للرجال فقط ممنوع دخول الي مو متزوجه

[أم محمد]

السلام عليكم

عظم الله أجورنا وأجوركم

حبيت اسئل أخوتي بالاسلام الموالين وياليت اتردون عليه بكل صراحه وبدون مجامله

لان الموضوع حابه أسئله ألكم وياليت اجد الاجابه:45: وهي كل تالي

1- لماذا لاتحب زوجة أن تفتش جوالك ومخباك(جيوب ملابسك) وأوراقك الشخصيه ورايتها
أكثر من مرة تسوي هذه حركه ومن وراك والسبب؟

2-لماذا لاتحب ثرثرة زوجتك والسبب؟

3-لماذا لاتحب ان تلومك بأخطائك وخصوصا بمواضيع الشغل؟

4-لماذا لاتحب ان تقول لك اغسل يديك مشط شعرك لاتلبس هذا وذاك والسبب طبعا؟

5- لماذا لاتحب زوجتك أن تهمل نفسها للزينه لك ومع العلم انت لاتتزين لها!

6-لماذا لاتحب غيرتها زياده؟

7-لماذا لاتحب ان تتكلم معك وانت متضايق وتشكو لها؟

8-لماذا لاتحب زوجتك تأكل البصل والثوم؟

9-لماذا تتضايق عندما تذهب زوجتك بيت اهلها وتبقى أكثر من ايام؟

10-لماذالاتبكي امامها وتخجل من دموعك؟

11-ليش انت عصبي معاها ههههههههه اسوت الك((اقصد ماذا يغيظك من تصرفاتها))

وبس والي حلقه تاليه الكم يله قروا واعترفوا:25:

[عاشق القرآن]

اللهم صل على محمد وآل محمد

من ناحيتي لما أتزوج إجي للموضوع وأجاوب:):)

نخلي الموضوع حق الشباب المتزوجين:d

شكرآ خيتو عالموضوع

تحياتي

عاشق القرآن

[أم محمد]

اهلا وسهلا اخوي عاشق وعظم الله اجوركم ونورت الصفحه واعتبر هذا وعد ان شاء الله من تزوج نجدك

بهذه الموضوع بس وين الاخوة ليش مايردون؟؟

ماشاء الله عزابيه وايد

[منارة المجد]

أحم أحم

بس حبيت اقول اذا تنتظري المتزوجين يمكن ما يجو هني ما شاء الله اللي ينشطو عزابية او لسه ,,

ادري اكبر ملقوفة :p

[أم محمد]

أحم أحم

بس حبيت اقول اذا تنتظري المتزوجين يمكن ما يجو هني ما شاء الله اللي ينشطو عزابية او لسه ,,

ادري اكبر ملقوفة :p

والله وانتي الصاجه خلاص نفتح المجال للعزابيه بس عاد وينهم مااشوفهم نشطين افا على شباب اخر زمن؟

أبويه كادر بس على أمي |

يله ننتظرهم اش ورانا

[Trai]

بسم الله الرحمن الرحيم

السلام عليكم ورحمة الله وبركاته

الحمد لله رب العالمين والصلاة والسلام على رسول الله وعلى آله الطيبين الطاهرين

الأخت العزيزة / أم محمد ..

أولاً مشكورة على طرحج الحلوو ..

ثانياً نفس ما قالت الأخت / منارة المجد ..


بس حبيت اقول اذا تنتظري المتزوجين يمكن ما يجو هني ما شاء الله اللي ينشطو عزابية او لسه ,,

لوووووووول ، صحيح أكثر إلي بالمنتدى عزابية :D

المهم مافي مشكلة لو ردوا الشباب عالأسئلة بحكم خبرتهم يعني .. :p

أمممم .. ممكن أنا أجاول لوووول .. يلاا :


1- لماذا لاتحب زوجة أن تفتش جوالك ومخباك(جيوب ملابسك) وأوراقك الشخصيه ورايتها
أكثر من مرة تسوي هذه حركه ومن وراك والسبب؟

أعتقد أن هذي خصوصية والزوجة مالها حق في تفتيش أغراض زواجها .. لأنها تبقى خصوصية ..


2-لماذا لاتحب ثرثرة زوجتك والسبب؟

بيني وبينج أختي أحس أن سوالف الحريم مضيعى للوقت ومعظمها توافه ومصخرة :D .. فـ معااه حق لمن ما يبي يسمع سوالف الحريم لأنها لا تودي ولا تيب ..


