شوفوا بناتنا شنو صاارواا يكتبون على عباياتهم !!

[Trai]

السلام عليكم ورحمة الله وبركاته..

يغمرني الأسى ويحز في نفسي .. أن أكتب لكم وأصف جريمة تقترفها الفتاة في حق نفسها ،،

الظاهرة التي انتشرت وبشكل فظيع .. وهي :

كتابة عبارات سفيهه ومبتذله على عبايات النساء .. منهم من تكتب على العباية :

Follow me

أي إلحق بي <<جنه الناس مايفهمون شي بالإنجليزي !!

واللي تكتب إسمـها وتزخرفه جنه نك نيم والا بطاقة جامعيه !!

واللي تخط حرفها بالخط العريض اللامع على ظهرها !!

واللي من كثر الإعتزاز بقبيلها تكتب :

(اسم قبيلتها) وأفتخر !!

خلاص كل الناس تفتخر باصلها وبقبيلتها بس مالقيتى الا هالطريقة تتفاخرين فيها !!

والأمر الأدهى !! وإللي يقهر !! .. أن البنت تكتب على عبايتها !! :

"إذا في امك خير إلحقني "

إما انها تهدد <<جنها تقدر أطقه إلي يبي يلحقهاا !!

وبعد !! البنت اللي كتبت عنها حتى الجرايد الخليجية !!

واللي كانت كاتبه على عبايتها :

"أتحداك تلمسني "

عرض صريح مو ناقص إلا تكتب تنزيلات 50% على اللي يلمسنى !!

أعزائي..القضية هنا ماتمس العادات والتقاليد فقط !! تمس الدين أيضاً !!

الظاهرة هذي نتاج شخصيات متقلقله تافهه غير واعية فاقدة للتمييز ..

شخصية يطلق عليها مايسمى بالإمعه .. فهي بدأت ومن ثم انتشرت .. وكيف انتشرت !!

كل هذا نتيجة لسطحية التفكير وضعف الوازع الديني !!

وفقدان السيطرة على زمام الأمور وإيجاد حل للمشكلة بعقلانية وتروي وإنضباط

هذي نتيجة .. ارخاء العصا وعدم مسكها من النص ماهي الفتاة بدون عفه وحياء وشرف؟؟

وماهو الحجاب إن لم يكن يؤدي الغرض الذي شرع من أجله؟؟.

السؤال..اين اولياء الامور..

اين الاب؟من اشترى تلك العباءة؟..

حديثي هذا نتيجة لشيء رأيته في السوق وفجر فيني الحديث !!

[منارة المجد]

:s

بأختصار هذا مو حجاب ..

و على سؤالج و ين الأب و الله الأب قاعد بسوق الأسهم والأم من عرس لعرس و من مكان لمكان

و صارو اليهال تربية خادمة ,, مدرسة ,,مجتمع ,, شارع ,, تلفاز ,, نت ,, كل شيء عدا الابوان :s

لي عودة ..

[روح البتول]

اول شي مشكووره عالموضووع اختي

ووصـح كلااامج البناات واايد يبالغوون في العباايه وماجنهاا عباايه

بس بصرااحه انا ولا مره قريت هالسواالف

"إذا في امك خير إلحقني "

"أتحداك تلمسني "

لا لا بصرااحه مااتوقع تووصل لهالحد :)

واذااا اكتبوو جذي معقول مافي احد يحاجيهم !!

[كَرْبَلائِيَ]

اللهم صلى على محمد وال محمد وعجل فرجه الشريف

السلام عليكم

طبعا موضوع مهم وهذه ظاهره انتشرت بشكل قوي وبكل الدول العربية وبالاخص الخليج
وهي الكتابة على العابايات والتي تعتبر بزمن الرسول (ص) ستر للمراء الان اصبحت زينه للمراء
يكتب على ظهر ما تحت ظهر وعلى صدر وايضا على جوانب الايدي والاخصر من كلمات يابانيه او انجلينزيه والبعض بالعربي ولكن مزخرفه وبالفصوص التي تلمع وتلفت النظر بشكل قوي وايضا الحجاب من فوق الراس او من وراء ومن الموضه ايضا انه تكون مفصله على جسم لك ِ تظهر مفاتنه وطبعا غير المكياج الي تارسه الوجه وايضا هناك احذية ظهرة الهبيطه ايضا تلفت الانظار ...

