][ موااقف ][

[أبيار علي]

بسم الله الرحمن الرحيم
اللهم صل على محمد و آل محمد
السلاام عليكم

شلوونكم حباايب , شخبااركم ؟

تصادفنا العديد من المواقف الي ما نقدر ننساها .. سواء كانت هالمواقف مضحكة أو محزنة أو محرجة ...الخ

وكل واحد رده فعله تختلف عن الثااني

الحين كل وااحد يدخل , يعطينا موقف حلو صار معاه و مايقدر ينسااه , و يقوولنا شلون تصرف بهالموقف ؟ خل نستفيد من مواقفكم

خل اقوولكم موقف صار معاي ,,

كنت بالمتوسط و كانت آخر الأياام , عندي امتحان فاينل وتوني مخلصه الامتحان .. طلعت برا و مع الاسف الشديد الوالده متأخره علي شوي .. كل البنات راحوا والموجودين دخلوهم غرفه الانتظار .. وانا ما احب هالغرفه كلش , المهم وقفت برا انا مع 3 بنات وهالبنات قليلات ادب :( رفيجاتي كلهم راحوا و انجبرت اوقف معاهم هالدقيقتين على ما الوالده توصل , و هالبنات مصخره يتضحكون بصوت عالي و مادري شسوون وانا كنت خايفه بصرااحه :D مو مرتاحه عالوضع و أكره هالحركات ..
وانا قاعده اتلفت يمين شمال يمكن اشوف سيارتنا شي .. جان ايي بو هريره من ثانوية الصبيان , ومادري ليش الاخ موقف سيارته عندنا !!سلفي شكله خااايس اللحيه تييب المرض والدشداشه القصيره و ما يحتاج اوصف بعد , اهوو بس يه صوبنا انا قمت ارجف :p انا خلقه خوافه و واقفه مع بنات الله لا يبلينا يعني خايفه اكثر وايي سلفي يكملها علي ؟ زين ما مت
المهم وحده من البنات علقت عليه بصوت واطي جان الثانيه تضحك , اهوو ما سمعهم شنو قالوا بس عرف ان عنه :p وهنا تبدأ الكارثه :|
وقف و طالعهم , جان يقول تعرفون لعنت والدين ؟؟
وحده قالت شنوو ؟؟ :S
جان يصرخ واهو معصب ويرد يقول "تعرفوون لعنه والدين ؟؟ "
جان وحد ثانيه تقوول خلاص اخوي توكل على الله و من هالحجي ( والله من كثر ما كنت خايفه ما ركزت شنو قالوا خخخخ )
راح اخونا بو هريره وركب سيارته , و يبدون البنات يخرعوني أكثر بكلامهم , يقولون " يمه قاعده يحرك حلجة مادري شقول " .. " وااي هذا شفيه يخرع شقاعد يقوول " .. " بس عاد طول واهو يحرك حلجه , شكلة بيقلبنا شواذي " ...... ومن هالطقه كان كلامهم
انا من الخووف رجعت وراا , صرت واقفه بين سيارتين و 3 بنات جدامي ( انخشيت :P )
اخونا بو هريره حرك سيارته ومشى و صارت سيارته يم البنات , جان يبطل الدريشة ... و هنا الكارثه الكبرى !!!!
تفوووووووووووووووووووو
حشااكم تفل عليهم ههههههههههههههههه
انا ( و أعوذ بالله من كلمة انا ) الحمدلله ما حاشني شي , والله كنت بريئه ما بطلت حلجي بولا كلمة , الحمدلله اني خفت ورجعت وراا :p
بس اهمة ال3 الله لا يراويكم شصار فيهم .. عفيه حلج كل هالتفال فيه :p حاشهم ثلاثتهم
لاا بعد لمن حرك سيارته و راح عالشاارع يطالعهم ويضحك ويأشر بايده يسوي بيباااااااي
انا قلت ما راح اقول حق امي عن الي صار عشان لا انزف .. اول ما ركبت السياره يما شفتي شصار توه ..... الخ :p
صج هالموقف ما انساه , و الخووف نعمة والله :D


و الحين دووركم , عطونا مواقفكم و ردت فعلكم بهالمواقف , ومنكم نستفيد


تحيااتي ,, أبيار علي

[متيم ب علي]

هههه
يعطيج العافية اختي هالموقف ضحكني وايد ..

انا صارت فيني مواقف وايد ..منها اللي تضحكني لما أتذكرها ومنها العكس ..

أتذكر قبل 5 - 6 سنوات لما بديت أدخن زجاير .. أول أيامي كل ماكنت ادخن ورجع البيت
أهلي يقولون لي تعال نشم منك ريحة زجاير !! .. فأنا أقولهم اي هذيلي ربعي يدخنون وانا قاعد معاهم فريحتهم علقت فيني ..

بيوم من الايام برمضان تفطرت ورحت عند رفيجي قعدت عنده نص ساعة دخنت خلالها 6 زجارات ( بوكس أحمر ) وبلفظ آخر ( مارلبورو أحمر ) .. يعني ريحتي صارت فايحة بخور !!

فلما رجعت البيت أبوي شافني من بعد 3 أمتار يمكن فقالي تعال أشم فيك ريحة زجاير ..

فأنا عطيتهم جواب كل مرة بس مثل مايقولون مو كل مرة تسلم الجرة أو مو كل حملة بولد ..

فأبوي قالي تعال خل أشم ريحة حلجك .. فقلتله يبا أنا مو مدخن فما يحتاي ..

فرحت قعدت على كرسي وجابلت الكمبيوتر وطنشت بأبوي فقام يالي .. ولا قال خل أشم ريحة حلجك ..

فقلت له يبا والله ربعي اهمه دخنو مو أنا .. فقالي افتح حلجك خل اشم ..

فلما شم الريحة ولا ماااااشووووووف إلا طراااق راشدي ياني و أبوي يقول حق أهلي هذا محشش !!

فأنا قلت لأ يبا والله انا مدخن مو محشش .. فيقولي هذي ريحة حشيش وايد قوية هالريحة !!

وأنا ارد و أقول لا يبا والله العظيم انا دخنت ما أحشش !!

وبالغصب صدقوني بعدين :( .. و إن شاء الله نذكر موقف ثاني إذا سمح لنا الوقت ..

[متيم ب علي]

عندي موقف بس ماحبيت أذكره لأنه محرج شوي...,
بس نذكره للترفيه عن النفس شوي على حسابي!.!

المهم
يمكن قبل 12 - 13
سنة تقريباً صار فيني هالموقف المحرررررج بس
موحقي!.!
فمرة كنت رايح الجمعية (سوبر ماركت) مع الوالد الله يحفظه إن شاء الله ويحفظ والدينكم...,

فأنا طبعاً ما أخلي أحد يمسك العربانة للجمعية لو شيصير إلا أنا أدزها وأمشي مع أبوي , عشان أتعلم شوي قبل لانسوق السيارة.

فكنت مع أبوي أمشي جان أشووف مكان الثلاجات آيس كريم , فوقفت عشان أشوفلي آيس كريم واحد يطق براسي وآخذه.
فطوّلت شوي بالإستخارة عشان أشوف أي واحد آخذ!.!

فما أنتبهت إلا وأبوي راايييييح بعيييييييييييييييييد عني وايييييييد

فأنا دست على دواسة البنزين عندي وعطيته حد السليتر وأبوي معطيني
ظهرة وقاعد يمشي.

فمرة وحدة وللأسف الشديد أبوي وقف بمكانة , وأنا صار فيني ألحين على قولة
الفارسيين (بيو بكش كه نّسانقينة) يعني (تعال عابل بالموقف
وشوف شتسوي!.!)

فأنا طقيت بريييييك بس ماكو فايدة لأني كنت سريع حيـــل وبريكي مو abs
فما شفت إلا أني داعم أبوي وخليته يتكرفس عالأرض

وشفت الغترة طايحة بصوب و العقال بصوب و (تكرمون) النعال بصوب وأبوي مايدري للحين شاللي
دعمة و طيّحة !.!

فأنا شفت جذي ماقلت إلا يالله سترك وكالعادة مسكت خطي وعطيتها نحشة
وخليت أبوي بهالموقف بروووحة.
ورحت للسيارة أنخش بس وين !.!
أنخش بالدبة ولا ورى ؟.؟ ماكو مكان.
(يومها صرت نعامة حطيت راسي تحت كشن السيارة) !.!
فما شفت أبوي إلا ياي السيارة وماسك العقال بإيـــده ولشطه على ظهري
وكليـــــت بدال الآيس كريم طق سنة بساعة.
بس طبعاً مابجيت كثر ماقام أضحك للحين وأنا أتذكر هالموقف وأتخيّل
موقف أبوي يوم طاح.
وبدوووون كـــــلام كنسلو الليسن حقي و سحبوه مني الليسن لعربانة الجمعية وذلك للقيادة بإستهتار ورعونة.
والمستفاد طبعاً من هالموقف هو أنه
أنتبه السرعة قاتلة!.!

بالتأني السلامة وبالعجل الندامة (مجرب)

[منارة المجد]

أبياااااااااااااااااااار ..

وييييييييييييييييييييييييييي ويييييييييييييييييييييييع .. شكان موقفهم الخانمات وييييييييييع .. حسبي الله عليهم وهااابية يلوعو الجبد ذكرتيني بوهابيتنا اللي يوقفون عند الكلية الثوب للركبة و اللحية للبطن صايرة اللحية و الثوب انجذاب عكسي كل ما طالت اللحية يقصر الثوب :D

مواقفنا في الحيااة وايد نقوول لكم بعد شوي ..

.. متيم ..

وخوش تحشيش خخخخخ

و الحمد لله ع سلامة الوااالد ..

[أريج الورد]

لووووول
ابيااارو موقفج عجيييب
وععع شنو ماحب هالبنات الخايسات ..بقلعتهم زين سوا فيهم ابو هريرة ههههههههههههه
و هم اهم زين سووا فيه لووول

انا اكثر مواقفي تكون مع الزهيوي ههههههههه
مغامرااات انا و الزهيوية

مرة الله يسلمكم عمري و حياااتي ما انسى هالموقف
كنت بالمتوسط تقريبا و كان ايام امتحانات و الحجية شاطرة فبالليل و اهلي كلهم برا قبال التلفزيون و الشاطرة لي اهي انا قاعدة بغرفتي عالمكتب و ادرس
المهم طبعا انا من النوع الي ماعرف ادرس الا العب بشي بريولي او ايديني يعني لازم انشغل بشي و انا ادرس عشان مخي يشتغل

فقمت ارفس بريولي تحت المكتب عشان ادور اي شي طايح و العب فيه ههههههه
اشوي و لا ريلي حاشت شغلة نفس الشباصة الصغيرة ماله اليهال
قلت خوش شي العب فيه على كيفي
شي خشن و صلب و فيه اسنان مالة الشباصة طبعا لوووول
الله لا يوريكم حطيته بين صبعين و انا مستانسة و يت ارفعه اشوي لاني شكيت انها مو شباصة و بطالع شنو هالشغلة الحلوة
اشوي و لا احس الشباصة تتحرك بين اصابعي
عاد تحيلوا موقفي مو ازم اقول
صراااخ و عويييييل و نط
اهلي كلهم دشوا داري عبالهم مت لوووول

اهي شبه موتة بس الحمدلله طلعت منها بسلام بس يمكن ساعة جذي ما اقدر اتكلم

عاد تدورن الزهيوية كانت سودة من النوع الخشن الصلب الامريكي
كشخو كان يعني

و طبعا وايد مواقف ويا هالحشرات الذربة بعدين اقول

بس انا موقفي وياهم صج اني اصرخ و هاذه بس الحمدلله بما اني متعودة فامسك اعصابي و اكو ناس وااايد اخس مني
الحمدلله ههههههههههههه


متيم الموقف الثاني ضحكني وايد هههههههه
حرام مسكين ابوك كسر خاطري

[أبيار علي]

متيم ب علي

لوو قايلهم انك مدخن من اول مره احسنلك :D

والموقف الثاني بصراحه لا تعليق هههههههه ضحكت ضحك


وبدوووون كـــــلام كنسلو الليسن حقي و سحبوه مني الليسن لعربانة الجمعية وذلك للقيادة بإستهتار ورعونة.
الله يهداك لك عين بعد تطب الجمعيه ؟ :p

لوو انا منهم اكنسل رحله الجمعيه بكبرهاا هههههههه


حيااك الله اخوي و بانتظار المزيد من المواقف الكوميدياا :P

[أبيار علي]

مناره المجد


شكان موقفهم الخانمات وييييييييييع
قالوا نفسج جذي ويييييع وييييع ههههههههه , و قهرهم أكثر لمن سوالهم بيبااااي


حسبي الله عليهم وهااابية يلوعو الجبد ذكرتيني بوهابيتنا اللي يوقفون عند الكلية الثوب للركبة و اللحية للبطن صايرة اللحية و الثوب انجذاب عكسي كل ما طالت اللحية يقصر الثوب
هههههههههه و شكلهم اييب الحة
بس هذي المووضه شفيج :p انتي فااهمتهم غلط :P


مواقفنا في الحيااة وايد نقوول لكم بعد شوي ..
تنورين الموضوع حبيبتي , حيااج الله بأي وقت

[أبيار علي]

أريج الورد


وععع شنو ماحب هالبنات الخايسات ..بقلعتهم زين سوا فيهم ابو هريرة ههههههههههههه
و هم اهم زين سووا فيه لووول
وقلعتي انا بعد شموقفني معااهم هههههههه
اهمة ربع يتوالمون مع بعض انا شكوو مادري

و أما عن موقفج , الله يهداج قمت اتحكك :p

لو انا منج زين ما قصيت ريلي خخخخ

مرة مادري شلون جست زهيوي ميت :( يووووو لا تشوفين شصار
ايدي قامت تبجي كثر ما غسلتها ههههههههههه


و طبعا وايد مواقف ويا هالحشرات الذربة بعدين اقول
ايي بس لازم تصوريلنا جم حشره عشان نعيش الجوو معاج :p ههههههههه

حيااج الله حبيبتي و منوره

[الحور]

لوووووووووول مواقفكم عجيييييييييبة حدها حدها حدها

[الحور]

عيل آنه خل أقول لكم هالمره موقف يبجي

الله يسلمكم
آخر سفره سافرتها مشهد
أوكي
و آنه بالمطار يوم السفر
إختي الصغيره كااااانت حدها مستاااانسه تبي الفكه مني و بالبيت تناقز من الوناسه و تضحك و ما أدري شنو << جنه عندها عرس :p
و تقول لي: الله وناااااسة محد يلعوزني بالبيت << للعلم آنه دايما ألعوزها و أتهاوش معاها بس على ضحك :p
المووهم آنه معطتها طااااف
خوو آنه بعد مستانسه بسافر مشهد خوو :p
و يوم السفر .. خلاص بندخل داخل عند الجوازات جنه
المهم
خونت فيني :(
و قامت تبجي !!!!!!

خووو ما عرفنا لها خووو
مره تقول فكه و إلحين تبجي << بس أدري ما تقدر تستغني عني بعدين منو يناجرها 24 ساعه :p

و حضنا بعض و بجتني معاها فشلتني جدام الأوادم إهيا تبجي و آنه أبجي و هذا هو الحال الناس قاموا يطالعوني
عمتي تقول: ترى كلها 7 أيام مو سفر طول العمر :p <<< و عمتي بجت على ولدها الصغير لأنها تبي تسافر و تخليه
عاد آنه ما نشفت دموعي خلصت من أختي كله منهاااا مو مني
و رحت حق عميييييي الغااااااالي على قلبي وايد وايد وايد
جان أمسك خده و أبوسه و أبجي و أبجي و أهووو يضحك و يقول مع السلامة حبيبتي .. و حضني و حضنته
يعنييييي سوييييييت فلم هندي بالمطار :p
مو مني كله من أختي إهيا إلي سوت جذي
و الناس يطالعون جنهم يسألون هذي وين مسافره حشاا رايحه تجاهد :p

[منارة المجد]

الحور الخوات كل جذي نجرة و هواش في البيت و الغرفة ,, بالنسبة لي ما يمر بدون هواش بعدها اناديها و اقول شوفي و صار جذي و وو و بعدين اقولها اصلا ما اكلمج خخخ و كل جذي :D

الله لا يفرق بينكم ان شاء الله .

