الدليل الاكبر
February 20th,2009, 10:15 AM
--------------------------------------------------------------------------------
السلام عليكم يعمي..
اني اريد اعتذر منكم لأن صار فتره ما مار الكم ....
بس هاي الدنيه ,,, وهذا بنادم ,,, يوم صاعد ويوم نازل ,,وحر التعذر يعمي وحر الي تقبل العذر.....
تدرون يعمي احنه الشياب دوم نسير ودوم نكعد وي ربعنه الي عمرهم مثل عمرنه,,ونكعد نسولف ,,, وسوالفنه تدرون بيها بس طلايب وكال فلان وكال فلتان,,وقبل يومين جنت مسير عله واحد من ارحامنه وجان اكو واحد من كرايبنه لكيته مسير كدامي ,, وكرايبنه هذا يشتغل بالحكومه مستشار بوحده من الوزارات (( الماتحل ولا تربط )) ,, واحنه الشياب من طبعنه فضوليين (( عله كولت شلتاغ الفضولي اله افضال عل العالم )) ,, المهم يعمي .. سألت هذا كرابتنه سؤال ,, كلتله ((ماتشوفلي شغله لبن عمك سرحان تراهو شالع كلبي ويوميه يكلي خل نروح يمك حته نحاجيك تشوفله شغله ,,, واني دوم اكله ابن عمك موفارغ لهاي السوالف ,, الرجال عده مسؤليات وهاي سوالف زغيره عيب نروحله بيها))....
فأخينه بالله شجاوبني ؟؟ كالي بلهجه مالت حضر وكال(( لا عمو لا انا بالخدمه ,,, لعد وين صارت القرابه ,, أذا سرحان ما أشوفله تعين لعد منو ,, وانته تعرف ياعمو الشُجره الماتفيي عله اهلها مابيها خير ... بس عمو بروحه لوالديك سرحان شمخلص )),, انا من سمعت هذا الحجي فرحت وجاوبته (( ابني عمك مدرس)),, فكالي ((هاي سهله ,,, وين يريد اعينه بالحرس الوطني لو بالشرطه ؟؟)) ,, من سمعت هذا الحجي يعمي كلبي لجمني ,, انا اكله مدرس وهوه يكلي حرس وطني ,, فكلتله (( يعمي بلكي يتعين مدرس ,, ماريد اعينه بالجيش)) فجاوبني (( عمو أنتم أموركم الماديه تعبانه ,,, وهسا التعين بالجيش رخيص .. هيجي حسبت اربع خمس اوراق .. وباقي الوضايف غاليه عليكم )) بصرحه من سمعت هذا الحجي انا أيست من غانمت هذا الزلمه ,,, بس كلت خلي اكمل ويا للتالي وشوف حجيه شنو ,, فكلتله (( مالك شغله يعمي ,,, الخير هواي ,, انته بس كول والفلوس موجوده ,, شنو التعينات الجوه ايدك؟؟ )) جاوبني وكال(( كلشي موجود ,, بس احسن شي يتعين بوزارة النفط لو يتعين بالنزاهه لو بالكهربا)) فرديت عليه وكلتله (( ليش ذني احسن شي )) فرد عليه (( عمو انته غشيم ومتعرف شي .. هاي الوضايف بيهن لغف وفلوس هوايه ورواتبهن قويه ,, لهذا السبب هنه احسن شي ,, بس هنه غاليات حيل)) كلتله (( شكد يعني )) كال (( من اخمصطعش ورقه وانته صاعد)),,جاوبته (( زين يعمي ,, بلاش مو هواي ,,, اشوف سرحان وردلك خبر))جاوبني وكال (( بالخدمه عمو))..
هسه اني يعمي دايخ ... ليش؟؟؟ لأن أذا الموضف يطي رشوه حته يتعين شي أكيد وره مايتعين راح ياخذ رشوه,, زين اذا اريد اعينه وزير شكد راح يدفع ؟؟؟
طبعا اذا يتعين وزير لازم يدفع العراق كله رشوه حته يتعين ... وشلون يدفع العراق ؟؟؟ طبعاً لازم يصير عميل حته يخلو وزير ,,, والله يعلم هذا كرابتي شطاهم حته خلو مستشار بالوزاره..
يعمي هاي مصيبه الماتجي للدرب جا منو للفقير ؟؟ الله للفقير وانتو يعمي ...