الان السؤال:
من هو السبب ؟ ومن يلام على ما يفعلونه بناتنا واعمارهم تتراوح من 12 سنه الى 30 سنه
وبنسبة الى هذه الكلمات

"إذا في امك خير إلحقني "

"أتحداك تلمسني "

هذه فيه مبالغه هذه محد يسويه الا لي كلش مخه OUT وبعد محد يسويه
ولكن كل لي قاعد يصير في بناتنا هو اساسه قلت الايمان وقلت التربية وقلت مراقبة
لماذا يا ابهات يا امهات وينكم شنو لحصلكم وين دينكم وين اسلامكم وين الله عنكم
الله موجود وفي الاخير سنرجع الى مكان الذي اتينا منه لماذا هذا الفسق انتم راية الاسلام وشرفه وعرضه هكذا تفعلون برسولكم (ص)
وليس فقط السنه وهو الاكثر ولكن ايضا هناك من شيعة وتقتدي بسيدة نساء العالمين وتفعل ما يفعله الغير وبكل سعة صدر
يا ناس يا عالم والله ماكو دين مثل الاسلام خافو ربكم والله خافو ربكم

نعتذر

تحياتي

[نور الولاية]

الحمد لله رب العالمين والصلاة والسلام على رسول الله وعلى آله الطيبين الطاهرين

موضوع حلوو

الناس تسوي شي بالعباية عاد ما توصل انها تكتب مثل هالاشياء

اني مرة شفت وحدة راسمة على ظهرها (( تنين )) << مت مت مت عليها من الضحك شهالمسخرة ؟!!

وعلى سؤالج خيتو وين الاب ؟ يجوز انه لاهي يجوز انه كاط الخيط والمخيط << وهذا شي نشوفه بشكل واضح

أما الام فلأن قلبها طيب فتقوم تهدر وتهدر وتهدر وبعدين تسكت :)

الوحدة تحط في عبايتها شي فصوص و مثل هالسوالف بس مو زيادة عن اللزوم

وعلى اساس لفت النظر بكل صراحة اقول ان كل شي يلفت النظر

[ع ــبدالله]

الصراحه موضوع مهم وانا اقول للي تسوي هلشغلاات مو متربيه والعتب على ابوها وامها للي عطوها فلوس واشترو لها هلعبايه

وبعد في عبايه للي يحطون علها شوارفسكي هاذي الصراحه مشكله كبيره لها تلفت الانظار ويصير للي يصير

يعطيج العافيه على الموضوع وان شالله نشوف جديدج

[أم محمد]

السلام عليكم ورحمة الله وبركاته
والله بصراحه هذه عبارات قريتها على بنطلون اوبظهر بجامه النوم وذات مره طالعت بمول فلبينيه

لابسه هذا البنطلون وفيها هذه العبارات وفيه تي شيرت الله يغربلهم مكتوب Im Saxy

والكثير وهذا شئ طبيعي لان ملابس من صنع بلاد الغرب اما حجاب وعبايات بصراحه ماشفت هذا شئ

ومااعتقد فيه وحده ملتزمه وتخاف ربها تسوي هذا شئ والله اعلم

مشكوره غناتي

[عاشق القرآن]

اللهم صل على محمد وآل محمد

كل مرة الإنسان يشوف مصايب وبلاوي ويقول الله يجيرنا من أعظم

أسأل نفسي شو في بعد أعظم؟؟؟!!!

الله أكبر على هذا الزمن إللي وصلنا له

أنا ما أعرف بنات الخليج وشو يلبسون لأني مو ساكن بالخليج

بس ترى ببلدي ما اشوف؟؟؟!!!

يا إخوة أنا تفاجأت لما شفت هالكلام انه في بنات تكتب على العبايات كلام مثل هذا وكنت فاكر بنات الخليج العربي أرحم من بنات بلدي

بس الظاهر على التعبير اللبناني ((كلوآ بالهوا سوا))

وكله سهل أمام إنك تشوف شيعية موالية لأمير المؤمنين(ع) منهم!!!

والله إذا أخبركم البنات الشيعة عندنا وهم بس بالهوية شيعة يعني اللي هية تروح تتحرش بالشباب واللي تلبس لبس يمكن اللي متزوجة تستحي تلبس أمام زوجها مثل ما هية تلبس ووووو......