[منارة المجد]

بالنسبة لي اقول لكم موقف ..

آنا عندي صديقة مخطوبة تقريبا كل اسراري عندها و من اعصب ع طوول اقول لها المووهم جااان يوم من الايام اعصب و تصير سالفة وضايق خلقي عاد اهي مسكينة ما حبت تخليني و اهي تعبانة قلت لها لا خلااااص قومي ارتاحي و بكرة اقوولج شصار معاي .. قالت زين

يوم ثاني دشت المسن تقولي منور موجودة قلت اي و قمت خريت الاكووو و المااااااااااااكو و قلت و قلت و صار و جذي جان الطرف الثاني يقوولي ستووووووووووووووب شتوووووووووووووب أناااااااا مو هــــــــــــــدى

أنا هني احس كان ماي بارد كتو في وجهي سكتت ما عرفت شقول

خخخخخخخخخخ حسيت باحراااااااااااااااااااااااااااج لوووووووووووووووووول

امبببببببببببية فشلة >>>>>>> صارت الفاظي مستعمرات كويتية

[][ Sinan Tuzcu ][]

أوووووووووووف منارة شهالموقف حده أحرااج :D ..

عااد أكوو وايد مواقف تصير بالانسان .. بس في موقف محرج ومضحك بنفس الوقت .. بقولكم ايااه ..

هذاا الله يسلمكم .. دشيت المستوصف .. مو في الآلة الي اطلع طوابع دنانير مادري شنوو .. المهم هذي الي تنحط على الي شيسمونها ( طبعا فهمتوني :p ) .. حط أخووي ديناار ضغط عالدقمة عشاان يطلع الدنيار مااكوو ما يطلع :O .. أنا قلت بقلبي " داام هذي البداية عز الله كديناا خيير عدل " :D .. المهم جان يقولون هذي خربان .. انزين والـ K.D الي حاطينااه :( .. قال ان شالله بيرجع .. المهم رحنا عالآلة الثانيه وأخذنا طابع .. المهم انا كنت رايحة اسوي حشووة عشاان مراجعه التقويم بس شنو المفاجأه .. قالت أن الآلة بالقسم خربانه وما تتصلح الا بعد يومين :| :| .. أنا اهني صكت فيني الدنياا .. شهالحظ :|:| .. قلت حق أخووي .. i guss أنا حظي شي شي حده اي شي :p .. بعدين واحنا طالعين مو انا من كثر ماني معصبة ومطنقرة :D .. مانتبهت ان اكوو عتبة عند الباب ..جاان اتعرجب واطيح على ويهي :'( .. نظااراتي راحت فيها والبدلة اعتفست والحالة حالة .. صج يوووم كااان من أمه منحوس :D

سوووووووووووووووووووووووووووووووووووووووري عالقرقة :D

وووووووووويعطيج العافيه أبيااروو :>

يالله ملقلق :D

[أبيار علي]

الحور
لووول عاد هالموقف شكثر يصير فيني و حدي ما احبه
و انا خوو بس اشوف احد يبجي جدامي اقعد ابجي معاه حتى لو مادري شالسالفه :p اسوي منااحه خخخخ


مناره المجد
ههههههههههههههههه فششششله
موو ليش داشين بايميلها لييش خخخخخ

صارت الفاظي مستعمرات كويتية
ايي قام الااحظ :p
تعلمي عدل عشان يضيعون اكثر بالمسنجر خخخخ



سنوات الضياع :pاووووو تعودت على هالمواقف , اكثر آدمية اطيح انا هههههههههههه
مرة بايران طحت طيحه محترمة , قمت ابجي من الفشله :( يقولولي شفييج ؟ اقولهم تعورت , وانا مو متعوره ولا شي , قمت ابجي من الفشله والله
عشان جذي لمن احد يطيح انا الوحيده الي ما اضحك :p اكون حاسه بشعوره مسكين

حيااكم الله جميعا ,,,

[MisS RaW3aH]

السلام عليكم

شلونكم شخباركم ؟!

اولا شكرا على اللعبة

وثانيا بقول موقفي الحين اهوا محزن ويضحك بنفس الوقت :p


مرة كنا مسافرين مشهد وكنا رايحين مجمع بروما (( مادري عاد اذا اسمة صح لان من زمان مورايحين مشهد )) :d

المهم عاد انا عباتي كانت طوييلة حيل صعدنا بالمصعد المتحرك
وصلنا فوق امشي مااحس نفسي الا مو قادرة امشي :(

وعاد انا اهني لاتشوفون شكلي اكسر الخاطر :d
ونادي امي ماكووو امي خبر خير مااشية بتروح عاد اهني انا صرخت قلت لهااا يمااااااااااااااااااااا >>> اخترعتوا هاا :p

زين اشوه عاد اسمعتني :d

امي اهني تقولي شفييج اقولها عبايتي تعلقت واهية اهني تنادي وقفوه بس لاحياة لمن تنادي

صرت مضحكة حق الاوادم :(

كل وحدة تقول اي جادرشن علقن :p يعني ايراني

المهم صرت حديث الساعة واهلنا تحت كانوا يقولون واعلية هالايرانية جادرها متعلق :d

ومايدرون اني انا :d

عاد بعدين يا ريال مال راعي محل يمنا كان ناد السيكيورتي وقفواه وقصوا عبايتي وانتهت السالفة في امان

عاد هالايراني يطنز يقولي ردي بالمصعد مرة ثانية اذا صار فيج شي انا اوقف المصعد يعني يبي يستظرف دمة :@

المهمممم عاد الحين من يومها وانا اموت خرعة لما اركب هالمصعد :(

وامي تقولي خلاص حق ايران لاتلبسين عباية خافت علي مسكينة
لووووووووووووووووول





عذروني على القرقة انشالله عاد الموقف مايكون مليييق :d

[أريج الورد]

لوووووول الحووور ذكرتيييني لما اخوي كان بيسافر امريكا حق دراسة اول مرة :(:(
لا تشوفوووني بالمطااار
من اليجي بغيت اطيح غشيااانة لوووول
و عد ربعه و الاهل و واايد ناس اكو و كلهم كانوا متاثرين من بجيتي :(
لاا و ابوي بدال ما يهدئ من روعي(طاع العبارة)كان يقولي لا تبجين عيييب
الحين بعرف وين العيب هههههههه
المهمالله يعينج البجي بالمطار واايد صعب بس انتي الله يهداج كلها جم يوم انا اخوي سافر و ما شفناه الا عقب كووورس دراسي كامل:(


اووووف منووور اش هالموقف ههههههههههههه
عاد منو الي كان شابك بمسنجرها؟؟لا يكون خطيبها لووووول
اي حياتي ثاني مرة اول ما تدشين سلمي و تاكدي منو الي تكلمينه قبل لا تبدين بالاسرار لوووول

تراااي الطيحة شي طبييعي ..حليج ريلاكس لما اتطيحين
لوووول ابيارو نفسي انا لما اطيح اسوي روحي متعورة عشان اذا عفست ويهي عبالهم انا متعورة مو عشاني منحرجة لوووول
بس تصدقين مرات احسن لج تضحكين اذا طحتي جذي تبينين نفسج كووول و عادي عندج الي صار هههههههههه

مس رووعة...حياااتي موقفج لاا يحسد علييييه :(:(
بجددد قمة الفشلة ..انا لو كان صاير فيني جذي كنت راح ابجي
و ويييين بايراااان
حق الطنااازة ههههههههه
انا بعد كلي مغامرات في ايران و مواقف عجيبة ههههههههه
اهمم شي جادرش علقن...متت ضحك على الجملة لووووول

[][ Sinan Tuzcu ][]

أقول أبيااروو منو سنوات :p ؟ .. لا يكون غلطانه بالنمرة لووووووووووول ..

لا انتي شوي أهون مني .. انا مرة تعرجبت على دري مدخل المدرسة .. حده أحرااج :D

أريج .. غلطانة بالنمرة أختي منوو ترااي :p ؟ .. تصيرلكم هههههههههههههه

تخيلي وحده اطيح وتصير ريلاكس الصرااحه شي عجييب :D ..

أنا لمن اطيح وانا عاادي مو معصبه ولا شي اضحك على نفسي :D .. بس لمن أطيح وانا معصبه لا يحوووووووووووشك :p ..

أنزي عندي لكم موقف عجيييب :D

مرة كان عليناا حصه رياضيات .. وطبعاا انا عشقي ان ارفع ضغط ابلتنا (6):D .. لمن بلشت الحصة والابلة مندمجة وهالله هالله .. أنا طايحتله أكل ببطاط ليييز أخضر << أهم شي :p .. فـ شافتني .. جان تقول : بتاكلي ايه ببؤك :D .. اهيه قالتها بسرعه وانا بالمصري شي شي حدي اي شي :p .. طبعاا قبلها كانت ساائلة سؤال وانا زفت بالرياضيات حشااكم :p .. فحسبالي تقول انه شنوو جواب هالسؤال .. عاد انا قلت الجوااب .. وطبعاا كان غلط جان تقعد تزف .. والي قاعده يمي تقول يباا شفيج انصمختي تقولج شنوو قاع تاكلين .. أنا اهني بطيتها ضحك مو قادرة :D .. بعدين قلتلها هذي حبه بطاط على مريولي وشلتها وحطيتها بالدرج :p لووووووووووووووووووووووووول .. عاد اهي قامت تخربط بالمصري مدري شتقول بعدين وقفتني الحصه كاملة :( .. بس الصرااحه هالابله حصتهاا عجيييييييييييييييييبة :D .. والله اعتبرها تقزيرة مو أبلة :p .. الله يذكرها بالخير لوووووووووووووووووول ..

<< تعبت وانا اطبع :D

[كتكوتة]

بسم الله الرحمن الرحيم

الموقف الي بقولة يضحك ويفشل

مرة كنا انا وبنت خالتي داشين المطبخ واحنا طبعا مانفتهم كلش طردنا الخدم وتشيطرنا قلنا مانبي مساعدة احد نبي بروحنا نطبخ فن يعني :P
حطينا الدهن على النار و قمنا نشتغل بأشياء ثانية ونسنا الدهن وكلش ماكنا منتبهين ومرت الساعات :pصارت ربع ساعة شمينا ريحه

وانا اقولها عادي الدهن قعد يستوي :D وما شفنا بس شمينا الريحه

بعدين بنت خالتي لفت ولا تشوف الجدر صاير اسووووووود ومحترق وقاعد يطلع منه دخان بسيط وما سكرت النار قامت الهبلة من الخرعة وصبت ماي على الدهن الحار وحدثت الكارثة وما اشوف الا امي طايحته زف فيني والخدامة تضحك علي :(

ومن بعدها ما دشينا المطبخ سنة :P

عرفنا انه مو مال ويه :D

[][ Sinan Tuzcu ][]

كتكووتة .. لاااا وتقولين لهاا بعد ريحة الشيسموونة عادي :D .. معقوولة ما تميزون ريحة الحريقة .. لا انتواا حدكم منتهييين :D

الصرااحه مالوم الواالده اذا زفتكم .. لوووووووووووووول .. وبعد كملت الخداامه تضحك عليكم :p .. هذاا من امه احرااااج كااااااااااااااااك :D

[MisS RaW3aH]

لوووووووول

اما موقف المطبخ صج يضححححك :25:

والحين بقولكم موقف غبي شوي >>>طبعا حصيلة من احدى حصيلات غباءي :p
المووووهم

يوم من الايام في سالف العصر والزمان :D >>>> بس عاد قولي موقفج ولابرا الحين :p
يلا يلا

كنت رايحة المكتبة عشان اكشخ البحث :p

عااد شفت المكينة مالت الرصيد قلت يلا خل اعبي رصيد

رحت حطيت الفلوس وقاعده اطق واطق وماكو فايدة الكرت مو راضي يطلع

عاد عصبت اهني انا قلت شفيها الالى غبية ما تطلع >>> المشكلة انا الغببية مو الالة :D

عاد يالي الريال المسكين قالي عطيني الفلوس خل اطلع لج الكرت
بسهوووولة طلع الكرت :D انا اهني حسيت بغبائي للأسف فشلت روحي عند الريال عاد مو اهني السالفة نرد لمحور حديثنا :D

قلت حق امي هاذا ما يتعبا شفيه مايصير !!
ورديت عصبت >>> عشتووو خخخخخ

امي قالت قولي حق الريال يعبيلج الكرت

للعلم كنا احنا اليحن بالجميعة :D

قلت لها لا مابي فشلة >>> مستحية الاخت

قالت لي لاعادي شنو فشلة عاد انا رحت ذهب الحياء مع الريح وقتها :D


اامي ادفعت فواتيرها وتوهقت انا اليحن شقولة فشلة اقوله هاك الكرت مااعرف اعبي والله فشلة :(

المهم امي عطتة الكرت

وطق طق طق طق طق >>> صوت الارقام الي قاعد يطقها الريال :p

للتمجين فقط :D

قالي مايصير قلت له شنو مايصير >>> شوي اطقة احلف عيل ليش يايه عندك :@

حاول مرة اخرى المسكين

طق طق طق طق طق

:p

عاد بعدين هز راسة قلت هاذا شفيه ؟!!! >>> عاشوا حلها البطل

عطاني التلفون قالي اقري فوق اقولة سوني اريكسون لوووول طالعة فيها يعني هذاك اليوم كان اليوم العالمي للغباء عندي :p

قالي لا ع الشاشة

قلت له الوطنية

وقالي على الكرت قلت له mtc

فلت له ويييييييييييييييييه انا وطينة :p >>>> صباح الخير حجية ههههه

عاد اهني حسيت ابمدى غبااائي واعلية بغيت اتهاوش مع الريال

قالي معلش بس انتبهي مرة تااينة

يعني صايد الحركة خخخخخ

وبعدين رحت عبيت مرة ثانية بس بانتباه :p

وعطيت الكرت حق اخوي

بس ما بغيت اعطيه قلت حق امي ابي اقطة بالزبالة (( وانتو بكرامة )) ولا اعطيه ما يستاهل

بس قلببببي الطيب ما قدر عطيتة ياه

قلت ولا حق القطاوة
:p

بعدين يعطون الكرتحق رفيجهم ابو هريرة :p
يتصل على عمرر عشان يطلعه من النار خخخخ
للعلم ان عمور معاهم بس انزل من بطبقة :p


بس عاااااااااااد من قلب بدون ملاااقة :D


الموقف حدا سخيييف ادري :D >>> مدامج تعرفين ليش قابلتة عيل خخخ


بس لزيادة عدد الصفحات :p

وتسلمين على الموضوع مو اللعبة بس انا دااخية :p

[عَاشِقُ اْلقَائِدْ]

كااااااااااااااك ..

جان زين انا بالكويت

اجوف بناات يطيحون

اقول اكيد هذي وحدة من بنات المنتدى .. كككككككك



الموووووهم ..

كانت علينا حصة ريض .. عاد ايام محرم كانت ..

في شريط حق السيد هاني الوداعي يقول فيها قرآآن قرآآن .. سبحان من اوحى البلاا .. في كربلااا قرآآن ..

عاد الاستاذ الحيين مندمج قاعد يشرح ..

الاا يسوي هالمسألة لازم نحلها بالبرهااان

تمينا جم يوم على هالحالة .. برهاان وبرهاان ..

يوم من الأيام ..

والصفففففف كااااااااااااااااااااااامل قاعد يتكلم وازعاج وجذي

انا مادري شلون طلعت مني كلمة قرآآآآآآآآآآآآآآآآآآن < على وزن برهاااان

الاا وانا قاعد اقول بصوت عالي .. احس ان الصف كامل سكت .. < حسبي الله على بليسكم ماسكتوا الاا هالحزة ..

ويصيييييير الضحك

ولد خالتي كان يمي .. ينبهني يقول لي علوي علوي علوي ملاحظ شقاعد يصير

الاا اجووووف الرؤووس كلها ملتفتة علي !!

عاد انا مني صببت عرق وحمرررت < للعلم بسرعة احمر انا :p

عاد انا الحين ابي اطلع من هالوهقة .. اسوي استاذ ممكن احل المسألة سهلة !!