3-لماذا لاتحب ان تلومك بأخطائك وخصوصا بمواضيع الشغل؟

يمكن لأنه ما يبي أي تدخل من زوجتة في أمور العمل .. بس مو كل الريايل يحبون هالشغله يعني في ريايل عندهم عادي ..


4-لماذا لاتحب ان تقول لك اغسل يديك مشط شعرك لاتلبس هذا وذاك والسبب طبعا؟

أهي شكووو :p .. صج حتى أنا لمن يقولولي هالحجي أطنقر .. !


5- لماذا لاتحب زوجتك أن تهمل نفسها للزينه لك ومع العلم انت لاتتزين لها!

مادري بس مو الكل جذي .. أو يمكن عشان يبي يشوفها دايما بـ أبهى حله << عشتوو :p


6-لماذا لاتحب غيرتها زياده؟

يبا الكل ما يحب غيرة الحريم هذي .. غيرتهم دااهية !!


7-لماذا لاتحب ان تتكلم معك وانت متضايق وتشكو لها؟

أي يعني أهو متضايق وماله خلق أحد .. بس في نوعيه من الأزواج يحبون يفضفضون لـ حريمه يعني أصناف الريايل تختلف ..


8-لماذا لاتحب زوجتك تأكل البصل والثوم؟

لوووووووووووول ، بس يمكن عشاان ما يبي تكون رحيتها خايسه << خوو تقدر تتسبح :p


9-لماذا تتضايق عندما تذهب زوجتك بيت اهلها وتبقى أكثر من ايام؟

يعني أهي خلاص صارت مملوكة له .. شكوو أطول عند بيت أهلها .. فـ طبيعي يتضاايق ..


10-لماذالاتبكي امامها وتخجل من دموعك؟

بعدين الحرمة تقوم تستضعفه وتقول انه ضعيف ..


11-ليش انت عصبي معاها ههههههههه اسوت الك((اقصد ماذا يغيظك من تصرفاتها))

لأن الحريم ما يمشون إلا بالعين الحمرة :D

،

طبعاً هالإجابات قلتها بناءً على حكم خبرتي بالريايل لووووووووول ..

يلا ناطرين تعليقات الشباب الي متزوجين والي مو متزوجين :D ..

ويعطيج العافيه مرة ثانية على الموضوع الحلووو ..

تحياتي

[أم محمد]

عاشوا عاشوا غناتي والله طلعتي مو سهله وللللل حبيبتي والله نورتي صفحتي وصارلي زمان ماشفتج ورمسنا بس والله طلعتي محاميه شاطره للريايل ههههههه:25:

بس ننظر عاد ريايل اظن هم بعد ماايحب ثرثره بموقع هههههه

عاشقة الزهراء(ع) نورتينا والله

[متيم ب علي]

السلام عليكم

الصراحة لولا إني شفت إسم ( عاشقة الزهراء ) عالمشاركة جان قلت إنها ريال لأنها تعرف الإجابات عدل :D


1- لماذا لاتحب زوجة أن تفتش جوالك ومخباك(جيوب ملابسك) وأوراقك الشخصيه ورايتها
أكثر من مرة تسوي هذه حركه ومن وراك والسبب؟

عن نفسي ماحب أحد يفتش بخصوصياتي , وهالشي يخليني أشعر بأنه زوجتي تشك فيني بأني أخونها .


2-لماذا لاتحب ثرثرة زوجتك والسبب؟

عادي عندي هالشي


3-لماذا لاتحب ان تلومك بأخطائك وخصوصا بمواضيع الشغل؟

ما أشوف فيه مشكلة .. بالعكس شي جميل هالشي


4-لماذا لاتحب ان تقول لك اغسل يديك مشط شعرك لاتلبس هذا وذاك والسبب طبعا؟

بالعكس هالشي أحبه , أحب زوجتي تنبهني على نفسي لأني أحس هني بأنها مهتمة فيني و ماتهملني .


5- لماذا لاتحب زوجتك أن تهمل نفسها للزينه لك ومع العلم انت لاتتزين لها!