فعلآ الله يجيرنا من أعظم


ورسالتي إلى كل فتاة شيعية

إقتدوآ بمولاتكم زينب(ع)


خيتو عاشقة الزهرآء (ع)

شكرآ لكم على الطرح

والسلام عليكم ورحمة الله وبركاته


عاشق القرآن

[ع ــبدالله]

يا إخوة أنا تفاجأت لما شفت هالكلام انه في بنات تكتب على العبايات كلام مثل هذا وكنت فاكر بنات الخليج العربي أرحم من بنات بلدي


لا يا حبيبي لا تعمم على كل بنات الخليج مو كل بنات الخليج تلبس هلبس الصراحه للي تلبس هلعبايات تطبق تربيتها ومعروفه منو للي تلبس هلعبايات .............................

[بو يعقوب]

السلام عليكم


شي غريب

انا ما شفت للحين >>>عساني ما اشوف



بس من اكل الحرام ومن عدم التورع عن محارم الله


رجالنا ذهبت غيرتهم


الستر الحقيقي 100% متمثل في العباءة الزينبية (دفة راس)

ممكن تكون العباية العادية ساترة لكن بشرطها وشروطها


اما قصة هالعبارات فالبنات ادرى منا



اذا رجعت الغيرة رجعوا بناتنا


لان البنت يهمها لفت نظر الرجل


اذا ما شافت انه معبرنها بهالسوايا بتدرك انها جدي تصير رخيصة وبتترك عنها طياح الحظ



خيي عاشق

البنات الحين سيم سيم(على قولة الهنود هههههه) بس الفرق في اللباس

آآآآآه

[متيم ب علي]

السلام عليكم ورحمة الله وبركاته

شكراً أختي عاشقة على هالطرح الجميل ,, أختي المشكلة اللي احنه قاعدين نتعرض لها مو بس بهالأمور الخاصة بالنساء ..
هم نفس الشي حق الرياييل .. يعني تصدقون انا مرة شفت واحد عقيدي كاتب ورى ملابسه .. مخاوي الليل !!

شنو يعني مخاوي الليل وشقصده الصراحة ماني فاهم .. و المشكلة كل ماتمر بنت عنده يفر لها ظهره عشان تشوف الكتابة !!
وطبعاً البنت تكون عقيدية مثله من هذيلي اللي تلبس برقع وتطلع عيونها كله مكياج ..

صدقوني أنا واصلي أيميل بالنسبة حق T-Shirt آخر موديل .. مسخرة بقمة المسخرة هالتيشيرتات .. تيشيرتات عليها كتابات وصور بايخة ..


الصراحة انا اللي للحين شايفة اهو سالفة الشوارفسكي اللي على العباية و الحجاب .. موديل خايس ومادري الناس شيحبون فيه هالكثر
اللي صارو يحطونه على سياييرهم بعد .. انا بفهم ليش هالبنات يتعبون نفسهم ويلبسون جذي ؟ ليش يصيرون منافقين ؟.!!
خو لبسو بدلات وطلعو فيها وفكونا من هالخرابيط ..

أخواني هذيلي عندهم امهات و أبهات .. بس أمهاتهم هذيلي تزوجو زواج شارع وحب بطيخ ..

انا بعيني الحين روحو شوفو انتو بأي مكان من المارينا مول و غيره .. انا الصراحة مارينا مول ما أروح له إلا بعز البرد بالشتاء لأنه البنات يكونون شوية مستورين ..
مو لله طبعاً يتسترون .. عشان يدفون نفسهم !

روحو شوفو .. الصبيان يلبسون مادري شنو من لبس خايس و مسوي شعره حقي سبايكي اللي يشوفه يقول قنفذ مو آدمي ..
والثاني مسويلي شعره كيرلي و تارسلي شعره جل حسباله مادري منو .. ياخي أشكالهم تلوّع الجبد ..

ومن الناحية الثانية تشوفون البنية لابستلي بوت تقولون هالاهوب مو بوت !! .. ولابستلي لبس قصير .. ونص جم ..

واللي يرحملي والديكم .. هذيلي بالله عليكم لو تزوجو شلون بتطلع بناتهم و عيالهم ؟

المشكلة لما تكلمونهم على طوووول يقولون لك .. انته شتبي يالمعقد ؟.!!