ووووووووبس ..

..

في موقف بعد مشابة ..
عاد هاي كان على استاذ الكيم ..

انا عجيب وياه يعني .. اروح مكتبة اشرب كوفي وجذي .. ( احسن شي ان الاستاذ بحراني )

نفس الشيييييي .. عاد هالمرة مال صالح الدراازي .. مرة وحدة في اللطمية يقول وييين .. والاستاذ يشرح انا اسوي وييين .. بس هالمرة بسرعة لاحظت .. قلت بل راحت علينا من الاستاذ .. الاا اجوف الاستاذ مكمل وياي العزا ..

زين ماقلبنا الصف موكب ..

كاااااااك

< ادري ان بياخة .. ووايد بربرت .. وماعرف اختصر ..

المووووووووهم ..

سي يووو

[أبيار علي]

حباايب ,,

كل موقف أحلى من الثااني

و مثل ما يقولون كل طرااق بتعلومة :D يعني انشاءالله تكونون مستفيدين من مواقفكم

وشفيكم كل واحد يدش يقول موقفي مليق :( بالعكس والله , اهم شي ان ضحكنا عليكم شوي :p هههههههه


عاشق القائد

جان زين انا بالكويت

اجوف بناات يطيحون

اقول اكيد هذي وحدة من بنات المنتدى .. كككككككك
:( :( :(

انت بس تتشمت :( , كاافي الي عندنا


حيااكم الله جميعا , منورين

[عَاشِقُ اْلقَائِدْ]

حباايب ,,

كل موقف أحلى من الثااني

و مثل ما يقولون كل طرااق بتعلومة :D يعني انشاءالله تكونون مستفيدين من مواقفكم

وشفيكم كل واحد يدش يقول موقفي مليق :( بالعكس والله , اهم شي ان ضحكنا عليكم شوي :p هههههههه


عاشق القائد

:( :( :(

انت بس تتشمت :( , كاافي الي عندنا


حيااكم الله جميعا , منورين


ككككككك

انا فطرة فيني اتشمت في البنات ..

:24:

[أبيار علي]

اللهم صل على محمد وآل محمد


هاكم هالموقف :D

قبل جم سنة , سمعنا صوت اخووي الصغير ( كان عمره 3 سنوات ونص ) ينادي امي أكثر من مرة .. يما تعالي , وامي تقووله انت تعال .. جان يقولها " انزين يما شلون يطفون الحليجه :p "
امي اخترعت " حريجه :| أي حريجه :| "
جان تصعدله فوق ,"وين حريجه ؟؟ " قال " منااك بدار فلان "

شوي ولا نسمع امي تصرخ " عبداللللللللله الحقنيييييييييييييييي " " يا عبدالللللللله الحقنييييييييييي "
هاااااااا شصاااااااااار
و كلنا ركض عند امي , انا وخوااتي , وعبدالله اخووي :p

و الا الهم صل على محمد وآل محمد , غرفه اخوووي منوووووره :D

الاخ حارق كرتون كبير اهو والاغراض الي فيه , الحين شلون نطفيها !!! انصفق ويهنا

امي واختي الصغيره راحوو يدورون شي يترسونه ماي , اخوي الكبير ماندري وين راح اصلا :D ضلينا انا و اختي الكبيره .. شنسوي :s جان اختي تاخذ عزكم الله الزبااله وتترسها ماي وطششششششششش

انا خو مخي يقفل بهالمواقف خخخخ , وجودي وعدم وجودي واحد :D , اييب كوب ماي واصب عالنار :p وارجع اترسة ماي و أكت .. مادري متى بخلص , واختي تصرخ ييبي ماااي بعد :@
جان تيي اختي الصغير امي مادري شنو ماعطتها و طشششششششششش زين زين الحمدلله طفت بس بقى بقايا نار
جان ايي عبيد و هم يايب زباله حشااكم من تحت و الحمدلله على السلاامة , طفت الحريييجه ( ومادري شسالفتهم عالزبالاات :p )

طبعا ما زفينه اخوي الصغير لان كان خايف اصلا , بس سوينا تحقيق شلون وليش :p
يقول انا شبيت شويه بس شلون شب كله ؟؟ بعدين انا دست على النار بريولي ليش ما تطفي ؟؟
قلنه لا بصراحه النار غلطانة :D

و صاحب الغرفه المحترقه كان طالع , لمن رجع و شاف غرفته لا تشوفون شصار بويهه :eek: ههههههههههههه


ووووووو بس :D

[عتاب الشجن]

اللهم صل على محمد وآل محمد


هاكم هالموقف :D

قبل جم سنة , سمعنا صوت اخووي الصغير ( كان عمره 3 سنوات ونص ) ينادي امي أكثر من مرة .. يما تعالي , وامي تقووله انت تعال .. جان يقولها " انزين يما شلون يطفون الحليجه :p "
امي اخترعت " حريجه :| أي حريجه :| "
جان تصعدله فوق ,"وين حريجه ؟؟ " قال " منااك بدار فلان "

شوي ولا نسمع امي تصرخ " عبداللللللللله الحقنيييييييييييييييي " " يا عبدالللللللله الحقنييييييييييي "
هاااااااا شصاااااااااار
و كلنا ركض عند امي , انا وخوااتي , وعبدالله اخووي :p

و الا الهم صل على محمد وآل محمد , غرفه اخوووي منوووووره :D

الاخ حارق كرتون كبير اهو والاغراض الي فيه , الحين شلون نطفيها !!! انصفق ويهنا

امي واختي الصغيره راحوو يدورون شي يترسونه ماي , اخوي الكبير ماندري وين راح اصلا :D ضلينا انا و اختي الكبيره .. شنسوي :s جان اختي تاخذ عزكم الله الزبااله وتترسها ماي وطششششششششش

انا خو مخي يقفل بهالمواقف خخخخ , وجودي وعدم وجودي واحد :D , اييب كوب ماي واصب عالنار :p وارجع اترسة ماي و أكت .. مادري متى بخلص , واختي تصرخ ييبي ماااي بعد :@
جان تيي اختي الصغير امي مادري شنو ماعطتها و طشششششششششش زين زين الحمدلله طفت بس بقى بقايا نار
جان ايي عبيد و هم يايب زباله حشااكم من تحت و الحمدلله على السلاامة , طفت الحريييجه ( ومادري شسالفتهم عالزبالاات :p )

طبعا ما زفينه اخوي الصغير لان كان خايف اصلا , بس سوينا تحقيق شلون وليش :p
يقول انا شبيت شويه بس شلون شب كله ؟؟ بعدين انا دست على النار بريولي ليش ما تطفي ؟؟
قلنه لا بصراحه النار غلطانة :D

و صاحب الغرفه المحترقه كان طالع , لمن رجع و شاف غرفته لا تشوفون شصار بويهه :eek: ههههههههههههه


ووووووو بس :D

:14: .. الحمدلله عالسلااامة ..

[عَاشِقُ اْلقَائِدْ]

اللهم صل على محمد وآل محمد


هاكم هالموقف :D

قبل جم سنة , سمعنا صوت اخووي الصغير ( كان عمره 3 سنوات ونص ) ينادي امي أكثر من مرة .. يما تعالي , وامي تقووله انت تعال .. جان يقولها " انزين يما شلون يطفون الحليجه :p "
امي اخترعت " حريجه :| أي حريجه :| "
جان تصعدله فوق ,"وين حريجه ؟؟ " قال " منااك بدار فلان "

شوي ولا نسمع امي تصرخ " عبداللللللللله الحقنيييييييييييييييي " " يا عبدالللللللله الحقنييييييييييي "
هاااااااا شصاااااااااار
و كلنا ركض عند امي , انا وخوااتي , وعبدالله اخووي :p

و الا الهم صل على محمد وآل محمد , غرفه اخوووي منوووووره :D

الاخ حارق كرتون كبير اهو والاغراض الي فيه , الحين شلون نطفيها !!! انصفق ويهنا

امي واختي الصغيره راحوو يدورون شي يترسونه ماي , اخوي الكبير ماندري وين راح اصلا :D ضلينا انا و اختي الكبيره .. شنسوي :s جان اختي تاخذ عزكم الله الزبااله وتترسها ماي وطششششششششش

انا خو مخي يقفل بهالمواقف خخخخ , وجودي وعدم وجودي واحد :D , اييب كوب ماي واصب عالنار :p وارجع اترسة ماي و أكت .. مادري متى بخلص , واختي تصرخ ييبي ماااي بعد :@
جان تيي اختي الصغير امي مادري شنو ماعطتها و طشششششششششش زين زين الحمدلله طفت بس بقى بقايا نار
جان ايي عبيد و هم يايب زباله حشااكم من تحت و الحمدلله على السلاامة , طفت الحريييجه ( ومادري شسالفتهم عالزبالاات :p )

طبعا ما زفينه اخوي الصغير لان كان خايف اصلا , بس سوينا تحقيق شلون وليش :p
يقول انا شبيت شويه بس شلون شب كله ؟؟ بعدين انا دست على النار بريولي ليش ما تطفي ؟؟
قلنه لا بصراحه النار غلطانة :D

و صاحب الغرفه المحترقه كان طالع , لمن رجع و شاف غرفته لا تشوفون شصار بويهه :eek: ههههههههههههه


ووووووو بس :D



كااااااك ..

الحمدلله على السلاامة .. :14:

جان طقيتي لي رنة عشان اساعدكم ..:36:

[MisS RaW3aH]

امبييه ابيار من صجج !!

الحمد الله على سلامتكم
!!!!

لا بس يحليلة يسأل امج شلون يطفون النار خخخخخخخ
لووووووووووووووووول موقف خطيييييييير ويضحك :d

الله ستر ...

[منارة المجد]

اخوج شكل دمه خفيف ههههههههههههههه

بس اقول ابيار قلاص الماي و انتي رايحة يايه ما ينكت نصه هع هع هع

حمداً لله على السلامة قلب .

[أبيار علي]

يسلمكم ربي ,,


جان طقيتي لي رنة عشان اساعدكم ..
والله محد قالي انك مطافي خخخخ


لا بس يحليلة يسأل امج شلون يطفون النار خخخخخخخ
لووووووووووووووووول موقف خطيييييييير ويضحك :d
ههههههههههه ايي تدرين الذكاء عندنا ضارب العداد :p


اخوج شكل دمه خفيف ههههههههههههههه

بس اقول ابيار قلاص الماي و انتي رايحة يايه ما ينكت نصه هع هع هع
ههههههههههههه ايي حده دمة خفيف , يحب يتغشمر مع النار :p
و شدعوه خاف , صار اليوم الثاني قاعد يغني ويصفت يقول هييييييييي شبيت حليجه :p

و عالقلاص ,, لاا كوب مال جاي شغل عدل ههههههههه
و اذا ما انكت من الروحه و الرده بينكت من الخرعه خخخخ


و حيااكم الله ,,

[أريج الورد]

لووول ابيارو انتي خطيرة هههههه
و اخوج اخطر يحلييله
عالعموم الحمدلله طلعتوا منها بدون خساير

احنا بعد مرة كنا مسافرين انا و امي و اختي والشباب ويا ابوي في البيت

و شبت حريقة في البيت بسبة العداد مال الكهربا مادري ضغط عليه من الحر و جذي الظاهر
و طبعا الاخوان قاعدين فوق و ما يدرون عن الدنيا(اعتقد يطالعون مباراة)و عقب ما اكبرت الحريجة شوي شموا الريحة و انزلوا
طبعا واحد دق عالمطافي بس هذيلي على ما يوصلون كل شي يكون منتهي
و لو مو رفيج ابوي الي كان معاهم جان مادري شو صار
بس اهو يعرف ان حريجة الكهربا لازم ما يصبون عليها ماي و طفاها بالبطانية و على ما اوصلت المطافي الا خلاص اهو طفاها و خلص (بطل)

امي عقب هالموقف قالت ثاني مرة ما اخليكم بروحكم بالبيت لوووووول
الصراحة الرياييل ما يعتمد عليهم كلللش

[عَاشِقُ اْلقَائِدْ]

احم احم عن الغلط اريييييج . :p

..

مادام السالفة عن الحراايج .. خلوني اقول لكم موقفي :p

قبل شهرين تقريبا .. ابوي كان مسافر مع الشغل ..

كانت الساعة على الـ 2:30 نص الليل ..

عاد احنا كلنا في سابع نومنا ..

الاا مرة وحدة سمعت صوت تفلت .. طااااااخ طووووووووم طاااااااخ ..

انا قمت ابي اجوف شنو صااير .. عبالي الخدااامة قاعدة تطق علي الباب ..

طلعت اجوف مافي احد

فتحت الستاارة .. الااا اجوف البيت الي مجابلنا .. قاعد يحترق ..

وهالبيت مافيه الاا بنااات بس .. يمكن 5 الى 6 بناات !!

ما اسمع الاا صراااخهم كككككك

انا سيييدة طلعت

وطلعت الهوووز مال الزرع مال بيتنا .. الفريج كلهم متلااايمين .. < الموقف المضحك اني طالع مع فانيلة وصروال الي تحت الثوب جدام الفريييج كلله .!


وقاعد اتصل حق المطاافي .. اكثر من مرة يقولون اكا في الدرب ..

كل الفريج اتصلوا لهم ..

وبعدين انا بعد اتصلت .. اول ماشالوا .. يقولون البيت الفلاااني ؟؟ اقول لهم اي .. خلااص لاتيون بعد ليش تبون اتيون ؟؟ هههه


وبيت عمي ورى بيتنا .. الاا شوي اجوف ولد عمي ياي .. قاعد يطفي معانا

ولد عمي الثاني .. عمره يمكن 26 جذي ..

لاحظته من بعيييد

هديت الحريجة رحت له ركييض .. اقول له حمود حمود جوف شنو عليك ؟!!

طلع ماعليه الاا شورت اعزكم الله الي تحت الثياب بدووووون ولاااا شي ,,

يسوي اووووووووووه .. نسيت الببس كااااااااااااااااااااااااااااااااااااااااااااااااا ااااااااااااااااااااااااااااااااااك

اسوييي له روووووووح البببببس الاهبل ..

وانا قاعد ارجع للحريجة .. الضحكة مو راضية تفارقني ..

المهم طفينا الحريجة والحمدلله .!

المشكلة ان سياارة هوندا اكورد 2008 راحت .. وكروزر :(

يوم صار الصبح

امي قامت .. جافت بيت الجيران كله اسود .. وكل شي معفن .. قومتني تسوي لي جوف شنو صاير واحنا نايمين .. اقول لها انتوا نايمين .. مو انا :p

كاااااااااااااك


بس صج يوم مايتنسى .. خووش برناامج نص الليل :p

[Kokies]

هههههههه والله ضحكتوني عالموااااقف هههههه اما ضحكتوني ضحك علييكم خخخخخ .......
:z039:
عاااد مرة كنت طالعة مع امي واختي ولا في محل امي بتدشه وكانت سابقتنا ما اجوووف الا اختي تقووول حق امي ماما نطري ... وامي منطلقة عالاخر ما ادري لييش!!!

ولا سبحااان ربي ما اجوووف الا ....
:eek: طرااااااااخ امي داااشة بالباب الزجاجا اللي حده نظييف عالاخر ...


