العدوانْ
من كربلا وللشام لن زينب سبيّــه
بالشام صارت ياخلگ اعظم رزيه
طفله ويتيمه اميسره ماتت رقيـــــه
$$$$$$$$$$$$$$$$$$$$
تمت بعونه تعالى
في 16/2/2009
علي البهادلي

[حسين بن]

شاعرنا الكبير
الأستاذ / علي البهادلي
عظم الله أجوركم بفقد رسول الله صلى الله عليه وعلى آله الطيبين الطاهرين
سيدي الكريم
لذكرهم ذكرى وتأكيد لمنهج جدهم
وما ظلامتهم إلاّ ترسيخ وتأكيد على تمسكنا بهم
هم الإمتحان الصعب
جعلنا وإياكم ممن عرف الحق واتبعه
أحسنت أحسن الله لك
طيب الله أنفـاسك

[دماؤنا حيدرية]

اللهم صل على محمد و ل محمد ..

عظم الله لكم الأجر بذكرى وفاة النبي الأكرم عليه و على آله افضل الصلاة و السلام ..

أخي الفاضل .. علي البهادل ..
ان حروفك قد روضت أحاسيـسـنـا لتعجب بحرفك دومـا ..
فمابالك ان كان الحرف نبض يتقاطر على قلب عاشق لأهل البيت
دمت بود ..

[fatma]

مشكور اخوي وماقصرت علي الطرح الحلو

[زهرة الجنوب]

مشكور اخي عالقصيدة

[علي البهادلي]

شاعرنا الكبير

الأستاذ / علي البهادلي
عظم الله أجوركم بفقد رسول الله صلى الله عليه وعلى آله الطيبين الطاهرين
سيدي الكريم
لذكرهم ذكرى وتأكيد لمنهج جدهم
وما ظلامتهم إلاّ ترسيخ وتأكيد على تمسكنا بهم
هم الإمتحان الصعب
جعلنا وإياكم ممن عرف الحق واتبعه
أحسنت أحسن الله لك

طيب الله أنفـاسك



سرنی وشرفنی مرورك الكريم اخي الفاضل
حسين بن
واسعدني تواجدك المميز الذي انار اسطر القصيده
لاعدمناك ولا حرمنا من هذا التواجد الطيب والدعوات المباركه
ومبروك لك ميلاد منقذ البشريه النبي الكريم صلى الله عليه واله وسلم

[علي البهادلي]

اللهم صل على محمد و ل محمد ..

عظم الله لكم الأجر بذكرى وفاة النبي الأكرم عليه و على آله افضل الصلاة و السلام ..

أخي الفاضل .. علي البهادل ..
ان حروفك قد روضت أحاسيـسـنـا لتعجب بحرفك دومـا ..
فمابالك ان كان الحرف نبض يتقاطر على قلب عاشق لأهل البيت
دمت بود ..



سرنی وشرفنی مرورك الكريم اختنا الفاضله
دمائنا حيدريه
واسعدني تواجدك المميز الذي انار اسطر القصيده
لاعدمناك ولا حرمنا من هذا التواجد الطيب والدعوات المباركه
ومبروك لك ميلاد منقذ البشريه النبي الكريم صلى الله عليه واله وسلم

[علي البهادلي]

مشكور اخوي وماقصرت علي الطرح الحلو


سرنی وشرفنی مرورك الكريم اختنا الفاضله
فاطمه
واسعدني تواجدك المميز الذي انار اسطر القصيده
لاعدمناك ولا حرمنا من هذا التواجد الطيب والدعوات المباركه
ومبروك لك ميلاد منقذ البشريه النبي الكريم صلى الله عليه واله وسلم

[يَا كَاظِم الْغَيْظ]

اللهم صلي على محمد وال محمد
عطرك الله برائحة الجنة
وحشرك مع الحسين(عليه السلام)
مشكور اخي الغالي
ويا رب ما تنساني بلدعاء

[ام اسرار]

السلام عليكم ورحمة الله
تسلم اخوي بارك الله فيك
وجزاك الف الف خير

[نور على نور]

اللهم صلّ على محمد وآل محمد
لله درك شاعرنا علي البهادلي
أبدعت في إختيار الكلمات والأسلوب
مأجور .. .



.
●
.



http://www.shathaaya.com/vb/images/smilies/i.gif

[حاملة الراية]

بارك الله بيك اخوية

قصيدة رائعه احسنت