عمكم ابو سرحان
السلام عليكم يعمي..
اني اريد اعتذر منكم لأن صار فتره ما مار الكم ....
بس هاي الدنيه ,,, وهذا بنادم ,,, يوم صاعد ويوم نازل ,,وحر التعذر يعمي وحر الي تقبل العذر.....
تدرون يعمي احنه الشياب دوم نسير ودوم نكعد وي ربعنه الي عمرهم مثل عمرنه,,ونكعد نسولف ,,, وسوالفنه تدرون بيها بس طلايب وكال فلان وكال فلتان,,وقبل يومين جنت مسير عله واحد من ارحامنه وجان اكو واحد من كرايبنه لكيته مسير كدامي ,, وكرايبنه هذا يشتغل بالحكومه مستشار بوحده من الوزارات (( الماتحل ولا تربط )) ,, واحنه الشياب من طبعنه فضوليين (( عله كولت شلتاغ الفضولي اله افضال عل العالم )) ,, المهم يعمي .. سألت هذا كرابتنه سؤال ,, كلتله ((ماتشوفلي شغله لبن عمك سرحان تراهو شالع كلبي ويوميه يكلي خل نروح يمك حته نحاجيك تشوفله شغله ,,, واني دوم اكله ابن عمك موفارغ لهاي السوالف ,, الرجال عده مسؤليات وهاي سوالف زغيره عيب نروحله بيها))....
فأخينه بالله شجاوبني ؟؟ كالي بلهجه مالت حضر وكال(( لا عمو لا انا بالخدمه ,,, لعد وين صارت القرابه ,, أذا سرحان ما أشوفله تعين لعد منو ,, وانته تعرف ياعمو الشُجره الماتفيي عله اهلها مابيها خير ... بس عمو بروحه لوالديك سرحان شمخلص )),, انا من سمعت هذا الحجي فرحت وجاوبته (( ابني عمك مدرس)),, فكالي ((هاي سهله ,,, وين يريد اعينه بالحرس الوطني لو بالشرطه ؟؟)) ,, من سمعت هذا الحجي يعمي كلبي لجمني ,, انا اكله مدرس وهوه يكلي حرس وطني ,, فكلتله (( يعمي بلكي يتعين مدرس ,, ماريد اعينه بالجيش)) فجاوبني (( عمو أنتم أموركم الماديه تعبانه ,,, وهسا التعين بالجيش رخيص .. هيجي حسبت اربع خمس اوراق .. وباقي الوضايف غاليه عليكم )) بصرحه من سمعت هذا الحجي انا أيست من غانمت هذا الزلمه ,,, بس كلت خلي اكمل ويا للتالي وشوف حجيه شنو ,, فكلتله (( مالك شغله يعمي ,,, الخير هواي ,, انته بس كول والفلوس موجوده ,, شنو التعينات الجوه ايدك؟؟ )) جاوبني وكال(( كلشي موجود ,, بس احسن شي يتعين بوزارة النفط لو يتعين بالنزاهه لو بالكهربا)) فرديت عليه وكلتله (( ليش ذني احسن شي )) فرد عليه (( عمو انته غشيم ومتعرف شي .. هاي الوضايف بيهن لغف وفلوس هوايه ورواتبهن قويه ,, لهذا السبب هنه احسن شي ,, بس هنه غاليات حيل)) كلتله (( شكد يعني )) كال (( من اخمصطعش ورقه وانته صاعد)),,جاوبته (( زين يعمي ,, بلاش مو هواي ,,, اشوف سرحان وردلك خبر))جاوبني وكال (( بالخدمه عمو))..
هسه اني يعمي دايخ ... ليش؟؟؟ لأن أذا الموضف يطي رشوه حته يتعين شي أكيد وره مايتعين راح ياخذ رشوه,, زين اذا اريد اعينه وزير شكد راح يدفع ؟؟؟
طبعا اذا يتعين وزير لازم يدفع العراق كله رشوه حته يتعين ... وشلون يدفع العراق ؟؟؟ طبعاً لازم يصير عميل حته يخلو وزير ,,, والله يعلم هذا كرابتي شطاهم حته خلو مستشار بالوزاره..
يعمي هاي مصيبه الماتجي للدرب جا منو للفقير ؟؟ الله للفقير وانتو يعمي ...
عمكم ابو سرحان