طبعا انا واختي ما نعرف امي صرنا ههههه لفينا الصوووب الثاااني ومتنا من الضحك عليها اشوه ان الموول كاان فاضي يعني قليلين اللي فيه لان الصبح .. المشكلة كثر ما اختي اضحكت عالموقف ما صار جم يوووم الا وصااار فيها نفس الاصطداام ههههههه واااا فشلتاااااه

[أبيار علي]

أريج

لووول ابيارو انتي خطيرة هههههه
و اخوج اخطر يحلييله
عالعموم الحمدلله طلعتوا منها بدون خساير
هههههههههه ايي افا عليج
ايي كلش طلعنا بدون خساير , بس صبغوا غرفه اخوي و حولوها من زوليه لي سيراميك و غيروو الاثاث لان تلعوز .... و طبعا ما يصير اخوي بروحه :D حتى غرفتي لازم اضبطها خخخخ يعني باختصار نشفنا ريج ابوي :p

و عالموقف .. زين الحمدلله رفيج ابوج خبره , لو انا جان بدون كلام منسدحه بالمستشفى :p خخخخ



عاشق
لووول حلو الفلم :p

وزين مشاءالله عليك تعرف تتصرف , انا اذا صار فيني هالموقف .. راح اوقف يم البنات واقعد اصرخ خخخخخخ



كوكو
أول شي الحمدلله على السلاامة .. نورتي المنتدى

لووول شوفي و انا قاعده اقره موقفج جان امي تيي تكلمني , قلت لها شوفي شمكتوب , اكيد يتكلمون عنج ههههههههههه هذا شكلي انا الي كاتبته ههههههههههههههه اثاري كل الامهات جذي :p

كنا بالسعووديه , رايحين مجمع بجده , ابوي شاف خاتم حلو قال حق امي تعالي شوفيه .. المحل حاطين جامتين ثنتين ورا بعض , امي تحسب بس وحده , قربت شوي وطرباااااااخ ههههههههههههههههه
وحاطه كريم حق ويها و طبع عالجاامة هههههههههههههه و ابوي يمسح من وراها , و احنا قمنا ندمع من الضحك خخخخ
الله يهدااج ذكرتينا بالماضي الاسود :p

و حيااج الله عمري منوره

[Kokies]

ابيااار علي الله يسلمج يالغالية ... ادري نورت المنتدى برجوووعي =q

لوووووووووووووووووووووووووووووول امبي ضحكتيني هههههههههه يا خوفي نصييير مثلهم بالمستقبل ربي يستر علينا بس الله يهداهم مادري ليش هالمواقف اللطيفة لا المشكلة معانا هههه يالله يموونون ما نقدر نقووول شي =)

[منارة المجد]

كوكو ولكم باك قلب =>

هههههههههه حنا عمتي جذي هممم بس على عمري تعورت عدل

طبعا حنا متغطيين و بواشي و جذي فتصير مواقف وااااااااااايد جذي هع هع

[MisS RaW3aH]

لوووووووووووول

كوكيز
ابيار

امبييييه حرام والله امهاتكم يكسرون الخاطر

انا امي مسكينة مرة طاحت على الدري تكرفست وكااانت حدها معصبة ليش طايحة لووول وانا ميتة ضحك والهندية مسكت امي تقول لها ماما مافي مسكل ميخالف >>> الحين امي طايحة تقول لها مافي مسكل
:p تقول لها انتي بس امسك عباية عدل لوووول امبييه والله مت عليها ضحك مسكينة :D

امي طاحت وجذي ضحكت لو صار فيها مثل امهاتكم جاان شسويت لووووووووووووووووووول والله جان كل يوم اعايرهاااا مسكينة خخخخخ

[عَاشِقُ اْلقَائِدْ]

ابياار ..

اي افا عليج .. شلون مااعرف اتصرف و انا ريال البيت ؟؟ < < اقول انجلع بس .!

[أريج الورد]

لوووول كوكي حياااج منورررة
حرام والله الامهات مواقفهم عجيبة غريبة
انا مادري ليش امي اذا راحت مجمع تصير جذي خخخخخخ
طبعا كل ما ادش محل و الريال او المرة يكونون شاين الحيل و يتكلمون و اييبون لنا موديلات و جذي مرة وحدة اشوف امي مو موجودة :(
مادري ليش مرة وحدة تترك المحل و تطلع هههههههههه
انزين عالاقل قولي لي انا طالعة خل نجعمه ويا بعض مو برووحي
و كل مرة لازم اقولهم امي اطلت سوري و اركض وراها

و قبل جم يوم بالافينيوز رحنا دبنهامز اختي تبي تشتري عطر و امي تعبانة من مسكينة لان المجمع وايد كبير و يتعب
فرحت دورت لها كرسي اهناك عشان تقعد و احنا نشم على كيفنا :p
المهم اختي اشترت خلصت جان انادي امي قومي خنطلع و اول ما قامت قالت لي تعالي شميت عطر عجبني تعالي شميه
رحت صوبها يت بتحط العطر على عبايتها عشان اشم جان ترشه بعينها :(:(
مسكييينة امي نزلت راسها و عينها حمررررة و دموووع و حالتها حالة حتى ليوم ردينا البيت و اهي عينها حمرة و مسكينة وايد تعورت :(
حتى وحدة كانت واقفة تطاعنا تقول رووحي غسلي عيينج بماي بارد و امي مسكينة اصلا ما تقدر اتطالع شي كله ماسكة عينها و عينها تدمع
اقولها الله يهداج شوي شوي ليش تحطينه بعينج الحين العباية وين و عينج وين الصراحة بعاد عن بعض ههههههه
حرام امي :d

على قوله كوكي يا خوفي نصير مثلهم بس اذا بنتي اضحكت علي ابط راسها ههههههههههههه

اقوول ابيااروو زيين استفدتي من الموقف
اكيد بعدين استانستي انالحريجة شبت خخخخخ

[Kokies]

مناارة المجد .. مس روعة يسلمكم ربي =)

ههههههههه ضحكتوني وربي امبييي الظااهر الامهات كلهم نفس الحاااالة منا احنا ميننينهم معذووورييين لوووول
الله يستر بس =s

اريج تسلميلي لووول عاااد الافينيووز و ما ادراكِ ما الافينيووز كل المواقف البايخة واللي تضحك فييه مادري ليش الظاهر اللي يدشه يدووخ من كبره وشوي شوي يفقد انتبااهه خوو كل مرة ندشه نضيع بالموااقف وهذا اكره شي =)

[أبيار علي]

هههههههههههه صج عاد الله يستر لمن ايي دورنا

اريجوو سلاامتها خالتي ما تشووف شر , و ديري بالج عليها عدل المرة الياايه :d

[عَاشِقُ اْلقَائِدْ]

كاااااااااااااااااااك ..


الله يساعدكم مع حياتكم ..

احس حياتكم صعبة .!

< اقول شدعوه انت مو صعبة .. نص حياتك تشدخ !!

[Kokies]

لووووول عاااد على طاري التخدش

مرة كنت يايه بشييل صينية العشا وكانت كبيرة وانا حدي مادري ليش متشييطرة عالاخر واخواني ولا جنة مايقولون هي بنية حراام نشييل عنها لا ماكو =q :pاتغشمر عااد مرات لما يكونون تعابة الخادمة نايمة لان الوقت متأخر فما في غيري بتطيح براسه =) ... يايه بنزل على السلم ..




وهنا المصييبة الكبرى ... بووووووف من فووق السلم لتحته بالصينية لووووول ما انسا شكلي حدي حدي كان شكلي اهبل يعني طاايحة وكل شي مقلووب ومنثر حولي الا الصينية متمسكة فيها وماسكتها حدي مادري لييش!!!!! ... لا الجبن منكسرة زجاجته وانا احط ايدي بقووم خدشت رووحي خدش وطبعا دش زجاج بايدي وللحين اثر خفيف بس ماشالله على مخي وطبعاا اخوااني وهذا حال الاخوان للشماتة زاهبين ماتوا علي من الضحك وطبعا اليوم الثاني رحت الطبيب ولا رضة بيدي للاسف :angry:

للحين عااد يتمصخرون علي بس ما علييه انا اراويهم :choler:

[عَاشِقُ اْلقَائِدْ]

كااااااك .. خخخخخخخخ ..

سلااامااات كوكيز .. ماتجوفين شر ..

[Kokies]

لووول لا تضحك علي يا اخي يعني انا ما اخلص منهم تيي انت بعد يا الهي عليكم هوووووف:angry:

الله يسلمك والشر ماييك =)

ههههه انت بس قاعد وتتشمت خلا نجووف حوبتنا شلوون بتطلع فييك :p

[أبيار علي]

سلاااماااات قلبي ما تشوفين شر

وصج عاد الصبيان بس فالحين يتشمتوون :( عندنا و عندكم خير لووول

[عَاشِقُ اْلقَائِدْ]

هههههههههههه

:p:p:p

اذا تمشون عدل مثل الأوادم والصبيان محد بيتشمت عليكم .. :p

بس لان تضحكون :p ككككك

[MisS RaW3aH]

حرااااااااام كوكيز

ماتشوفين شر

كسرتي خاطري :(

ومااقولج الى الله يعينج

ماراخ تفتكين من شماتتهم الى


1-1- 3001

:d

وهاذا اذا نسوا

[الحور]

لوووووول مواقفكم حدها شي

آنه خل أقول لكم آخر موقف صار لنا

عمي الله يحفظه ... موظف بشركة اتصالات
فصاير ما يدري شنو يقوول :p
كل ما رن تلفون البيت << بيت يدي
يشيل له يقوول " ...... (اسم الشركة) السلام عليكم ....... (اسمه) معاك تفضل" :p و إحنا ميتيييييين ضحك عليه

كل مره يسوي جذي
فبعض الناس إلي يدقون يسدونه عبالهم داقين غلط
و بعضهم يقول هذا مو بيييت بو فلان و بعدين يبطهااا ضحك على إلي يدقون
حتى مره دق على البيت واحد من الأهل جان يشيل التلفون و يقول جملته المعهوده :p
و لا ما نشوفه إلا و أهو يبتسم ... يقول حق إلي بالتلفون: " ههههه ... الشركة إلي أشتغل فيها اسمها جذي و آنه بالدور الفلاني و مديري اسمه جذي و المشرف علي فلان الفلاني .. و يلااا روح اشتك علي لو فيك خير :p" << لأنه إلي بالتلفون قاعد يقول له: بو علي (عمي يسمونه بو علي) يوووووز عن سوالفك ترى أشتكي عليك :p

و مهددنا يبي يقطع خطوطنا بعد

[عَاشِقُ اْلقَائِدْ]

ككككككككككككككككككك

والله خوووش

احنا عندنا تنافس

ولد عمي يشتغل في زين وبنت عمي الي اهي اخته تشتغل في بتلكو < ثنينهم شركة اتصالاات ..

فـ كله هواش في البيت كككككككككك

[كتكوتة]

ما تشوفين شر كوكيز
وانا بقلكم اخر موقف صارلي كنت رايحه السوق دشيت المحل بغيت اشتري وبالمحل كان في عيوزه بس مو منحجبة وجينز يعني كووووول مصدقه انها شباب المهم كانت تبي تطلع من المحل ولا مره وحده تدعم الجامه (الزجاج) عباله بتطلع عاد انا ما ادري وين اخش ويهيى مت من الضحك من الفشله مسكينه ضحكت ما تدري شتسوي عاد الموقف صج يفشل انشالله ما يصير فيكم

[الحور]

لووووووول توه بنت خالتي قاعده تقول لي شنو صار معاها

تقول كانت رايحه مع عمتها مجمع عندنا بالكويت اسمه الأفنيوز

المهم تقول جوتيي (أكرمكم الله) قام يضايقني و زلغ ريلها ... فتقول فصخت الجوتي (أكرمكم الله) و حطيته بجنطتي ّ!!!!!!!!! .. سألتها و بعدين رحتي شريتي جوتي يديد صح؟؟؟ .. قالت لااا ما شريت تمشيت حافية !!!!!!
آنه إهني انصدمت
قلت لها من صجج
تقول إييييي ما يهمني عادي :p
قلت لها و الناس
قالت عادي عباتي طويله ما تبين ريلي :p ... محد شافني :p ...
آنه منصدمه للحين
قلت لها لو آنه معاج جان هديتج و مشيت ما أعرفج ... و بنت خالتي الثانية تقول لو كانت معانا نوديها أقرب محل << خو المجمع ما شاء الله شكثر محلات الجواتي فيه
نوديها عند أقرب محل و نشتري لها جوتي على حسابنا :p

[عَاشِقُ اْلقَائِدْ]

بل بل بل .!

حاافية ؟؟

كاااااااااااااااااااك !!!!!!! .. !!!!!!!


انا لو احد معاي يسوي جذي ..

امشي عنه اسوي روحي ماعرفه كككككككك


بس صج يعني انا بعد استغربت .!

بنت تمشي حافية ؟؟ انا خبري الصبيان عاادي


:p

[الحور]

بل بل بل .!

حاافية ؟؟

كاااااااااااااااااااك !!!!!!! .. !!!!!!!

إهيا عندها عادي :p .. بنت خالتي و أعرفها تقول ما يهمني أحد ريلي تعورني من الجوتي أكرمكم الله :p


انا لو احد معاي يسوي جذي ..

امشي عنه اسوي روحي ماعرفه كككككككك


لا آنه و بنت خالتي الثانية قلنا لها قبل لا نهدج نشتري لج جوتي يديد إذا أصريتي تمشين حافية نخليج و نمشي :p


بس صج يعني انا بعد استغربت .!

بنت تمشي حافية ؟؟ انا خبري الصبيان عاادي

لوووول آنه أول ما سمعتها ما صدقت بس يوم أختها الصغيره تقول لي والله سوتها :p ... كانت علامه تعجب فوق راسي :p ... و بعدين قلت عادي تسويها هالبنت .... تقول العباية كانت طويلة ما تبين ريلها عادي :p ... محد شافها ... و بعدين تراا شبابنا ما يسوون جذي
بس إهيااا :p

[عَاشِقُ اْلقَائِدْ]

ههههههههه ..

الحور ..!


غريبة والله !! :p

[الحور]

لوووووول أدري :p

[Kokies]

سلاااماااات قلبي ما تشوفين شر

وصج عاد الصبيان بس فالحين يتشمتوون :( عندنا و عندكم خير لووول



الله يسلمج عسوولة اي وربي عااد الصبيان هوووف ما منهم فايدة منهم غير هالشي :angry:




هههههههههههه

:p:p:p

اذا تمشون عدل مثل الأوادم والصبيان محد بيتشمت عليكم .. :p

بس لان تضحكون :p ككككك



هههههه يعني احنا نمشي عدل بس شنسوي اذا الحول مسيطر علينا هههه يعني كل شي حولنا غلط مو فينا احنا الغلط :p







حرااااااااام كوكيز

ماتشوفين شر

كسرتي خاطري :(

ومااقولج الى الله يعينج

ماراخ تفتكين من شماتتهم الى


1-1- 3001

:d

وهاذا اذا نسوا


لووووووووول الشر ما ييج قلبوووشتي اي برووحج قلتيها هذا اذا نسوا =)








ما تشوفين شر كوكيز
وانا بقلكم اخر موقف صارلي كنت رايحه السوق دشيت المحل بغيت اشتري وبالمحل كان في عيوزه بس مو منحجبة وجينز يعني كووووول مصدقه انها شباب المهم كانت تبي تطلع من المحل ولا مره وحده تدعم الجامه (الزجاج) عباله بتطلع عاد انا ما ادري وين اخش ويهيى مت من الضحك من الفشله مسكينه ضحكت ما تدري شتسوي عاد الموقف صج يفشل انشالله ما يصير فيكم



الشر ما ييج حبوبة لووووووول تستاهل زيين يصير فيها ههه لا يبه استغفر الله خوفي انقرد وادش بالطوفة يبه لا اعيب احسن ههههه :black-eye::p

[Kokies]

لوووووووووووووووووووول امبي حور حدها غريبه !!!

لا وبالافينيوز يعني نص الكويت مناك ههههه ماشالله عليها لوووووول وربي ضحكتيني اذا الجوتي (وانتوا بكرامة) عورني اتحمل واتعذب فيه لما ارد البيت بس خوووش فكرة حق المرة اليايه :p

[الحور]

لوووووووووووووووووووول امبي حور حدها غريبه !!!

لا وبالافينيوز يعني نص الكويت مناك ههههه ماشالله عليها لوووووول وربي ضحكتيني اذا الجوتي (وانتوا بكرامة) عورني اتحمل واتعذب فيه لما ارد البيت بس خوووش فكرة حق المرة اليايه



إنتي لا تشوفين شكلي يوم قالت لي
مستانسة تقووول لي: ما قلت لج شسويييييييييت
قلت لها شنو

تقول: لاااا .. ما قلت لج
و لمن قالت لي
آنه عيوني طلعت بره و موو مصدقه أقوول لها لااااااا من صجج و لا شنو
تقول و الله

:p

عجيبة بنت خالتي :p

[Kokies]

لووووووووول اي والله عجيبة بنت خالتج حدها جرأة ماشالله عليها


هههههه لا وبكل ثقة بعد يايه تقووول هههه تونس يحليلها


=)

[Kokies]

عاااد اللحين خلا اقوولكم قصة رفيج اخوي ...

