أنواع الأطفال

[مكسورة الخاطر]

الطفوله فتره جميله ...قد تستمر شخصيه الطفل كما هي الى فتره المراهقه
وقد تتغير ...حسب احتكاك الطفل بالمحيطين به وحسب طريقه معامله الاهل له ..

هل تتذكر طفولتك ؟....وهل تتمنى طفلك يكون مثلك....!



الطفل البريء :

في المنزل تجده حبوووب وطبيعي 100 %

لكن مع دخوله المدرسة .. ( تنمحي ) شخصيته ..

فتكثر الاصابات في وجهه .. لأنه مايدافع عن نفسه ..



الطفل العنيد:

يسوي اللي براسه ..

مايخاف من الأب أو الأم .. لو قلت له هذا خطر لاتقربه .. عناد فيك يسويه ..

يُــضرب كثيراً في طفولته .. ومع ذلك عنيد مايغير رايه ..


الطفل الحنّـان:

يستخدم وسيلة الحنة لتلبية رغباته

له نغمه خاصه في المنزل ..

تلبى رغباته كـُرهاً .. يعانون اهله من الصداع المستمر ..


الطفل المادي:

هذا الطفل مايرد السلام الا ( بفلوس ) ..

تعامله مع اهل المنزل .. مادي بحت ..

يستخدمونه لتوصيل طلبات المنزل .. ونقل السوالف.. وكل شي بحسابه ..


الطفل الفتّــان:

تجد عند هذا النوع جميع اخبار المنزل ..

يجد المتعه في اذلال غيره بالفتنه عليه .. ماله خاتمه ..

هذا الطفل حتى لو شريت سكوته بفلوس ..

توقع تلقى اخبارك ثاني يوم في الصفحه الرئيسية .. في الجريدة الرسمية ..


الطفل الدلوع:

هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..

تلبى رغباته قبل ليطلبها .. شخصيته اتكاليه جداً ..


الطفل العله:

يزعجك بأسئلته الي ماتنتهي .. يستفسر من كل شي .. حتى لو عطست ..

قالك شلون عطست .. وليش عطست .. وشلون تكونت العطسه ..

يحرجك احياناً .. ويمكن دائماً بأسئلته .. مره تجاوب عليه ومره تسفهه ..

واكثر الاوقات ماتلقى اجابه لاسئلته .. لانك في الحقيقه تجهلها ..


الطفل الداج:

هذا الطفل مستحيل يجلس في المنزل ..


يعيش في الشارع اكثر من بيته .. خبره ودليل في كل ممر وطريق ..


يعرف طول الشارع بالسنتيمتر .. من الممكن ان يصبح اذا كبر مهندس طرق ..


الطفل الملسون:

يستانسون اهله على سوالفه .. فصيح جداً ..

ويلقط العبارات والمفردات بسرعة مذهله ..

يسبب احراج دائم لأهله .. من الممكن ان يقول كلمة بالغلط للضيوف او الاقارب ..

يتميز احياناً بقلة الذووق والوقاحة اذا انفعل ..

لاينصح بأستفزازه ابداً ..


الطفل اللزقه:

تلقاه مسنتر عند باب البيت .. محد يطلع الا وهو لازق معاه ..

حتى الضيوف من الممكن تلقاه يلزق فيهم ويطلع معاهم ..

يـُـضرب كثيراً .. وخاصه من اخوانه اللي اكبر منه .. او خواته ..

لانه عباره عن رادار على طلعاتهم ..

احياناً يضطرون يطلعون من نافذة المنزل للهروب منه ..

ولكن للأسف يجدونه بانتظارهم في السيارة ..ويسألهم ليش تأخرتوا عليّ ..


الطفل الهادي:

هذا الطفل ماله صوت ابد .. وين ماتحطه تلقاه ..

احياناً يهملونه اهله .. لانهم ناسينه ..

واحياناً يلقى اهتمام زائد من اهله ..

لو يموت من الجوع ماتكلم ..

في كثير من الاحيان تلقى اهله ناسينه بالسوق او عند الاقارب اثناء الزيارات ..


الطفل القوي:

اهله دائماً في احراج و مشاكل مع الناس ..

هرمون الاجرام مرتفع بنسبة عالية في جسمه ..

في كل جبهة طفل في ( منطقتهم ) تلقى له أثر وتوقيع ..

يمثل القائد والفتوه .. يهابونه الاطفال ..

يتقرب منه الكبار ويتوددون له حفاظاً على سلامة اطفالهم ..


موضوع عجبني وحبيت أنقله ... وياريت اللي يقرا الموضوع يقول أي نوع كان ...

تحياتي ...

[الامل المنتظر]

مشكورة اختي مكسورة الخاطر
واني بصراحة من النوع الطفل العله ههههه:

يزعجك بأسئلته الي ماتنتهي .. يستفسر من كل شي .. حتى لو عطست ..

قالك شلون عطست .. وليش عطست .. وشلون تكونت العطسه ..

يحرجك احياناً .. ويمكن دائماً بأسئلته .. مره تجاوب عليه ومره تسفهه ..

واكثر الاوقات ماتلقى اجابه لاسئلته .. لانك في الحقيقه تجهلها ..

اختك الامل المنتظر

[أريج الورد]

الطفل الحنّـان:

يستخدم وسيلة الحنة لتلبية رغباته

له نغمه خاصه في المنزل ..

تلبى رغباته كـُرهاً .. يعانون اهله من الصداع المستمر ..


ههههههههههههههههههههههه موتيني من الضحك واااي يهبلون الاطفال اموووت عليهم

و بصراحة الي اذكره اني كنت حنانة و للحين اتذكر نبرة صوتي و ماكنت اسكت الا لما امي تصرخ ههههههه


هههه احلى واحد الهادي(اهله ينسونه بالسوق)

[مكسورة الخاطر]

ههههههه

تسلمون اخواتي الأمل المنتظر وعاشقة على المرور ...

أسعدني تواجدكم ...

[عَاشِقُ اْلقَائِدْ]

الله يعطيج العافية اختي على الموضوع

تحياتى

[مكسورة الخاطر]

الله يعافيك اخوي ...

شكراً على المرور الطيب ...

[حاملة الراية]

thnxxxxxxxxxxxxxxx 4the topic

[مكسورة الخاطر]

العفو عزيزتي ...

شكراً على المرور الطيب ...

[كَرْبَلائِيَ]

اللهم صلي على محمد وال محمد وعجل فرجه

اختي مكسوره مشكوره يعطيج العافيه

تحياتي

[مكسورة الخاطر]

الله يعافيك اخوي ...

شكراً على المرور الطيب ...

[حجة المهدي]

اللهم صلي على محمد وال محمد وعجل فرجهم
مشكورة إختي
يعطيج العافية

تحياتي

[مكسورة الخاطر]

الله يعافيك اخوي ...

شكراً على المرور العطر ...