الحرمة شغلها تتزين .. أما الريال لأ
طبعاً هالزينة غريزة موجودة عند الحريم .. بس مو موجودة عند الرياييل ,, فمو مجبورين فيها :)


6-لماذا لاتحب غيرتها زياده؟

لأنه غيرة المرة كفر , وغيرة الريال عليها إيمان ..
واأنا أحب زوجتي تغار علي .. بس مو لي درجة إنها ما تخليني أتزوج عليها الثانية بالحلال ..


7-لماذا لاتحب ان تتكلم معك وانت متضايق وتشكو لها؟

مادري .. أحس أنه هالشي عادي بس مو بكل شي ..


8-لماذا لاتحب زوجتك تأكل البصل والثوم؟

بالعكس لازم تاكل بصل وثوم لأنه مفيد لجسمها هالشي .. هالشي إجباري أخليها تاكل مو بكيفها ..


9-لماذا تتضايق عندما تذهب زوجتك بيت اهلها وتبقى أكثر من ايام؟
[quote]
10-لماذالاتبكي امامها وتخجل من دموعك؟

هههههههه
بعض المرات نبجي جدامهم عادي عشان نحسسهم بالذنب ..


11-ليش انت عصبي معاها ههههههههه اسوت الك((اقصد ماذا يغيظك من تصرفاتها))

أمس سألت بنت من الأهل وقلت لها

ليش الحريم كله يحنون عالرياييل و يأذونهم بهالحنة اللي تلوّع الجبد ..

فقالت لي .. لأنه الرياييل مايمشون إلا بالحنة .. فالحريم هم نفس الشي .. مايمشون إلا لين الواحد يعصب عليهم و يزفهم
و يواريهم العين الحمرة ..


شكراً لطرح الموضوع .. :)

[أم محمد]

لأنه غيرة المرة كفر , وغيرة الريال عليها إيمان ..
واأنا أحب زوجتي تغار علي .. بس مو لي درجة إنها ما تخليني أتزوج عليها الثانية بالحلال ..
أحم أحم راح اخبر حرمتك :14:

بالعكس لازم تاكل بصل وثوم لأنه مفيد لجسمها هالشي .. هالشي إجباري أخليها تاكل مو بكيفها ..
:14:
يابختك بيها راح احسدها على نعمه خخخخ عكسي ممنوع بصل وثوم حتى بطبخ


هههههههه
بعض المرات نبجي جدامهم عادي عشان نحسسهم بالذنب ..

خخخخخخخخخخخ ادري جربت هل حاله:24:

أمس سألت بنت من الأهل وقلت لها

ليش الحريم كله يحنون عالرياييل و يأذونهم بهالحنة اللي تلوّع الجبد ..

فقالت لي .. لأنه الرياييل مايمشون إلا بالحنة .. فالحريم هم نفس الشي .. مايمشون إلا لين الواحد يعصب عليهم و يزفهم
و يواريهم العين الحمرة ..

خخخخخخخخخخخخخخ اي صح والله

الف شكررررررررررررررر لك اخوي على مشاركه ونورت الصفحه

[Trai]

لووووووووووول ، لاا هذي مجرد خبره بـ الحياااه :d

ناطرين البااجي

[اسرار الليل]

انزين انا بسوي روحي رياله ويـ جااوب :p




1- لماذا لاتحب زوجة أن تفتش جوالك ومخباك(جيوب ملابسك) وأوراقك الشخصيه ورايتها
أكثر من مرة تسوي هذه حركه ومن وراك والسبب؟

بـ النسبه لي انا مافيهاا شي اذا الزوجه فتشت تلفون ريلها موو شرط شاكه فيه
يمكن تبي تطلع شي مني منااك

انزين انا بسأل الرياييل
اذا انت قلت حق زوجتك عطيني تلفونج ابي اشوفه وهي مارضت
ماراح تشك فيها ؟
ماراح تقول اي هذي اكيد عندها شي ؟




2-لماذا لاتحب ثرثرة زوجتك والسبب؟

احلى شي عندي القرقه:p
بس ساعات الحريم يمصخونها ويحنوون وايد



3-لماذا لاتحب ان تلومك بأخطائك وخصوصا بمواضيع الشغل؟

لانهاا حنه مافي مره تلووم الريال بهـدوء



4-لماذا لاتحب ان تقول لك اغسل يديك مشط شعرك لاتلبس هذا وذاك والسبب طبعا؟

لووول شكو تقوله جذي هو ياهل والا ياهل ؟ :d



5- لماذا لاتحب زوجتك أن تهمل نفسها للزينه لك ومع العلم انت لاتتزين لها!