هذا الانسان غريب عجييب ومرة قال للشباب موقف صااار معااه اما موقف شي جميل =)



يقوول مرة كان رايح حديقة مشرف (مشرف هذي منطقة عندنا بالكويت )...

وكان قام يتمشى والحياة حلوة وكل شي على ما يرام.....


فجأة ............................




جاااف اشياء قام تتحرك عند شجرة من شجرات الحديقة ( اهو في شجر اساسا !!... لا ما اظن اتوقع انقرض من هالحدييقة :p)


قرب

قرب

قرب

ولا يجوووف ................







السنااااااااافر .... يا سبحاان الله !!!!! :oh:


جان يكلمهم ويسلم عليهم ....


وصاروا اصدقاء اعزااااء وكل يووم صار يزورهم ...

وعاد لما قالوله الشباب ودنا بنجووفهم طبعا لان يدروون بصواريخه قالهم ان اهم ما يطلعوون الا له ... مع العلم انه كبير بالعشرينات مو صغيير بس اهو الظاهر في شي او للحين ما تجاوز مرحلة الطفوولة !!! عاااد انا لما قالتلي بنت خالتي عن السالفة (اهو هم رفيج اخوها ) ما صدقت بس قامت تحلف ويوم سالت اخوها اكد هالشي :eek:

[الحور]

سنافر !!!!!!!!

أخاف الولد فيه شي ؟؟؟
يعني مو صاحي
الله يشفيه

!!!!!!!!!!!!!!!!!!

[Kokies]

بييه السنافر شي هين بتارييخ سوالفه وااايد يصروخ اهو لانه الظاهر يبي يجذب الانتباه احسه عايش بعالم الببايات( الكرتوون ) ...

اخوي يقوول ان مرة قام يسولفلهم يقوول انه كان مسرع بالسيارة ولا ما يجووف الا سيارة شرطة لاحقته وسيارة الشرطة هذي كان نوعها (كورفت)>>> هذا برووحه صارووخ من متى سيارات الشرطة كورفت يعني لا وعندنا بعد !! المهم قاام يسرع فزادت السيارات وصاروا سته ومن كثر ما اهو مسرع ما قدروا يلحقوونه وجذي الوضع وما قام يلقى غيير هليكوبتر من بعيد ودره انه عشاان يلاحقه .. وبما انه قرب من البيت دق على الخدم وقالهم زهبوا الرفعة بسرعة.. بس رااح عند البيت ولقاها موجوده وبسرعة بسيارته دااس عليها فطاار للسطح وبجذي ما قدروا يصيدوونه :oh:


عااد فسريلي هذي !!! اذا وانا قام اكتب احس مو مستوعبه وحدي مستغربة !!!:astonished::horror:

[عَاشِقُ اْلقَائِدْ]

سنافر ؟

وانا ولد عمي يقول رفيجه قايل جايف سبايدر مان يتسلق !! < واهو بعد بالعشرينات

خير شصاير ؟؟

[الحور]

لا هذا صج صج مو صاحي
الله يشفيه
----------
المهم ... موقف صار لي

ولد خالتي داق علي و آنه ما عندي رقمه
فرن تلفوني و طلع رقم غريب ما أعرفه
جان أقول يمكن وحده من رفيجاتي
ريدت: ألوو
ولد خالتي: ألوو السلام عليكم << طبعا يتكلم بكل هدووء و رزانه
آنه استغربت: منو معاي؟؟؟
ولد خالتي: الأخت حور؟
آنه إهني انصدمت واحد يعرف اسمي رديت بعصبية: منو معاي و منو إنت؟<< توقعت واحد من الكوادر الانتخابية يبي صوتي حق الانتخابات ولا شي؟ مع إني ما أقدر أصوت للحين .. توقعت جذي لأنه عرف اسمي قلت أكيد بياناتي كلها عنده
ولد خالتي: آنه واحد معاج بالجامعه ... بغيت شي عن ماده من المواد
آنه قلت بقلبي: منو هلي ماااااااا تستحي على وييها .. تعطي رقمي حق واحد من الشباب إلي معانا .. << و كنت معصبة حدي
آنه: إنزين أخوي شتبي إلحين؟
ولد خالتي بطها ضحك: كاااااااااااك .. حوور آنه فلان .. قصيت عليج
آنه منصدمه و لا كلمه مو مستوعبة الكلام
ولد خالتي: حور ؟؟ حور؟؟ وين رحتي .... شصار فيها
آنه يوم استوعبت :p : فلااااااااان ... ليش تسوي جذي ... وااااااااي طيحت قلبي ببطني قاعده أقول منو هذي إلي ما تستحي معطيه رقمي حق واحد من الشباب نرفزتني عدل .. أحس الدم شف بعروقي
ولد خالتي: هههههههه .. شنو مو حافظة رقمي
آنه: لا وين حافظته ... و بعدين مووووووووو تعيييييييدها ترى صج صج نرفزتني أحس قلبي يرقع و طاح ببطني بعد :p
ولد خالتي: ههههههه و الله ما كنت أبي أسوي جذي .. بس كنت أبي خالتي (إلي إهيي أمي) و ما ترد قلت أدق عليج
آنه: موووووو تعيييييدها هذا رقمك
ولد خالتي: إييييي ليش
آنه: لأني بحفظه ... علشان مره ثانية ما تعيدها :p
ولد خالتي: هههههه أوكي قولي حق خالتي إني أبيها :p

و صكيت التلفون و آنه حدي منقهره :p

[عَاشِقُ اْلقَائِدْ]

كككككككككككككككك الحوووووور وعوووووووووو :p

[الحور]

كككككككككككككككك الحوووووور وعوووووووووو

على شنو وعوو؟؟ :p

[Kokies]

سنافر ؟

وانا ولد عمي يقول رفيجه قايل جايف سبايدر مان يتسلق !! < واهو بعد بالعشرينات

خير شصاير ؟؟


لووووووووول اهم شي اي والله شصاير !!! الظاهر الخرف المبكر بدا يبين عالشباب هالايام

[Kokies]

لوووووووووول الحووور مسكيينة خووش مقلب ههههه =)

[Kokies]

هههههه اي ليش وعووو !!!

[عَاشِقُ اْلقَائِدْ]

كككككك ..

مقلب جذي ؟؟

يعني حشى ماتعرفين الصوت ؟؟

:p:p

ماعندج اعذاار ..


لالالالالالالالالا تحاولين :p

[الحور]

لووووووووول عيل ما تعرف ولد خالتي حده يعرف يغير الصوت

مره خشن
مره ناعم
مره هادي
مره ريلاكس و جنتل مان

واااااايد يلعب بصووته
العايلة كلها تعرفه إنه فلااان صاحب المقالب :p

[عَاشِقُ اْلقَائِدْ]

كااااك

اكيد اول مابلغ سوى المقلب كااااااك

[الحور]

لوووول
غلط :p

بس سوالف ...

[Kokies]

لووووووووووول الحور ولد خالتج طلع صاحب خبرات ماشالله علييه:good:

توني تذكرت موقف الحمدلله والشكر ...

مرة كنا راييحين فلم هندي انا وامي وخالتي وبنات خالاتي وخواتي واخوي اللي اكبر مني بسنه ... المهم السينما الحمدلله والشكر كانت شوي وتنهد فوق روسنا من كثر ما اهي قديمة والمشكلة ان الفلم ماكان ينعرض الا فيها مادري ليش !!:amazed:


المهم كان يومها عيد وفي ناس يايين الحمدلله لاني يوم جفت المبنى مال السينما توقعت ان احنا المقرودين الوحيدين اللي يايين ...

دشينا الفلم وكان فلم لاميتاب بتشان وشباب هنود مادري من ويين طالعين !! قعدنا نجووف الفلم ولا من اوله استغفر الله شي مو محترم يعني احنا راييحين من قبل افلام هندية بس مو جذي عااد فمن اول خمس دقايق قررنا نطلع ... مني بدت السالفة امي جافت شي يطير واحنا كلنا كنا جايفين هالشي والمشكلة يضوي مو اي شي بعد زينون !!! مر مرور الكرام وبهاللحظة اللي جداام امي رد راسه لوره .. طبعا الكراسي الله بالخير .. فامي مني مادري شصار فيها فزت من مكانها وقام تقوول وااااي واااي زيويه وااااي وخروني عنها طبعا الصمت ساد الصالة والكل سكت وقام يطالع شالسالفة مع ان صوتها ماكان عالي يعني بينا !!!

حتى اللي جدامنا استغربوا وماتوا من الضحك امبي طبعا احنا بنطلع خلاص صرنا ما نعرف امي ويوهنا انصفقت وبالاخر يطلع راااس الريال اللي جدامنا اهو الزيوية شلوون ما ادري !!!امي وسوالفها =) لانها بالاول جافت وحده عن جد وبعدين قام يتهيألها اشياء وياكثر ما يتهيألها :p على قوله خالتي تقول انا جفت زيويه بس هالكبر الصرااحة لا (طبعا تتطنز على امي ) طبعا بعدها احنا على طووول طلعنا ما كملنا الفلم التعيس بالسينما التعيسة :scorn:

[أبيار علي]

ههههههههههههه اهم شي صماخ آدمي تحسبة زيوي :p
بس معذورة , لان انا اذا سمعت اسم هالكائن اقعد اتحكك و اتخيل اشياء غريبه عجيبه هههههههههه


بقول موقف ...
مرة كنت رايحه عرس ولد جيرانه , عاد دخلت الصاله انا وامي سلمنا وجذي جان اشوف جارتنا الثانيه اهي مع بناتها عاد رحت لهم على ما امي تخلص سوالف , المهم رحت لهم ولا بنتهم الكبيره لمن شافتني استانست وااااااايد .. انا استغربت , و لمن سلمت عليها سلمت علي حيل يعني تضحك وشلونج وشخبارج ومن هالحجي , انا قاعده ارد عليها عاادي بنفس الطريقه بس كنت مستغربه وايد :D اهي ام عندها بنت , يعني مو كبري ما اعتقد مطيحه الميانه لهالدرجة هههههههههههه

المهم انا قعدت جان تيي تقعد يمي , واهي وااايد مستانسه .. تقولي شمسوية بعد , شلون بنتج ؟؟ اهي قالت شلون بنتج انا ويهي انعفس :S اثاري تحسبني انا اختي الكبيره خخخخخ اهي جارتنا و مع اختي ايام الثنوي و رفيجات حيل , بس لمن تزوجوا صاروا ما يشوفون بعض وايد , و طبعا اختي اكبر مني ب9 سنين تقريبا

المهم .. قمت اضحك قلت لها انا مو فلانه , انصدمت :| حلفي :| جان تقول حق امها " يماااا هذي مو فلاانه :S " امها تقول لااا هذي الصغيره شفيج , تنحت بويهي .. تقول مشاءالله صرتي تشبهينها حيييل

عاد لمن شفت اختي قلت لها حسبي الله على بليسج قاموا يضيعون بيني وبينج , و اهي تقول زين شبهووج بوحده حلوه :p
و صار نفس هالموقف بعد مع ام رفيج اخوي , سالتني شلون الصغيره ؟ و توضفتي و لا بعد :p ولا حتى اهي مضيعه تحسبني اختي

قمت اقول حق اختي طلعي خل يشوفونج الناس ذبحتيني وين ما اروح يسالوني شلون بنتج :S

و ما ادري انا شكلي كبير لهالدرجة ولا اختي شكلها يااهل هههههههه

ووو بس :D

[Kokies]

لوووووووووووول اهم شي ماشالله الظاهر كوبي منها عالاخر هههههه اما بنت جيرانكم يحيليلها اندمجت حدها لووول لو مكملة معاها جاان صاار خووش مقلب :p

[أبيار علي]

هههههههه فيني شبه منها بس عاد مو لدرجه ان انا معاها واحد ههههههه قوية يعني

و بنت جيرانه حدها اندمجت :D عاد فكره استعبط عليها :p ايي و الله بنتي زينة بس اذتني اذتنييييي هالبنيه شيطوونة ههههههههههههههه

[m9r83aaaa]

كاااااااااااااااااااااااااااااااااااااك .. ابياار شهالمووقف :D ..

احرااج مو حقج .. حق هالمسيجينه الي مضيعة الدرب :p

بس عجيييب :D ..

[Kokies]

لوووووووول تخيلي عشاان اختج تقتلج هههه =)

[Kokies]

لووووول عاااد قبل جم يووم دق واااحد بالغلط (مثل ما يجزم ) واتوقع تمنى الارض انشقت وبلعته ولا دق

بالاول دق الصبح وكنت طالعه مع اميرديت وجفت ان وااحد فعطييت حق امي من الخرعة على طوول ردت وقالها بالغلط اوكي مني امي عادي بس مادري جنه كاان قلبها حاسها فقالتلي ديري بالج قتلها اوكي ..

اليووم الثاني حظرته رد ودق الساااعة عشر بليل ( يعني طالع فيها !!! ) رديت بصمت يعني ظلييت ساكته بجووف منو وما كنت منتبهة انه نفس الرقم ولا وااحد شكييت انه نفس اللي دق اليوم اللي قبله وانا من الخرعة سدييته وعطييته لاختي المتزوجة فردت ... صااحب الجلاله قاااام يتمييع بالكلاام يقوول حق اختي " مسااء الورد شلوونج شخباارج !!" طبعا اختي عصبت قالته " خلصنا شتبي " قالها " شدعوة يبه " مني اختي حييل عصبت قالتله " استح على ويهك وليكوون اجوف رقمك مرة ثانية " كل هذا وامي موجودة فعصبت امي لانه قلييل ادب فخذت التلفوون من اختي وقاامت اتزفه مسكييين اخترع امي سدته بويهه فقاام يدق من الخرعة امي عصبت بزياادة :confused:


قاام يخبص وعلييه هههههه امي تقوول خااف ربك احنا نااس حجابات وعبي ( مادري ليشش قالتله يعني !!!) ههه عادي امي و لما تعصب يحليلها... المهم جاان يقوولها انا اخاف من الله ومحمد وعلي (اللهم صل على محمد وال محمد )يعني جكنا انه شييعة قالتله امي اذا دقييت مرة ثانية بنشتكي علييك فقال اصلا انا وكييل نيااابة ( ياالله على الصاررروخ احس البيت انهدم علينا من كبره :astonished:)

امي مني قالتله "وانا ام" عاااد مني سااد الصمت ههه لان مادري ليش قالت جذي :oh:

وقالتله اذا مرة ثانية دق اخووي اهو اللي رح يتفاهم معااه ويا ويلاه ويلاه من اخوووي ههههه مسكييييين

المهم ان الولد او مثل ما يقوول وكيل النياابة حرم يدق مرة ثاانية ولله الحمد


احسن عشاان يتعلم ما يقل ادبه وما يتعرض لبنات النااس :z058:

[أبيار علي]

الحمدلله والشكر صج ناس فاضيه

انا ما ارد اصلا , احرق اعصاب الي يدقوون هههههههههه و مرات صج يكونون رفيجاتي , بس شسوي دام رقم غريب طاف لووول خل يطرشون مسج


هم على طاري مصخره التلفونات :p مره اتصل واحد على تلفون البيت , شلته السلام عليكم عليكم السلام .. الصوت صوت بنت , بس اهو كان صبي :D قال انا احمد .. انا سمعتها ام احمد :p قلت اهلا ام احمد !! جان يقول لا انا احمد احمد , انتي شسمج ؟ , مادري شقال بس خارها شوي :D رقعت السماعه بويهه , بس ما يتصكر التلفون لان اهو الي متصل , رفعت السماعه ولا اهو للحين يقول الو , توهقت بصراحه خخخ رحت فوق ولا اخوي موجود , قلت له شووف اكو واحد قاعد يتحرش بالتلفوون , رفع السماعه اخوي , خير يبه آمر .. هذاك توهق يبي يقول اي اسم عشان نقول النمرة غلط و يصكرة , جان يقول عبدالله موجود .. و على خظة اخوي الي شال التلفون اسمة عبدالله :D و يتناجرون شوي :p

بعد 5 دقايق تقريبا رن التلفون مره ثانيه , شاله اخوي .. عليكم السلام .. نعم ؟ انت الي منو ؟؟ انا مو قلت لك لا تتصل على هالرقم ؟؟ انتي الي شفيييك ؟؟؟ ايييي انا عبدالله :@ منو انت ؟؟ انت الي شفيك ؟؟ ....الخ

و طبعا كلة بصرااخ , مرة وحده جان اخوي يموت ضحك .. واحنا بس قاعدين نسمع طبعا , المهم قام يضحك حيل , جان يقول والله العظيم ما ادري , والله ما ادري قاعد اقولج ما ادري قبل شوي من صج متصل واحد يتحرش بالبنات , و يرجع يموت ضحك ..... ولا تطلع مرت خالي :D هههههههههههههه
اهي تقووله عبدالله شفيك ؟؟ و اهو يقولها انت الي شفيك ؟؟ و قاعد يصرخ عليها :p

بس اول مرة من صج كان صبي , و شكل عالرقم مده , و ما قطع الا لمن امي قالت له بودي رقمك عند الشرطة

بس صج اكره هالاوادم الي ماعندهم شغل

[Kokies]

لوووووووووووووووول هههه وربي موتيني من الضحك مسكيينة مرت خاالج كلتها عدل هههههه

هههه حتى انا ما ارد على رقم غرييب الا واحد كبير يمي عشاان اذا احد بيتسييخف على طوول تلفووني ينحذف على اللي يمي ههههه الحمدلله ما تصيير فيني الا نادرا .... بس عن جد ضحكتيني .... وذكرتيني مرة واااحد دق على اختي وتوها كانت متزوجة يحليله تقووله منو يقوولها I love u عااد لووول الهنادوة لما يقولونها ما ينفهم منها شي اختي تقوووله شنووو !!!