انته اخاف عايش بالعصر الحجري ؟.!!

ولما تقولون لهم ياناس هالعباية غير .. حق الستر مو حق جذي .. و الإسلام ما أمرنا فيها .. يقولون لنا ..

وانته من وين تطلع حجي ؟.!! .. هذي عباية هالزمن موديلها جذي .. والناس قبل كانو على قد حالهم .. فعشان جذي لبسو عباية نفس هذيج ..

وأحنه مو عياييز عشان نلبس عباية سودة تقول شبح .. احنه بنوتات صغيرات .. عندنا غريزة ونحب نكشخ ..

و المشكلة لما تحاولون تفهمونهم يقولون لكم .. ياخي مانقدر نلبس عباية عادية مانقدر ..
أحس شي في داخلي مايخليني .. ( فيهم دودة يمكن ماتخليهم ) .. يعني انتو يالبنات لو ماعرفتو تربون نفسكم ..

فشلون راح تربون عيالكم باجر ؟

شوفو يالبنات احنه رياييل باجر و رانا زواج .. وانتو بعد وراكم زواج و راج اتييبون عيال ..
صيرو أوادم خلونا نتزوج بسرعة ونعرف شلون نتزوج .. مانبي نفر هالديرة كلها من الشرق لي الغرب و آخر شي نتزوج إيرانيات ..

الحين انا اعرف ناس قاعدين يتزوجون أندونيسيات بعد .. لأنه يقولون أحسن من بناتنا ..

عدلو نفسكم هم وراكم عيال لازم تخافون عليهم .. انتو ليش ماتغارون على نفسكم ؟
ولا بس تعرفون تغارون على رياييلكم ؟

الصراحة زبدة كلامي
البنت اللي ماتغار على نفسها .. أقول حق الريال .. قطها بالزبالة ولا تفكر تتزوجها .. وخلوهم يصيرون رواسب هالمجتمع و حثالته ..
وبهالطريقة نقضي على هالظاهرة لو محد تزوجهم لأنه ماراح اييبون بنات يصيرون مثلهم و أخس منهم بعدين ..

وسلامتكم وشكراً عالموضوع

[النور]

اللهم صل على محمد و ال محمد


تبون الصج ليش هالاستهتار ؟

لان بعض الاباء و الامهات ما يعرفون أسس التربيه الصحيحه وفاقد الشيء لا يعطيه

وأيضا من أكل الشبهات وبعد من الحش بعروض خلق الله

بصراحه بصراحه بعض الناس صايره كالبهائم أكل و مرعى

جزاكم الله خير على الموضوع اللي يرفع الضغط

[عاشق القرآن]

اللهم صل على محمد وآل محمد


لا يا حبيبي لا تعمم على كل بنات الخليج مو كل بنات الخليج تلبس هلبس الصراحه للي تلبس هلعبايات تطبق تربيتها ومعروفه منو للي تلبس هلعبايات .............................

وأنا لم أعمم:)

ولما قلت بنات الخليج العربي أقصد فقط اللي تكلمت عنهم أختنا عاشقة الزهرآء (ع)

وإنت لازم تعرف شو قصدي:)

والسلام

عاشق القرآن

ه

[موالية الحسين]

في البدايه تشكرين ع الموضوع

لكن الدنيا اختربت

المفروض العبي تكون ساده بدون اي زينه

طبعا انا سالت سيد

وهو قال حرام المراة تلبس عبايه مزركشه

تحياتي

[Trai]

مشكورين جميعا على هالتفاعل الطيب ، منورين ..

ونسأل الله الهداية للجميع ..