ايي ما ادري ليش جذي الرياييل جذي
الا يبون الحرمه تتزين 24 يعني يمكن وحده مالها خلق اشلون؟


6-لماذا لاتحب غيرتها زياده؟

الغيره الزاايده انا صج صج اكرههااا :d
لان توصل للشك



7-لماذا لاتحب ان تتكلم معك وانت متضايق وتشكو لها؟

اي صح ما ادري ليش جذي ؟
مع ان تشوفين ان الزوجه اقرب وحده منه
بس يروح يقول حق ربعه



8-لماذا لاتحب زوجتك تأكل البصل والثوم؟

لان ريحه :p


9-لماذا تتضايق عندما تذهب زوجتك بيت اهلها وتبقى أكثر من ايام؟

الظااهر مايقدر على فراقها :p


10-لماذالاتبكي امامها وتخجل من دموعك؟

عشان لايصغر بـ نظرهاا


11-ليش انت عصبي معاها ههههههههه اسوت الك((اقصد ماذا يغيظك من تصرفاتها))

يعني بـ يطلعون رجولتهم علينا :p

بس في حريم ماييون الا بـ العين الحمره واولهم انا :p


/
/


ام محمد

طرح موفق

[عاشق القرآن]

اللهم صل على محمد وآل محمد



واعتبر هذا وعد ان شاء الله من تزوج نجدك

بهذه الموضوع

وعد مني إن شاء الله:)

عاشق القرآن

[أم محمد]

وعد مني إن شاء الله

عاشق القرآن

حياك الله اخوي

------------------------------------------

هلا بالغاليه اسرار الليل وش الابداع انتي وعشوقه ههههه نشيطن والله والله نورتوني بجابوا عدل نايبه عن الريايل
خخخخخخ

حياكم الله

[منارة المجد]

هع هع هع

عاشقة الزهراء خبرة يبيلنا نفتح لج موضوع استشاري ..

متيم بدعت .. هع هع

اسرار رجل محنك .. :D

عاشق القران جاوب من الحين :D

[Trai]

هلا بالغاليه اسرار الليل وش الابداع انتي وعشوقه ههههه نشيطن والله والله نورتوني بجابوا عدل نايبه عن الريايل خخخخخخ

لوووووووول ، ما شالله عليناا خبره بـ الريايل :p ..


عاشقة الزهراء خبرة يبيلنا نفتح لج موضوع استشاري ..

هههههههههههه ، شدعووة هذي الإجابات بحكم خبرتي يعني أحم أحم :p ..


انزين انا بسوي روحي رياله ويـ جااوب

لووووووووول ، أسراار شحلاات بدليتج ، رياااله عااد :D

,

أنزين انتواا الحين يالريايل ما تستحون :p مخلين الريم اتجااوب وأنتم ساكتين :D

ناطرينكم ،،

[أم محمد]

أنزين انتواا الحين يالريايل ما تستحون مخلين الريم اتجااوب وأنتم ساكتين

ناطرينكم ،،

ههههههههههه ههههههههههه ههههههههههه ههههههههههه ههههههههههه

صدقتي

[كَرْبَلائِيَ]

حبيت اسئل أخوتي بالاسلام الموالين وياليت اتردون عليه بكل صراحه وبدون مجامله

لان الموضوع حابه أسئله ألكم وياليت اجد الاجابه وهي كل تالي

حياكم الله وانا بخدمة :)


1- لماذا لاتحب زوجة أن تفتش جوالك ومخباك(جيوب ملابسك) وأوراقك الشخصيه ورايتها
أكثر من مرة تسوي هذه حركه ومن وراك والسبب؟

بكل صراحه انا انسان هذا شي ما يضايقني ولا امنعه منا وهذا من حقه كما هو حقي ان اعرف بالكبيره والصغيره
بنسبة الى تفتيش موبايلي وجيوبي واوراقي وثيابي و و و و الخ شي عادي عندي وللعلم موبايل في ارقام نساء ولكن هي تعرف من انا :) ولو طلبت انه تتصل بعد اعطيه رقم وبكل رحابة صدر :)
انا اقولكم شي الرجل ما يمنع زوجته من تفتيش موبايل او اي شي يخصه الا في اكو انه يعني عنده لعبة مسلية :)