يقوولها iiiiii looooove u يعني يطولها مع الويه... اختي رقعته بويهه وقام تتحلطم علينا تقوول اخر زمن حتى الهنادوة قاام يتحرشوون ان لله وان اليه راجعووون ههههه طااح حظه من هندي

[الحور]

لوووووووول أبيار أخوووووج شي :p موتني ضحك

ذكرتيني بموقف صار لي

هم بعد بالتلفون

كنت ببيت خالي معزومين و الكل موجود طبعا إحنا البنات ما شاء الله وايد فوق الخمس غير الصغار طبعا
قاعدين و لا يرن تلفوني شلته أقول: ألوووو
يرد علي: ألوو
أقول: ألوو
يرد: ألووو :p
عبالي ما يسمع جان أقول: منو معاي
جان يقول: منو معاي
عرفت إهني إنه قاعد يلعوز
جان أسد التلفون بويهه
و بعدين شفته قام يدق و يدق
جان أعطيه حق أمي لأنه أبوي كان بصالة الرياييل مالي خلق أقووم :p
قلت لها: يماا في واحد جذي و جذي
خذت التلفون: ألووو منو معاي
يقول لها: ألووو
جان تبتسم حقي و حق بنات خالتي و تأشر لنا آنه أعلمكم فيه :p : منو معاي
أهوه يقول ألو و إهيا تقول ألوو بطنازه :p
لمن آخر شي قالت: عبالك ما أدري عن خرابيطك بس و الله إن شفت رقمك بالتلفون راح أعطيه حق أبوها و أهوه يعرف يتصرف معاك و سكت التلفون بويهه :p
و من هذاك اليوم ما دق

[أبيار علي]

كوكيز

ايي مرت خالي كانت الضحيه هههههههههه


واهم شي هندي داق يتحرش :s , وهذي طريقه يديده بعد يدق و آي لاف يوو على طول هههههههه الحمدلله والشكر الله يشفيهم


الحور

هههههههههه لاا امج خطيره بصراحه لووول

بس صج هالاشكال ما يحترمون نفسهم الا بكلمتين بالعظم

[أبيار علي]

انزين خل اقوولكم موقف العكس :p


انا يتلي فتره مخي كان قافل ههههههه


اتصل عمي على تلفون بيتنا , شلته قال يبي ابوي , دورت ابوي ما لقيته .. قلت حق عمي مادري وين ابوي يمكن يكون بالحديقه , الحين اشوفه و اقوله يتصل عليك

دورت ابوي ما لقيته !! اكيد طالع , رفعت السماعه بتصل عليه اقوله ان عمي ناطره يم التلفون ...

اتصلت .. الووو
الوووووووووووووو << كانت وايد ممدوده ( ابوي لمن نتصل عليه ما يقول الو , يقول هلا يبه , معناته انا متصله غلط .. بس انا مو مركزه ان هذا مو ابوي :D عادي كملت كلامي , معنه الصوت واضح ان مو صوت الوالد )
المهم ..

قوه يبااا ,, يباا عمي فلان اتصل عليك يقولك دق عليه الحين ناطرك

اهو : شنووووووووو

انا : عدت الجمله مره ثانيه

اهو : منوووووو

انا : يبااا عمي فلان :s

اهو : انتي منوووووووو ( كان وايد يمد الحجي :D )

انا : يبا انا فلاانه :S ( وكنت اقول بقلبي شفيه ابوي ؟؟ هالدرجه مو عارف صوتي ؟؟ )

اهو : لا لا منووو تبين

انا : فلان الفلاني ( قلت اسم ابوي وعايلتنا , الحين شكو عايلتنا مادري !! ههههههههههه شكو قايله اسم العايله والله مادري , صج مخي قافل )

اهو : لا النمره غلط


توووو الناس حجي , عقب ما خليتني اخورها بالحجي تقولي النمره غلط ههههههههههههه

يعني هذا والله لو يستعبط يتصل على بيتنا , يسويلي فضيحه ههههههههه يعرف اسمي و اسم ابوي و اسم عايلتنا , واسم عمي مجانا بعد ههههههههههههه و طبعا رقم بيتنا موجود عنده , يعني يعرف انا باي منطقه من الرقم , يعني شغل عدل :p خخخخخ


عاد بعدين اتصلت على ابوي من تلفوني , قال هلاا يبه , قلت بقلبي اييييييييي هذااااااا ابوووووووي مو هذااك ههههههههههههه


خو انا اذا توهقت بسرعه يسحبون مني حجي , اقط خيط و خيط :(

[الحور]

لووووووول حده شي

ذكرتيني بموقف أبوي قبل أسبوع يقول كنت طالع و لا يرن تلفوني شلته: ألو منو معاي
ردت علي وحده تقول: فلان ييب بيض و ما أدري شنو من الجمعية
أبوي يقول لها: حجية غلطان آنه مو فلان
ردت تقول له: إنزين اسمع ... ييبه اليوم :p << شنو ما تفهمين
أبوي يحاول معاها آنه مو فلان ما تفهم جان يقول لها: إنزين وين بيتكم
قالت له: وييييي كل يوم اتييب لنا .. شنو نسيت
أبوي: خلاص إن شاء الله
و سكر التلفون :p و ما يااب شي :p
ضحكت ضحك عليييييه
ذكرني بقصة قريتها بالانترنت
إنه واحد شال تلفون واحد ثاني ما يعرفه و مرت صاحب التلفون قاعده تطلب منه إنها تبي تشتري البيت الفلاني و تبي السيارة الفلانية
و الريال إلي قاعد يتكلم يقول لها إيييييه اشتريه و ما أدري شنو :p
و آخر شي سكر التلفون و قال حق إلي معاه: هذا تلفون منو يا جماعه :p

[Kokies]

لووووووول الحوور امج حلاتها زيين ما تسوي فييه ههههه يعني حظرته طالع فيها ذكي ما يدري بييله اللي اذكى منه... ولا ابوووج مسكيين ابتلش بهالمرة الله يهداها شفيها ما تفهم ههههه عادي عادي النااس داايخين هالايام =)

ابياار ههههههههه الله يهداااج داااايخة حدج هههههه اهوا بقا شي ما عرفه عنج !!! هههه يحليلج والله =)

[الحور]

كوكيز
بالمواقف و خصوصا بالتلفون عدي و خربطي :p

[أبيار علي]

الحور .. زين ابوج قالها من اول شي انها داقه غلط , انا هذا عقب ما سوه معاي تحقيق يالله قال :p

خوو من اول مره تحجى :( منو انتي .. منو تبين .. ليش .. شحقه .. شلون ....... الخ

وانا دايخه اكثر منه بعد :( توهقت و مادري شقلت هههههههههه


كوكيز .. لا ماكو شي عن خاطره ما عرفه :p كل شي قلته هههههههههه

اول ما صكرت التلفون استوعبت , قمت اتحلطم خخخخخ

يالله أزمة و عدت :p

[الحور]

لووووووول طافكم اليوم شنو صار معاي :p
أمس كنت طالعه مع الوالد و الوالده بشتري بدله :p رحت شرق ما حصلت شي رحنا السياره و آنه معصبة إشلوون ما حصلت شي حلو :(
جان أبوي يعطف علي و يقول لي خلاص خلينا نروح الأفنيوز
و كان عنده شغل بس آنه علقته معاي
جان أقول له ما ابي خلاص :(
جان يقول: خلاص آنه إلحين معاكم ماني رايح أي مكان
قلت له خلاص خلنا نروح
و أمي تقول آنه قلت لج من الاول خلينا نروح الأفنيوز مصرة إلا شرق :p << لا تسئلوني ما أدري ليش أحب شرق أكثر من أي مكان ثاني :p يمكن لأنه بحر جباله و جذي يعني و فيه مركز سلطان ما ادري بس أمس خست عدل رطووووووبة :( ... أصلا كل شي أمس و اليوم كان ضدي :(
المهم رحنا إهناك و وصلنا متأخر شريت البدله بس مو كامله بقى بس التونز صارت الساعه عشر بالليل
و المحلات صكرت :p
جان أقول حق أمي و أبوي
خلاص آنه باجر يعني اليوم الصبح راح أروح و أشتري
قالوا أوكي
اليوم قعدت الساعه عشر و تزهبت للأفنيوووز :p
رحت بروحي بما إنه إختي المصونه تقول مااااالي خلق أقوم الصبح ما ادري شنو ؟؟؟؟
رحت برووووووحي قلت أتمشى بعد مره وحده و أحلى شي إنه الصبح فرششششششش :p و هدوووووء مافي وايد ناس
رحت و فتريت بكل المحلات ما لقيت التونز إلي أبيييه مع الأسف :(
خرب شغلي كله :(
و آنه راده حق سيارتي جان أشوف هذولي السكيوريتي مع واحد فراش عند المصافط يتكلمون
آنه ماره مالي شغل
ما أدري شلوون سمعت اسمي ما أدري جنه قاعد يكلمني ما ادري شنو صار إلي خلاني ألف ويهي :p
جان ألف ويهي عليه
و آنه لمن أحس إنه واحد يكلمني بدون ما أتكلم ألف ويهي و أطالعه :p
وقفت
جان يطالعني منصدم لأنه صار هالشي بلحظة :p أهوه مستغرب إشفيني وقفت و طالعته
و من الفشلة انقص ويهي و كملت طريجي صج صج إنقص ويهي حده فشله
لأنه السكيوريتي طلع قاعد يكلم الفراش عبالي قاعد يكلمني :p
الظاهر مخي قفل لمن ما لقيت إلي أبيه
صج صج قهر لا لقيت إلي أبيه و فشلت نفسي :(

[Kokies]

لووووووووووووووول عااااد ابيخ ما بالسالفة انج تفشلتي لوووول اشوه ما اذكر مرة صاار فيني جذي.. تعيشين وتاكلين غيرها :p

بس على انج ما تلقيين في السووق شي فهذا شي طبيعي السووق صااير بااايخ واللي يقوولج انا كل يووم ولا يومين راايحة السووق ومو لاقية شي !!! اطاالب اصحااب المجمعاات يصكوون مجمعاتهم احسن :p

[الحور]

لوووووووول me too
معاج خلهم يسكرون المحلات أحسن
عيل أدور تونز أبيض ما أحصل بمجمع عووووووووود مثل الأفنيوز
قلت أوكي أمشيها لهم << :p

رحت شرق و هم ما لقيت ؟؟؟؟؟؟؟؟؟؟؟؟؟؟؟؟؟ شالسالفة

[اللؤلؤة المكنونة]

بسم الله الحمن الرحيم

اللهم صل على محمد وآل محمد الطيبين الطاهرين الأشراف وعجل فرجهم ياكريم

صباحكم ورد وياسمين وعبير هههههههههههههههههه

في مرة رايحة مجمع الخنيزي عندنا بالقطيف مع أخوي

دشيت محل وكان هناك بنات يغازلوا الولد اللي يبيع عيني عينك

جان أقول اللللللللللللللللللللللللللللللله يغازلوا

وماشوف الا طراااااااااااااااااااااااااااااااااااااااااااااااخ صجيت المجمع كله

الا حضرتي دعمت المجسم اللي يلبسوه للثياب والمنظر اللي صار إني

حاظنته هههههههههههههههه

تخيلوا عاد اهني كل الموجودين إخترعوا من الخوف

وأخوي طلع برا يقول أنتي مو أختي ههههههههههههه:14:

[Kokies]

لوووووووووووووووووووووووووول اخااف اضحك بعد شوي ادعم بشي بس غصبن علي وربي موقف ولا اروع ههههههههههه :p

لووووول معااه حق اخوووج لو انا بدااله ما اعرفج ولا حصلي الشرف هههههه =)

[اللؤلؤة المكنونة]

لوووووووووووووووووووووووووول اخااف اضحك بعد شوي ادعم بشي بس غصبن علي وربي موقف ولا اروع ههههههههههه :p

لووووول معااه حق اخوووج لو انا بدااله ما اعرفج ولا حصلي الشرف هههههه =)



ههههههههههههههه

ضحكي ضحكي والله موقف لا ينسى أبد

ودايمآ مع أخوي هذا بالذات مسكين

أقولج في مرة قاعد يطالع روحه في المراية عشان يلبس

عدساته وهو مو عارف لهم

الحين آنا مادري عنه أنتبهت له يطالع روحه جان أخرعه

ومن الخرعة اللي أخترعها انلبست العدسة في عيونه ههههههههههههه

جان يجيني ضربة على الظهر منه

أقوله جزاة الخير من الخرعة انلبست العدسة تضربني

[Kokies]

لوووووووووووول الله يهداااج هههه انا وقام اقرا الموقف يوم قلتي انج خرعتي احس تخيلت الموقف واخترعت عيل اهو اللي عاااش الوضع شصاار فيييه لووووووووووول اي والله زييين منج ملبسته العدساات هههه
الله يهدااه بس لووول :p

[الحور]

يلبس عدسات شنو طبية :p

[اللؤلؤة المكنونة]

بسم الله الرحمن الرحيم

اللهم صل على محمد وآل محمد الطيبين الطاهرين الأشراف وعجل فرجهم ياكريم

اي والله ياكوكيز اخترع خرعة مافيه مثلها هههههههههههه

أختي الحور عدسات طبية نعم مالات نظر

[أبيار علي]

ههههههههههههه

اول موقف بصراحه محرج حده , فشله ههههههه

الحمدلله انكم تلبسون بواشي :p


والموقف الثاني خطر عاد

يعني لو حاط صبعه بعينه و متعور جان اكلتي طق عدل حزتها ههههههههههههه


نورتي حبيبتي

[اللؤلؤة المكنونة]

بسم الله الرحمن الرحيم

اللهم صل على محمد وآل محمد الطيبين الطاهرين الأشراف وعجل فرجهم ياكريم

ههههههههههه

شسوي بعد

هذا الموقف صار لصديقتي

مرة وحدة من البنات رانة عليها رنة بالجوال عشان تخزن رقمها

في نفس الوقت دق رقم غريب

الحين صديقتي خزنت الرقم الغريب على أنه رقم البنت

وحذفن رقم البنت الأساسي بالغلط

وصارت كل يوم ترن عليها وذيك ترن

مرضت صديقتي ويومين مارنت عليها

وذاك اليوم ترن ترن ترن رايح

واتصلت لها الا اللي يرفعه هندي هههههههههههههه

تخيلوا طول الوقت أهي وهندي يرنوا على بعض

علمتني السالفة جان أقول لها تأخرتي عليه يومين مادقيتي

قال يطمن عليج هههههههههههههههه

وطاح فيه أخوها تسفل فيه وفي طوايفه ههههههههه

[عتاب الشجن]

ههههههههههههههه ..