[منارة المجد]

خيي عاشق

البنات الحين سيم سيم(على قولة الهنود هههههه) بس الفرق في اللباس

آآآآآه

لا سيدفاضل بصراحة كلمة قوية و ما نقبلها :)


سيم سيم صرنا حنا مثلهم .. :|

[الفاطمية]

معقوله في ناس جذي ؟؟!!
هذيله وين اهلهم ؟
مااقول الا الله يبعدنا عنهم ويستر من الي ياي
وشكرا على هالموضوع

[عاشقة محمد]

السلام عليكم ورحمة الله وبركاته

مااقول الا الله يستر علينا من الياي
والناس الحين تمشي وراء الموضة
واني مااشوف الا كل سنة العباية ليها موديل غير وهالهبلان >>>البنات
تمشي وراها

بس المفروض ع الوالدين يصرون عليهم ما يلبسون هاللباس
واذا بيلبسون يلبسون ما قلنا شيء بس بدون زينة

[الحور]

الصراحه إلي تسوي جذي مع احترامي للكل مو متربيه و ما لقت لها أم و لا أبو يربونها
و العتب يروح حق أهلها بعد مو بس عليها مع إنها لازم تكون عاقله بس وين

أبوها أو أمها يوم إلي يشوفونها تطلع جذي وينهم عنها؟؟؟
شنو مافي غيره ؟؟ على العرض ؟؟

الحمد لله إلي رزقنا بأهل غيورين (بطريقه معقوله ) و صاينينا و الحمد لله و معلمينا أصول التربيه بحذافيرها

---------
و ترى مو بس باللبس حتى بالبلوتوث

[طييبه]

السلام عليكم ورحمة الله وبركاته
لا حول ولا قوة الا بالله العلي العضيم

[نور على نور]

وعليكم السلام ورحمه الله وبركاته ..

هذه الظاهره تنذر بدق ناقوس الخطر على المجتمعات الأسلامية كاكل
للنقص من مكانة الحجاب الأسلامي وأهميته ,,
وأعتقد نص اللي يلبسون كذي مايعرفوا عاقبة ومعنى مايفعلونه
أما تقليد أعمى لمثيلاتهم من المنحرفات التي لدينهم ضعف بالوازع الديني
ولاحد يسأل عن الأهل البنت قبل مسؤلة عن اخلاقياتها وتصرفاتها قبل ماتسأل عن أهلها
أحتمال كبير ووارد أنها تلبس من غير علم أهلها ..
السؤال هنا من مستورد هذا الحجاب وياأنت في بلد إسلامي هل تستورد من الخارج
كي يستر على بنات بلدك!!!
وأستغرب من درت فعل الأخوان أنهم مستغربين من هذه الظاهره او عديميه وجودها
مع انها منتشرة بشكل كبير وملحوظ!!

[Trai]

الله برحم أيام الموقه* يباا ..

مشكورين جميعاً على المرور .. ونسأل الله الهدايه ..

* الموقة كانت على ايام الستينات موضه .. نفس الشوارفسكي الحين :D

[بنت البحارنه]

السلام عليكم
يمكن بعض اولياء الامور يعطون بناتهم
ويوفرون لهم كل شي واذا قلت ليهم ليش جذي
الام تقول : اصغر بنت عندي في البيت لازم ادلعها
والابو يقول : البي ليها كل الطلبات ما ابغي ازعلها .
من جذي البنت مو شايف احد يسيطر عليها
ويقول ليها هذا خطأ وهذا صح .

اما بعض اوليا الامور مثل ابوي ملزوم علي لباس العباية
بدون شي وبصراحة نعم الابو لان يهتم بمصلحتي ويعرف شنو
يناسبني .
اتمنى البنات يفهمون الكلام ويركزون فيه .
تحياتي

[حور العين]

مرحبا


أحسنتي غاليتي


كلام مؤالم بصراحه



"أتحداك تلمسني "


أوه يا كثرها وانا وحده شفت هذا على عباية وحده في جده حماكم الله من امثالهمـ



للآسف أستخفاف بالستر


وانتهاك الغرب على عادتنا وديننا من شتى الطرق


حمنا الله من كل شر


شكراً لك غاليتي


حور العين

[ابوصادق1]

"]بعد التحية الصباحية المباركة لكم جميعا ...
ايها الاخوة اصبح الجميع ياخذ من الاعراف الغربية ويرضع منه وكانه طريق السعادة والخلاص وخصوصا نسائنا ويعز في قلوبنا ذلك والمسؤولية عظيمة على الجميع خصوصا الابوين واريد ان اقول وبصريح العبارة ان الخاسر الاول هو النساء وسيعرفن ذلك ولكن بعد فوات الاوان وبعد الخسارة الجسيمة والحليم يفهم -فقط اقول لاخواتي في مقتبل العمر اسالوا المجربات الاكبر منكن بالسن ياعزيزاتي [/COLOR].