2-لماذا لاتحب ثرثرة زوجتك والسبب؟


لا بالعكس بس زوجتي ما تحب تثرثر نفسي :) اكو شي قالت ماكو تشوفينه ساكته وكل توزع ابتسامات :) << في احسن من جذي ههههه


3-لماذا لاتحب ان تلومك بأخطائك وخصوصا بمواضيع الشغل؟

ليش ما احب بالعكس احنه روحين بـ جسد واحد اذا هي ما لامتني ونصحتني من راح يلومني وينصحني وثانيا حلو اذا زوجتك تتناقش معاك بأمور تخصك وحتى لو هي على غلط دورك انك تفهمه ..

4-لماذا لاتحب ان تقول لك اغسل يديك مشط شعرك لاتلبس هذا وذاك والسبب طبعا؟

هههه ليش ما احب وين تحصل في هل زمن زوجه تهتم فيك مااا في ولي عندي الحمدلله ساعات تلبسني :p
لا انا احب الزوجه لي تهتم في زوجه وام لعيال كلش مو مقصره شايله القمر وحطتني مكانه

5- لماذا لاتحب زوجتك أن تهمل نفسها للزينه لك ومع العلم انت لاتتزين لها!

والله طبيعة الزوجة لازم تكون دائما متعدله ومزينه حق زوجه ليش؟ انا اقولج اولا أهمال زوجة من تعديل وتزين هذا يأثر عليها لانه زوج محتاج يشوفه دائما جميله وفي الاخير هذه لمصحلة ما يطالع يمين يسار :blind:

وبنسبة لزوج شلون تبونه يتعدل غير يسبح ويحط له عطر ويقعد :D (سبال بعيون امه غزال):victory:


6-لماذا لاتحب غيرتها زياده؟

بل بل بل بل (ضربتيني بالوتر الاحساس )
عاد هذه قويه وانا فعلا ما احبه وهي اساس المشاكل بين الزوجين كل لي اقوله (الغيره له حدود وثقة اهم من الغير )


7-لماذا لاتحب ان تتكلم معك وانت متضايق وتشكو لها؟


بالعكس احب تتكلم معاي وانا متضايق وافضي لها همومي


8-لماذا لاتحب زوجتك تأكل البصل والثوم؟

هههههههههههههههههههههههههه

بلى عادي انا احب بصل وثوم شنو فيه :D واكثر شي مع الباجة :blush:


9-لماذا تتضايق عندما تذهب زوجتك بيت اهلها وتبقى أكثر من ايام؟


لا ما راح اتضايق لانه يجي دوري اروح بيتهم :D:blind:
طبعا اذا زوجتك تطلع من بيته وتروح بيت اهلها على الله ليش رايحه اوك عندها سبب اذا في هناك سبب مهم ويجلعه تغيب عن زوجه مدة لا تقل عن 7 ايام هذا شي طبيعي نروح نشوف لنا غيرها :D:D << بيه بس لا تدخل وتشوف لانها رادار على كل مكان انا فيه :D بس مخليه على راحته

10-لماذالاتبكي امامها وتخجل من دموعك؟

اصلا حلاة البجي قدامه (تعطيك حنان اكثر ):D قلنا ماكو خجل الزوج والزوجه روحين بـ جسد واحد يعني العمر كله وين الخجل ؟

11-ليش انت عصبي معاها ههههههههه اسوت الك((اقصد ماذا يغيظك من تصرفاتها))


يعتمد على تصرف لانه تصرف عن تصرف يختلف وايضا لا ينصح بأنه زوج يعصب على كل شي بحدود

منتظرين الحلقة التالية :D

[أم محمد]

اللهم صل على محمد وال محمد

هلا وغلا بسيدنا كربلائي ونحن نشكرك لمشاركتك وربي يسعد ويرزقق بذريه صالحه

ونسئلكم الدعاء

[كفعمي العاملي]

السلام عليكم

عظم الله أجورنا وأجوركم

حبيت اسئل أخوتي بالاسلام الموالين وياليت اتردون عليه بكل صراحه وبدون مجامله

لان الموضوع حابه أسئله ألكم وياليت اجد الاجابه:45: وهي كل تالي

1- لماذا لاتحب زوجة أن تفتش جوالك ومخباك(جيوب ملابسك) وأوراقك الشخصيه ورايتها
أكثر من مرة تسوي هذه حركه ومن وراك والسبب؟
يعني هذه قاعدة لا تنطبق على كل الرجال ما عندي أي مانع تبحث كما تشاء واثق الخطوة يمشي ملكاً ههههههههه