و اني اول ما شريت تلفووني .. كنت حافظة رقم بنت عمي ..

و سيفت رقمها .. و كنت كله اسوي مسكولاات و ترد عليي بمسكولات ..

و مرة اتصلت .. ردييت .. الاا طلع هنديي ..

خخخخخخخ .. جفت الرقم .. طلعت كاتبة رقم غلط :p

و مسبفتنه غلط .. اشوة ما طرشت مسجاات ..

[Kokies]

هههههه لوووول انتوا شفيكم مع الهنادوة لوووول والمشكلة كله مس كوولات لووووول مو اي شي بعد :p

[Trai]

لووووووووووووووووول .. شهالموااقف ..

انزين انا بقولكم موقف صاار معاي صج يضحك وانا ضحكت على رووحي فييه :p

مرة كناا راحين سلماان الدبووس ( هذاا مجمع عندنا بالكويت ) .. بالفحيحيل .. انزين مو اكوو محلات بخور هنااك .. ساعاات يحطون مبخر كبيير جدام المحل وفيه بخوور .. واناا الله يسلمكم كنت متأخرة شويه عالوالدة وبسرعه اخذت الي ابية ورحت ركض والا طراااااااااااااااخ :p .. صحكييت بالمبخر وطيييحته واعتفست عفيسة مو طبيعيه ض1 .. واختي كانت معاي تقولي سلامات يالله قومي خل اشتريلج مااي :D .. وانا ميييتة من الضحك على روحي هههههههههههههههه .. والناس يطالعوني باستغرااب جنهم يقولون شفيهاا هذي ينت شنوو :p ؟ .. اختي قومتني وتقولي صج انج مينونه اكوو احد يطييح على ويه ويكسر المحلاات ويضحك .. انا خبري الي يطيحوون يمتوون احرااج .. صج ويهج عرييض :p .. وبصرااحه انا مو شاايفة ان الموقف يفشل :D .. يعني شنوو فيهاا لو طحت وشنوو يفييد لوو خدودي حمرت :p .. عاادي يعني .. بس صج شكلي والموقف كان يضحك حدده .. :D

[اللؤلؤة المكنونة]

بسم الله الرحمن الرحيم

اللهم صل على محمد وآل محمد الطيبين الطاهرين الأشراف وعجل فرجهم ياكريم

هههههههههههههههههه

آنا نفسج جيذي أمووووووووت من الضحك ماأقدر أمسك نفسي

بس بعدين يسكتوني اللي معاي بكم كلمة وبيجوني هههههههههه

[الحور]

أختي الحور عدسات طبية نعم مالات نظر

الحال من بعضه :p ... عندنا واحد بالبيت يلبس عدسات طبيه
لمن يلبسهم يروح بغرفة بروحه لأنه أقل حركه راح تخليه يدخل إيده في عينه و يبطها :p

[كتكوتة]

بسم الله الرحمن الرحيم

انا بعد افصل من الضحك ما اوقف كلش

بقلكم موقف يضحك اول ما دشيت الجامعة ما كنت متعوده طبعا على الجو متعوده على المدرسه والأبلات المهم دشيت الكلاس والدكتور قعد يتحجه وبعدين سأل سؤال وانا متفاعله لاني اعرف الاجابه جان اقوله بصوت عالي ابله ابله
والكل ميت علي من الضحك انا من فشلتي ما ادري وين اروح جان احط الكتاب على ويهي عشان محد يشوفني صج فشلة صرت مصخرة كل ما احد يشوفني يضحك

[Kokies]

لووووووووووووووووووووووووووووووووول امبي انا لو بداااااالج امووت بمكااني من الفشلة ههههههههه والله موتيني من الضحك هههههههه واااااااااي موقف تعييييييييس ههههههههههه

تراااي لوووول انا بعد بس يصير فيني موقف جذي امووت على روحي من الضحك هههه

[أبيار علي]

هههههههههه

انا عكسكم .. اذا طحت ابجي :D ينقص ويهي , الا اذا كان يضحك من صج :p


كتكوتة .. صج فشله هههههههههه
عاد انا بسرعه اتدوده , يخوفي يصيرلي اخس من الي صارلج هههههههههه

[اللؤلؤة المكنونة]

بسم الله الرحمن الرحيم

اللهم صل على محمد وآل محمد الطيبين الطاهرين الأشراف وعجل فرجهم ياكريم

البارحة طاحوا علي بنات خالتي ههههههههه

عطست وعجبتهم عطستي ههههههههههههه

على قولهم مميزة ويبغوني غصب أعطس مرة ثانية

يابنات الحلال مافيني عطسة غصب

تخيلوا شسووا جابوا لي فلفل وتتن مال قدو وحطوه في خشمي

بس عشان أعطس والله لايوريكم حرق خشمي حراق

ولا عطست ولا شي هههههههههه

تزكمت وانبط راسي من الوجع من فعايلهم

أقول لهم حرام عليكم والله حرام وهم لا إلا تعطسي ههههههههههه

والنهاية بعد تعبتهم ماعطست

[Kokies]

لووووووووول مسكيييينة ههه ابتلشتي فييهم هاا ذلتهم عطستج هههههه عاااد الحمدلله عطستي بالنهاااية لووووووول جاان الله العالم شكانوا بيسوون فيييج بعد هههه يبله نسمع عطستج المميزة لووووول اكيييييد شي ثاااني :p

[الحور]

لوووووول ضحكتيني اللؤلؤه :p
و ذكرتيني بنفسي
كنا قاعدين ببيت يدي و عيال خالاتي و خوالي و الكل موجود
فقاعده أسولف و لا أعطس
المهم
أبوي يطالعني يقول: شنو صار
قلت له و حدي مستحيه: عطست << يعني بذمتك يبااااا شصار يعني :p
أبوي: هذا شنو بعد .. هذي عطسة و لا دلع :p
آنه إهني انقص ويهي جدام الكل شنو شنو يعني بعد الواحد و عطسته كل واحد و عطسته بعد شنوو الله يهداك يا الوالد :p
قلت له: شنوو .. هذي عطستي
أبوي: هذي بعد يسمونها عطسه (أتشو) << قاعد يقلدني بصوت ناعم :p
آنه إهني خلااااااص أبيه يصك على الموضوع . جان أرقعها و أقول له: على الأقل أحلى من عطستك إلي وراا بعض آتشوووو آتشووو آتشووو .. عشرين عطسه ورااا بعض لا و بصوت عالي بعد مو طبيعية تهز البيت هز في واحد يعطس جذي الجيران سمعونا و السبة عطسته :p
آنه قلت هالكلام جان يضحك يقول أحسن من عطستج ..<< جدام الكل طبعا :p
آخر شي قلت له: خلااااااص إن شاء الله مره ثانية بعطس نفسك و قمت أقلد عطسته :p
ضحكوا علي :p لمن قالوا بس

[أبيار علي]

هههههههههههههه

ماكو شغل بعد مناشبينكم حتى عالعطسه :p

[الحور]

ماكو شغل بعد مناشبينكم حتى عالعطسه

إشدرااااااااني إييييييييييييي و الله :p

[اللؤلؤة المكنونة]

بسم الله الرحمن الرحيم

اللهم صل على محمد وآل محمد الطيبين الطاهرين الأشراف وعجل فرجهم ياكريم

هههههههههههههههههه

تدروا أحلى شي تظل هالمواقف ذكرى حلوة

وتنذكر ونضحك على حالنا

كوكييز عزيزتي النهاية معاهم ماعطست بس فجوا عني والحمدالله

ههههههههههه

[اللؤلؤة المكنونة]

بسم الله الرحمن الرحيم

اللهم صل على محمد وآل محمد الطيبين الطاهرين الأشراف وعجل فرجهم ياكريم

الحور ذكرتيني بأبوي الله يرحمه

نفس طريقة عطس أبوج الله يحفظه ويطول في عمره لكم

[الحور]

لووووووول أمس داقه على أخوي
طبعا تعرفون الشباب و طلعاتهم إلي ما تخلص
فيوم الجمعه يمعه الأهل و لمن بغينا نرد البيت بالليل
جان يقول خالي حق أمي و أبوي: ترى نبي ناخذ حموود معانا
قالوا: وين
قال البحر مع الشباب كلنا نبي نروح
فتخيلوا فوووق الــ 7 أو أكثر بعد من الشباب رايحين البحر :p
راح معاهم و قال أول ما نخلص برد البيت
الأخ قص علينا و نام ببيت يدي لأنه الحبايب قاعدين للفير بالبحر !!!!! و ردوا البيت صلوا منهم إلي ناموا و الآخر قعد مواصل لليوم الثاني :p
أبوي دق عليه قال له تعال البيت
قال: خلاص لمن يقعد ولد خالي أروح معاه
قال له أوكي
صارت الساعه 10 بالليل
أبوي يقول وين هذا؟؟
جان أقول له آنه أدق عليه :p
دقيت عليه و مسجلته عندي the big :p لا تسئلون ليش
أول ما رد علي قلت له هلا بالحجي محمد :p
جان يرد علي: آنه مو محمد آنه فلان
آنه انصفق ويهي !!!!!!!!!!!! منو فلان
بعدين استوعبت إنه خالي :p لوووووووووووول جان أقول له: سوري فلان عبالي حموود
قال لي حموود نايم .
قلت له: خلاص باي :p
أحلى شي إني قلت له حجي محمد .... لوووووووووول << خو خالي الله يهداك شايل تلفون the big ليش؟؟ :p

[الحور]

بأبوي الله يرحمه


الله يرحم أبوج حبيبتي و يسكنه بفسيح الجنات

[كتكوتة]

لوووووووووووووووووول الحور عاد اشوه خالج
انا مره كنت قاعده اطلع تلفزيون وطبعا ما احب الازعاج قاعده ومندمجه ما اسمع الا واحد قعد ينادي امي بصوت عالي باسمه توقعته اخوي انا كنت فوق واهو تحت رحت يم الدري جان اقوله انته والله ما تستحي تنادي امك باسمه وما سكت مكمله بتهاوش وقتله ترى ازعجتني قعد اطالع تلفزيون ما صارت ذبحتوني لوعتو جبدي افففففففف وكل هذا بصراخ وله مره وحده ابوي يقولي والله انتي الي ما تستحين مو انا وطبعا فصلت من الضحك وابوي معصب يقولي صج قليلة ادب ليش تحاجين اخوج الكبير جذي (اكيد راح يكون الكبير لاني اخر العنقود ) :36:

[الحور]

لوووووووووووووووووول الحور عاد اشوه خالج

مو لأني دايما أكون جدامه العاجله .. الهادية :p
مع إنه أكبر مني بسنة بس
و رابين مع بعض
بس دايما ما اوريه الويه الثاني :p أخاف يلتني كف يطشر ويهي خوو خالي إيده و القبر .. مع إنه ما نناديه خالي لأنه كبرنا نناديه باسمه
و يت له فتره يقول لنا: نادوني خالي فلان
و إحنا البنات: إييييييييييييه يصير خير فلان :p
يقول لنا: قولوا خالي مو اسمي
البنات: ........... << طناااااااش
فاستسلم للأمر الواقع :p

[أبيار علي]

هههههههههههههههه اهم شيي


انا خالتي جذي ما نقولها خالتي نناديها باسمها , كبر اختي الكبيره

بس اهي عندها عادي :D , نقولها تبين نقولج خالتي << بس مو صج طبعا :p

تقول قولولي آنتي :p

و احنا لا آنتي ولا خالتي :D اسمها بروحه

[الحور]

لووووول عجبتني آنتي :p

[أبيار علي]

تذكرت سالفه على طاري روحه البحر :p


مره ابوي كان شاري طراد , و موقفه عند بيت يدي لان جدامهم براحه كبيره وايد

عاد لقولهم يوم مناسب :p و كانوا بروحون ابوي مع عمي وعيالهم

راحوا بيت يدي عشان ياخذون الطراد , دشوا عند يدتي سلموا عليها .. ها وين رايحين .. بنروح نحدق , شريت خوش طراد والحين بنطلع فيه ( و طبعا هذي اول طلعه :D )

جان يدتي تقول شارين طراد ؟؟ عساه يوقف بمكانه وما يتحرك :D ( اهي تخاف ما تبيهم يروحون )

المهم خذوا الطراد و راحوا البحر يو بشغلونة و لا ما يشتغل :p
شفيه هذا ؟؟ يحاولون فيه يا الطيب اشتغل خلصنا , يالحبيب خلص , ماااااااااااااكو .. واقف مكانه و مو راضي يتحرك , دعوه يدتي وحده بوحده :p

و مثل ما ارحوا رجعوا , ابوي يقول حق يدتي الطراد ما يشتغل شسويتي حرام عليج والله شزينه توني شاريه :(

واهي مستانسه :p احسن , كل ما تشترون طراد بقول جذي :p

هذا الي ما يسمع كلام الام :D

[الحور]

تذكرت سالفه على طاري روحه البحر

شفتي إشلون مواقفي تطلع مواقفكم :p

--------
بس كسر خاطري أبوج ليش جذي تسوي يدتج جان خلتهم يحدقون :p
مساكين
تيتي تيتي متل ما رحتي جيتي :p

رجعوا بخفي حنين :p
-----
ذكرتيني بسالفة ولد خالتي إلي سواا فيني مقلب التلفون :p
يقول كان طالع مع خالي << خالي عنده طراد كبير يحدق فيه
يقول كل ما أروح معاه إحنا و الشباب علشان نحدق عال العال
فيوم من الأيام رحنا و كان موج قوي
و إلا الحبيب << خالي يروح يحدق :p
قوم دق على المعاون << ولد خالتي :p
يقول ولد خالتي رحنا و لا الطراد يلعب في البحر مره يمين مره يسار فوق تحت :p
و الماي يدخل و يروح
ولد خالتي يقول: ما قال لي خالي تمسك و آنه ماشي عادي و لا ما أشوف نفسي إلا طايح على الأرض و الماي دش الطراد و الأغراض طاحت فوق بعضها و آنه معاهم :p الله ستر إنه ما كان في شي حاد حايشه و لا راح وطييييي
و من ذاك اليوم ... كل ما يروح معاه يأخذ الحذر و الحيطه لووووووول

[اللؤلؤة المكنونة]

بسم الله الرحمن الرحيم





اللهم صل على محمد وآل محمد الطيبين الطاهرين الأشراف وعجل فرجهم ياكريم



خوووووووووش رحلة شابات هههههههههههههه

مساكين يافرحة ماتمت

[Trai]

لووووووووووووووووووووووووووووووول .. شفيكم هديتواا مرة وحده شنو خلصت مواقفكم :p ؟ ..

المهم بقولكم موقف عجييب صاار معاي قبل سنه الااا تقريباا :p ..

كنت راايحيه بركب تقويم .. بعيادة ............. تووت محظور :p .. المهم سويت اشعه وهذا جاان ايي الدكتور ويقول .. الحين لأ مايصير تحط تقويم لو حاطت فجها بيرد لوراا وخشمها بينط لجداام :s .. انا قلت حق الوالدة .. يماا شسالفه شفيه هذاا ينّ ؟ :p .. انا جد استغربت قلت لأ ابي ويهي تكفووون :D .. بعدين يقوول ممكن تركبين بس لو ركبتي رااح تكون سنونج اوكي بس ويهج مو اوكي :( .. واذا كلش كلش سولها تجميل :| .. انا قلت وصلت لي التجميل يباا انا جميله من الله ما احتااج :p .. امي اكتشفت بالنهايه ان هالدكتور متخلف :p .. يعني جد شي غريب .. انا بنفس العياادة اكوو دكتور جراحه كان مسويلي عملية من قبل بحلجي .. فيه وقال حق الدكتور شهالحجي شنوو فجها يرد مادري شنو هذاا غلط :| .. انزين والله ماعرفنالهم شسالفه على شنو ريستواا ؟ .. جان يقولون مافي مشكله نحط تقويم لكن بس حق السنون الي فووق .. انا قلت استغفر الله راح اطلع مشوه :D .. بعدين قرقواا مع ابوي مدري شقالواا .. بعدين قالواا لناا بنتفق بعدين نردلكم خبر :s ..

