المساعد الشخصي الرقمي

مشاهدة النسخة كاملة : اخذتي زهره سنيني يا دنيا ( مكتوبه ) باسم الكربلائي


بيكهام كويتي
December 8th,2008, 01:45 AM
الرادود : باسم الكربلائي

أخذتي زهرة سنيني .. يا دنيا
بعد ﮔـولي شتطلبيني .. يا دنيا

بين العبرة .. و بين الجمرة ..
أجذب حسرة .. بفـﮕـد الزهرا ..

عتب بين الوصي و دنياه نسمع .. يخاطب دنيته الفارس الأنزع
إذا شفت جفن عيناي يدمع .. على الزهراء أحس ﭼـبدي تبضع

حزين و عالحزن صابر .. يا دنيا
و على الهم مهجتي تكابر .. يا دنيا

شما أتألم .. لا ما أهتم ..
و أنا محزم .. ﮔـللبي بصبر ..
*** *** ***

أخذتي زهرة سنيني .. يا دنيا
بعد ﮔـولي شتطلبيني .. يا دنيا

بين العبرة .. و بين الجمرة ..
أجذب حسرة .. بفـﮕـد الزهرا ..

أنا الدنيا يا حيدر و عرفتني .. شبدت مني ذنوبي و حاربتني
خطبت بضعة محمد و تركتني .. يا حيدر بالثلاثه طلـﮕـتني
شتضن أنسى المهانه الي هنتني .. أعذبنك مثل ما عذبتني

خذت من عندك البضعة .. يا حيدر
أريدك تسفح الدمعة .. يا حيدر

شما تتمنى .. ما تتهنى ..
و انا اتحنى .. بدم العترة ..
*** *** ***

أخذتي زهرة سنيني .. يا دنيا
بعد ﮔـولي شتطلبيني .. يا دنيا

بين العبرة .. و بين الجمرة ..
أجذب حسرة .. بفـﮕـد الزهرا ..

رضيت بقهرﭺ و هضمـﭻ يا دنياي .. إذا عندي ذنوب تحاسب وياي
شلـﭻ ويا الوديعة و نور عيناي .. هاي الطاهره و أم الحسن هاي
رميتيها بسهم و انشلت أعظام .. بفـﮕـد أم الحسن حلت مناياي

الوديعة يا ذنب عندها .. يا دنيا
حبيب الباري والدها .. يا دنيا

عذبتها .. و عصرتها ..
و ألمتها .. بذيـﭻ العصرة ..
*** *** ***

أخذتي زهرة سنيني .. يا دنيا
بعد ﮔـولي شتطلبيني .. يا دنيا

بين العبرة .. و بين الجمرة ..
أجذب حسرة .. بفـﮕـد الزهرا ..

أنا الدنيا الدنيئه و دورتهم .. أخس اولادي عدوانك شفتهم
بفدايا الخسة و الذله رضعتهم .. بدوافع غدر يم بابك جبتهم
على دارك يا حيدر جمعتهم .. على كسر الضلع آنا الشجعتهم

بعثت لك أرذل أولادي .. يا حيدر
غصبوا حـﮓ بضعة الهادي .. يا حيدر

ما رحموها .. ولا جلوها ..
بل خلوها .. تظل متحيره ..
*** *** ***

أخذتي زهرة سنيني .. يا دنيا
بعد ﮔـولي شتطلبيني .. يا دنيا

بين العبرة .. و بين الجمرة ..
أجذب حسرة .. بفـﮕـد الزهرا ..

أنا حيدر أنا و جوهر صفاتي .. يصبرني على جمرة نايباتي
شبعد عندﭺ يا دنيا هموم هاتي .. أنا الي عالصبر مجبوله ذاتي



بمصاب الزهراء ﭼـن حانت وفاتي .. أعز من فاطمة شعندي بحياتي

طفيتي شمعة عيوني .. يا دنيا
أظن وافيتـﭻ ديوني .. يا دنيا

و هذا عتابي .. يهيج صوابي ..
نار مصابي .. تظل مستعره ..
*** *** ***

أخذتي زهرة سنيني .. يا دنيا
بعد ﮔـولي شتطلبيني .. يا دنيا

بين العبرة .. و بين الجمرة ..
أجذب حسرة .. بفـﮕـد الزهرا ..

خذلتني يا علي و جورك تعدى .. و أنا الدنيا و دليلي يفيض حقده
الي ثاري و طلب لازم ترده .. الحسن إبنك أﮔـطع بيدي ﭼـبده
و أروح لكربلاء بسيفي أرجده .. على التربان جسم حسين أوسده

بنينك كلها تتبضع .. يا حيدر
بناتك لليسر تطلع .. يا حيدر

شبولك كلهم .. محد إلهم ..
ينزف دمهم .. فوﮒ الغبره ..
*** *** ***
أخذتي زهرة سنيني .. يا دنيا
بعد ﮔـولي شتطلبيني .. يا دنيا

بين العبرة .. و بين الجمرة ..
أجذب حسرة .. بفـﮕـد الزهرا
بحرانية اصيلة
December 9th,2008, 10:57 PM
السلام عليكم والرحمة

قصيدة في قمة الروعة

تسلم اخويي على هالطرح

بارك الله فيك

تحياتي ..
ساكن القلوب
December 9th,2008, 11:41 PM
اللهم صل على محمد وال محمد

الله والله انها هالطمية روعة

احبها حدي

تسلم اخوي على الطرح والمجهود

بارك الله فيك

تحياتي

ساكن الروح
بيكهام كويتي
December 10th,2008, 08:46 AM
يسلمووو على الرد

و شكرا للمروور

و موفق انشالله
حسينيه مخلصه
April 17th,2009, 12:34 AM
اللللللله ما اجمل هذه الكلمات
بارك الله فيكم جميعا
بيكهام كويتي
April 17th,2009, 04:38 AM
حياج الله يالغاليه

نورتي الموضوع
بنت العراق
April 17th,2009, 04:43 AM
اللهم صل على محمد وال محمد

الـلــــــه
قصيده رائـــعه والله
دائـمآ اسمعها

تسلم ايدك اخوي
في ميزان اعمالكم ان شاءالله

ارق التحايا
بيكهام كويتي
April 22nd,2009, 05:38 PM
يسلموو يالغاليه

على المرور الجميل
حسام البديري
April 23rd,2009, 11:25 AM
بسم الله الرحمن الرحيم
السلام عليكم ورحمة الله وبركاته
بارك الله بك اخي على هذة القصيدة الرائعه جعلها الله في ميزان حسناتك
علي الموالي
May 1st,2009, 12:44 PM
بارك الله فيك بس ياريت لو صوت
رذاذ المطر
July 6th,2009, 05:39 PM
مشكور أخوي بيكهام
فجر القران
August 8th,2009, 03:32 PM
شكرا لك اش قد احب هذي القصيده
بيكهام كويتي
September 3rd,2009, 04:03 PM
يسلموو يالغاليين على المروور الجميل