2-لماذا لاتحب ثرثرة زوجتك والسبب؟
هناك ما هو ضروري قوله وهناك ماهو غير ضروري والقاعدة لاتنطبق على كل النساء فهناك منهن غير ثرثرات

3-لماذا لاتحب ان تلومك بأخطائك وخصوصا بمواضيع الشغل؟
رحم الله إمرىءً عرف حده فوقف عنده يعني هناك امور يجب أن لاتتدخل فيها المرأة وهي الأعمال الخارجية وهناك أمور أيضاً يجب أن لايتدخل فيها الرجل وهي الأمور الداخلية يعني الأصول تقسيم العمل بين الرجل والمرأة وما يسمونه اليوم عدم تداخل الصلاحيات وأنا لاأعارض الإستشارات المتبادلة فهذا شيء جيد ضمن حدود معينة 4

4-لماذا لاتحب ان تقول لك اغسل يديك مشط شعرك لاتلبس هذا وذاك والسبب طبعا؟
هذا لاينطبق على كل الرجال فهناك من الرجال من يحافظ على النظافة أكثر من بعض النساء فهذه ليست قاعدة عامة أختي

5- لماذا لاتحب زوجتك أن تهمل نفسها للزينه لك ومع العلم انت لاتتزين لها!
من اين حكمت أن كل الرجال لا يتزينوا لنسائهم فهذا حكم خاطىء أختي الفاضلة

6-لماذا لاتحب غيرتها زياده؟
غيرة المرأة على الرجل كفر وغيرة الرجل على المرأة إيمان
يا أختي الفاضلة المرأة التي تقوم بواجبتها وتثق بنفسها غيرتها لا داعي لها هذا طبعاً إذا كان زوجها ممن يقدرون المرأة حق قدرها أما إذا كان متفلت من الضوابط فلها أن تغار عليه وتفتش ملابسه وتشم نوع عطره هههههههه

7-لماذا لاتحب ان تتكلم معك وانت متضايق وتشكو لها؟
هنا تختلف عقلية الرجال فمنهم من يشكو ومنهم بين بين ومنهم من لايشكو أبداً وأنا أرى أن خير الأمور الوسط يعني هناك أمور لا بأس بعرضها على الزوجة وهناك أمور لا

8-لماذا لاتحب زوجتك تأكل البصل والثوم؟
انا ما عندي مانع وتفرشي اسنانها فيما بعد او لا بأس بأن نأكل سوياً ههههههه

9-لماذا تتضايق عندما تذهب زوجتك بيت اهلها وتبقى أكثر من ايام؟
شخصياً ما عندي مانع أبداً فما يسرها هنيئاً لها وأرى هذا جيد من بعض النواحي

10-لماذالاتبكي امامها وتخجل من دموعك؟
بطبيعتي لا أبكي أمام أياً كان فقط بين يدي الله

11-ليش انت عصبي معاها ههههههههه اسوت الك((اقصد ماذا يغيظك من تصرفاتها))
ما يغيظني شخصياً هو التصرفات الخاطئة وليس بالضروري أن يكون رد فعلي عصبي فأحياناً السكوت أفضل جواب

وبس والي حلقه تاليه الكم يله قروا واعترفوا:25:
بالخدمة والله يكون بعون أبو محمد ههههههههه انت تجهزيله كمية أسئلة من هذا النوع ههههههه

[أم محمد]

بالخدمة والله يكون بعون أبو محمد ههههههههه انت تجهزيله كمية أسئلة من هذا النوع ههههههه

ابو محمد بنام قبل ماابي اسئله خخخخ

الف شكر لك اخوي للمشاركه

وننتظرك بالحلقه القادمه من الاسئله

تحياتي

[شهيد الوطن]

اااالسلام عليكم اختي ام محمد اني ممزوج من ازوج ارد الخبر

[أم محمد]

اااالسلام عليكم اختي ام محمد اني ممزوج من ازوج ارد الخبر

حياك الله

بس حتى لو مو بمتزوج عادي اتروم اتشارك هو اكثر المشاركات البنات اكثر من ريايل

تحياتي