بعد اسبوع تقريباا حجزنا موعد مرة ثانيه .. وقالوا لازم جراحه بالفك وهالله هالله وعذااب :| .. انا اهني ويهي بالصج صاار جذي :| :p .. بعدين تناقشواا تنااقشواا وتجااذبواا اطرااف الحديث :D .. بعدين قالوا خلاص بنركب لها تقويم من فوق بس من تحت لأ .. وجذي مارااح يصير ولاشي تطمنوو .. :s

وانا ركبت وللحيني :( .. باجيله سنتين واشيلة .. والحمد لله ماصار شي بويهي للحيني جمييله لوووووووووووووووووووووول :D

يعني شهالموقف لعبوا فيناا لعب صج دكاترة فااشليين .. الي يقول جراحه بالفك والي يقول مدري شنهوو .. صج لعوزونااا ..

والمشكله مواعيدهم كله الصبح اتعذب بالقعده وداايماا اتأخر عالموعد :p ..

الحمد لله انهاا مرت على خير :D .. وسوووووووووري عالقرقة ..

[أبيار علي]

ههههههههههه اهم شي انج تتشوهين :p

ويع عااد انا ذبحيني بس لا تقوليلي امشي طبيب الاسنان :( بيني و بينه علاقه تنافر ههههههههه

والله ما احبه كللللش

و امي شكثر تقولي خل اوديكم مرة وحده خل نفتك بس انا مابي ماحبه , جني ياهل هههههههههه

عاد مرة خلصت امتحان الفاينل الصبج جان امي تاخذني من المدرسة و على طول لي الطبيب , يعني غصبن على ويهج بتدشن :p عاد رحت سويت تنظيف مادري شسمة

امي قاام تسولف مع الدكتورة , تقولها شلون اسنانها ؟؟ يبون تقويم والا ماله داعي ؟؟
الطبيبه تقول لا اسنانها وايد حلوين مشاءالله و نظاف بس يبيلهم تقويم
اهي قالت يبيلهم تقويم انا ضاق خلقي :( يعني راح ايي طبيب الاسنان مرة ثانيه ؟ :( ولييييييييه :(
بس طبعا استانست يوم قالت نظاف :p قلت اشوه عشان احطة عذر جدام امي خخخخ لمن تقولي امشي الطبيب اقولها اسناني نظاف ماله داعي :p

و طبعا حددده طاف عالتقويم :D
انا عندي ضرس مسوينة غلط ماقدر آكل عليه شي حالي و للحين مارحت , كل يوم اقول باجر ض1 , هالمرة تبون تقويم يعني سنتين او اكثر و انا بس اراجع عند هالطبيب :eek:
يحلمووووووون :p

[Trai]

بالعكس وناسه طبيب الاسنان :p .. انا احب العياادات وهالجوو ..

خصوصاا كراسيهم الي جنها سرير لمن يحركونها يصعدونها لفوق ولتحت ونااسه :D ..

بس سئلني انا عن انواع العوار .. انا جربت كل شي .. شلت سنون .. حشيت سنون .. سويت عمليه بالفك .. ركبت تقويم .. يعني كل شي موظفيين العيادة حفظووني :p ..

ساعاات امشي يسلمون علي هلاا فلاانه شللونج :D .. بس اكثر شي يعور حشوو السنون وييييييع .. جد جد يعور ..

وابرة البنج همن :( .. حييييييل تعورني .. عندي لكم نصيحة عشان تتخلصون من عذااب الابر :p .. لمن يطقونكم ابره قرصواا نفسكم :D ..

وهدواا اعصاابكم وصيرواا ريلااكس حدكم .. والله جذي جنكم ماتحسون بالعوار ..

بس هم رووحة طبيب الاسنان وناسه :p .. خصوصا لمن تسوين اشعه ض1 ..

[عَاشِقُ اْلقَائِدْ]

مايعووووور ولاا شي :p:p

[أبيار علي]

وين الونااسه فيه يا معوده

انا مو مكرهني فيه الا كراسيهم الي جنها سرير على قولتج :p

تعالي انسدحي جادم الاوادم عشان ايي واحد يلعب باسناني و آخر شي مسويهم غلط :(

يا معووووووده زين خل يولوووون :p

حتى لو كانت دكتورة بنت يعني هم ماحب :( لان اكو ريال يروح و يرد يجيك عليها شتسوي :p

و مرة 3 رياييل على راسي :( 2 يتدربون و وااحد يجيك وراهم , و انا جريب ابجي ههههههههههه

والله اسخف شعور بالدنيا , اقولج ذبحيني بس لاا تقوليلي روحي طبيب اسنان , مسببلي عقده


بس اكثر شي يعور حشوو السنون وييييييع
والله مادري انا جربت حشوه بيضه وعجبتني ض1

حتى لمن رحت حق ال3 اطبه الي لوعوا جبدي قلت لهم ابي حشوه بيضه جني انا الدكتورة مو اهمة هههههههههههههه بس سمعووا كلامي


والبنج ,, طقني ابره بنج .. صار نص حلجي مخدر ماحس فيه والنص الثاني زين , رجعت البيت ابي اشرب ماي مو قادره هههههههههههه احس بنص حلج , والنص الثاني ماحس فيه :D احس الماي بينكت
و امي تضحك علي تقولي خوو روحي شربي بعود :p

[عتاب الشجن]

أني بعد جربت كل شي ..

إلا التقويم ..

جربت الحشو الابيض و الفضي ..

و جربت علااج العصب .. هذا يعور بس :s

[عَاشِقُ اْلقَائِدْ]

انا جربت علاج العصب ..

يعور نوعا ما ..

[Kokies]

واااااااي ما احب طبيب الاسناان ويع اكره بينا علاقة تنااافر من قلب

ههههه ابياار اهم شي بنص حلج هههههههههه .... تراااي الله يهدااج شالونااسة بالسالفة هااا !!! هههههه

[متيم ب علي]

حبيت اذكر موقف مضحك مريت فيه ..


مرة كنت مسافر اكمل دراستي رايح من مطار الدوحة إلى فيينا .. وانا اعرف انكليزي بس اكو كلمتين قراب من بعض ولي اليوم اخربط فيهم .. اهي كلمة Tourism و Terrorist





وطبعاً معنى هالكلمتين معروف . فلأولى معناتها سياحة .. والثانية معناها إرهابي ..


المهم

سألوني بالمطار أمن الجوازات وقالولي شعندك رايح فيينا ؟.؟ .. خصوصاً جوازي ايراني انا الوحيد من بين ربعي .. فأنا بغيت اقول سياحة " تووريسم " فقلت لهم " توريرست " إرهابي!!

فوقفوني ولا جان ايي صاحبي وقالهم يبا توريسم احنه بنروح سياحة .. فبالغصب هدوني عبالهم قاعد اتمسخر عليهم وربعي قعدو يضحكون علي ..

عبالكم خلص الموقف ؟ .. لحظة خل اكمل هني تمسخرت زيادة بنفس الموضوع ..
التكملة ..

مرت الأيام وراحت وصارت سفرتنا الثانية .. بغينا نروح من مطار الامارات بدبي إلى مطار المانيا بفرانكفورت وكله هالمطار حاطين صور ارهابيين .. فلما انا وصاحبي شفنا هالصور قعد صاحبي معاي وصار هالمسكين ساعة واقف معاي بالدور يلقني
كلمة تووريسم ويقولي اذا سألوك قولهم هالكلمة هذي معناها سياحة .. والثانية معناها ارهاب .. ومسكين من كثر ماوقف يعلمني صار اهو يخربط بينهم !! .. وانا حفظت الفرق حزتها ..

فرحنا و سألني ضابط الجوازات وقالي شعندك في أوروبا ؟ .. فأنا المسكين جاوبت صح وقلتله .. tourism .. فجان يشوف صاحبه ويقوله بشكل منبهر .. أووووه توريسم !!
فأنا شفت شكله صار جذي ويكلم صاحبه بهالنبرة .. فشكيت بنفسي وقلت اكيد انا قايله غلط !!

فقلت لهم على طووول .. oh no no .. terorrist >> بغىت أكحلها عميتها !!

فجان يطالعني بنظرة وسكت انصدم مني !!

فقالي تيروريست ؟.!! .. فأنا نسيت الأكو و الماكو حزتها .. وقلتله بابا holiday والله holiday .. فقالي اوكي اوكي هوليدي ..

وسوولي هوليدي عدل بعدين هههه

قعد يفتشني حتى فلوسي بعدين جيك عليها عشان يصدق اني رايح مو بقصد الارهاب .. لايروح مخكم بعيد ماسوولي تفتيش ذاتي الحمدلله http://www.ansarh.com/forum/images/smilies/redface.gif!

بسسسسسسسسسس ..

[خادم النجف]

ههههههههههههههههههههههه

كتير حلو موقفك متيم

والحمد لله ماكو تفتيش ذاتي

[رحيق الزهراء]

ههههههههههههههههه ههههههههههه هههههه
والله مواقف تجنن اللي تحصل مع متيم ب علي خصوصا بأول صفحة لما طاح والدتك خربت من الضحك عليها
بتخايلها تصير معي ومع والدي والله مدري شنو يسوي فيني.

[متيم ب علي]

السلام عليكم
حبيت أذكر هالموقف صار فيني مع دكتورة بالجامعة كانت تدرسني لغة أجنبية ..

اذكر بالكورس الثاني صادفني بنهاية الفصل امتحانين وكل واحد اصعب من الثاني ..

طبعاً ماكان اكو وقت ادرس لهم اثنينهم .. فدرست حق مادة وتركت المادة الثانية توكلت فيها على الله ..

خلصت الامتحانين وكان امتحان الدكتورة وايد صعب وماعطتنا وقت كافي عشان نحل الامتحان :(

بعدها بجم يوم أعلنت عن الدرجات وانا رحت لها عشان آخذ درجتي وتكتبها بالاندكس حقي ..

فللأسف قالت لي انته أخذت D .. فأنا ضاق خلقي على هالدرجة .. جان اكلمها بلغتها و أساحلها عشان تعرف اني شاطر اعرف اتكلم لغتها وتعطيني درجة أحسن ..

فصرت أساحلها وجذي ومارضت تغير الدرجة :(

جان أقولها بلغتهم وانا مبتسم .. دكتور تي سي بيكنا .. ياخسيم بيكنا كريديتو .. معناها يعني .. دكتورة انتي وايد حلوة .. عطيني درجة حلوة مثلج ..

جان أهي ويهها قلب ألوان !! .. وتطالعني معصبة وتكلمني بالأنكليزي وقالت ..

you are crazy ,, yo are crazy .. بعدين جان تشوف صاحبي اللي معاي وتقوله .. he`s crazy !!

وانا مادري شسالفة .. وانصدمت صراحة من كلامها .. وخفت انه اهي عبالها انا قام اغازلها صراحة .. جان أقولها وطبعاً بغيت اكحلها عميتها كالعادة ..

قلت لها دكتورة مو قصدي شي .. انتي كبر امي واحترمج مثل امي آي سوير وث الله ماكان قصدي شي.. وأقول بقلبي .. فكينا بس من شرج مانبي الدرجة خلاص بس لاتسقطيني ..

جان تقولي بالانكليزي بعد مادرت اني قوطي لغة ما اعرف اتكلم لغتهم عدل .. انا مابسويلك مشكلة .. مع اني لازم أسويلك مشكلة عند العميد .. بس خلاص روح ورفعت درجتك من مقبول إلى جيد ..

فقلت لها اوكي مشكورة والدمعة بعيني بغيت أبجي من الخوف و الصدمة :(

بعدين رجعت السكن من بعد ماصاحبي ضحك علي ضحك .. وشفت صاحبي سلوفاكي وقلت له السالفة وشنو صار معاي .. ولا ضحك علي ضحك وقالي انته صج خبل !!

قلتله ليش شسالفة ؟

قالي كلمة تي سي بيكنا .. هالكلمة تنقال حق وحدة بنت شارع .. يقولونها حق وحدة تشوفها ترقص بالديسكو .. مو حق دكتورة محترمة !!

لازم كنت تقول لها .. فيستا بيكنا .. >> ماكو شي غبي غير لغتهم ..


طبعاً انا ضحكت بعدها ضحك .. وعرفت المصيبة اللي حطيت نفسي فيها جدام الدكتورة .. خليتها تحس انها بنت شارع ههههه

وبسسسسسسسس

[رحيق الزهراء]

هههههههههههههههههه حلو الموقف متيم
اما مواقفك اخي كلش حلوة

[سهى خادمة الحسين]

السلام عليكم
حبيت أذكر هالموقف صار فيني مع دكتورة بالجامعة كانت تدرسني لغة أجنبية ..

اذكر بالكورس الثاني صادفني بنهاية الفصل امتحانين وكل واحد اصعب من الثاني ..

طبعاً ماكان اكو وقت ادرس لهم اثنينهم .. فدرست حق مادة وتركت المادة الثانية توكلت فيها على الله ..

خلصت الامتحانين وكان امتحان الدكتورة وايد صعب وماعطتنا وقت كافي عشان نحل الامتحان :(

بعدها بجم يوم أعلنت عن الدرجات وانا رحت لها عشان آخذ درجتي وتكتبها بالاندكس حقي ..

فللأسف قالت لي انته أخذت d .. فأنا ضاق خلقي على هالدرجة .. جان اكلمها بلغتها و أساحلها عشان تعرف اني شاطر اعرف اتكلم لغتها وتعطيني درجة أحسن ..

فصرت أساحلها وجذي ومارضت تغير الدرجة :(

جان أقولها بلغتهم وانا مبتسم .. دكتور تي سي بيكنا .. ياخسيم بيكنا كريديتو .. معناها يعني .. دكتورة انتي وايد حلوة .. عطيني درجة حلوة مثلج ..

جان أهي ويهها قلب ألوان !! .. وتطالعني معصبة وتكلمني بالأنكليزي وقالت ..

you are crazy ,, yo are crazy .. بعدين جان تشوف صاحبي اللي معاي وتقوله .. He`s crazy !!

وانا مادري شسالفة .. وانصدمت صراحة من كلامها .. وخفت انه اهي عبالها انا قام اغازلها صراحة .. جان أقولها وطبعاً بغيت اكحلها عميتها كالعادة ..

قلت لها دكتورة مو قصدي شي .. انتي كبر امي واحترمج مثل امي آي سوير وث الله ماكان قصدي شي.. وأقول بقلبي .. فكينا بس من شرج مانبي الدرجة خلاص بس لاتسقطيني ..

جان تقولي بالانكليزي بعد مادرت اني قوطي لغة ما اعرف اتكلم لغتهم عدل .. انا مابسويلك مشكلة .. مع اني لازم أسويلك مشكلة عند العميد .. بس خلاص روح ورفعت درجتك من مقبول إلى جيد ..

فقلت لها اوكي مشكورة والدمعة بعيني بغيت أبجي من الخوف و الصدمة :(

بعدين رجعت السكن من بعد ماصاحبي ضحك علي ضحك .. وشفت صاحبي سلوفاكي وقلت له السالفة وشنو صار معاي .. ولا ضحك علي ضحك وقالي انته صج خبل !!

قلتله ليش شسالفة ؟

قالي كلمة تي سي بيكنا .. هالكلمة تنقال حق وحدة بنت شارع .. يقولونها حق وحدة تشوفها ترقص بالديسكو .. مو حق دكتورة محترمة !!

لازم كنت تقول لها .. فيستا بيكنا .. >> ماكو شي غبي غير لغتهم ..


طبعاً انا ضحكت بعدها ضحك .. وعرفت المصيبة اللي حطيت نفسي فيها جدام الدكتورة .. خليتها تحس انها بنت شارع ههههه

وبسسسسسسسس


ليش ما تذكرهم بموضوعي فهو مجدد لما انتهيت عملت بحث شفت هذا الموضع من سنتين ليش ما تكتبهم بموضوعي ما زال جديد زعلت انا قليل لتدخل مواضيعي:31:هههه مواقفك كلها تفرط ضحك اخي ربي يديم عليك هالمواقف الحلوة بحق محمد وال محمد