إذا مات أحد عزيز على قلبك ؟؟

[الحور]

بسم الله الرحمن الرحيم

اللهم صل على محمد و آل محمد

أخواني و أخواتي
حبيت أشوف رايكم و بالأصح شعوركم لمن يقولك أو عرفت إن شخص عزيز على قلبك
و أعني بعزيز
يعني وااايد معاه و ما تقدر تفارقه
مثلا عمك عمتك يدك يدتك أخوك أختك صديقك صديقتج أي أحد
يعني يكون مثل ما نقول واااايد غالي على قلبك

الصراحه آنه ما أدري ليش قاعده أكتب هالموضوع


مثلا لمن يدي يقول لي إن شاء الله أشوفج متخرجه من الجامعه و تشتغلين
أتخيله فارق الدنيا و آنه طفااااارتي هالافكار ما أحب أفكر فيها :z060:

الله يحفظ يدي لي
الله يحفظ يدي لي
الله يحفظ يدي لي

و ... ما أبيه يمووت و يهدني
كافي إلي راح

فسؤالي لكم:
1- لو سمعتوا بخبر موت أحد من أهلكم و كااااان عزيز على قلبك شنو تسوي ؟؟

2- هل تتخيل الموت ... و تتمنى إنك تموت قبل لا يموت أحد أهلك ؟؟

3- تفكر بهالأفكار يعني الموت أحياانا؟

[اسرار الليل]

المووت حق على كل انسـان ومحد يقدر يفر منه

وانا عندي الموت هو اعذب فراق بـ الحياه

من هـ الفراق بس يجمعنا الذكرى معااهم

وحسينا بهـ الشعووور واايد


/
/


1- لو سمعتوا بخبر موت أحد من أهلكم و كااااان عزيز على قلبك شنو تسوي ؟؟

شوفي انا مره جربت وفاه يدتي لمن سمعت صرخت بس مابجيت

وضليت مده وانا سااكته

بعد اشهر استوعبت ان يدتي ماتت <<< صح النوم :p ومن يومها كله بجي

مع ان يوم كنت صغيره كنت احلم وايد انها ميته

واقعد من النووم ابجي واضل اروح المدرسه وانا مونايمه بس افكر فيها

بس يوم ماتت ما ادري ليش مابجيت يمكن لاني معوْْضه يوم انا كنت صغيره :p

او يمكن مصدوومه


2- هل تتخيل الموت ... و تتمنى إنك تموت قبل لا يموت أحد أهلك ؟؟

لي اكوون وقت الصلاه مشغوووله اتخيل ان اللحين بمووت

فـ اهد شغلي واقوم اصلي ،،،

امممم اكيد اتمنى ان امووت قبل لا اشوف موتت عزيز جداامي

لان صج صعب الفرااق


3- تفكر بهالأفكار يعني الموت أحياانا؟

وااايد

ساعات

توني بناام احس ان بس خلاص اذا نمت ماراح اقعد

فـ تشوفيني قاعده ومبطله عيوني :d

بعدين اقول بقلبي سواء كانت والا نايمه يوم اللي الله كاتبه فيه راح امووت

فـ احط راسي واناام

ولمن اقعد الصبح احمد ربي :d

خوو

مره

كنت نايمه وانا فوقي رفوووف

فـ ما ادري اشلون يالي شي ان هـ الرفوف راح اطيح على راسج

وتموتين

قمت وحطيت راسي العكس

جان اقول اكييد الرفوف راح اطيح على ريولي :d

حالتي حاله

وضليت ولانمت لمن وصلت حدي


بـ اختصار

بس وقت النوم اتخيل اني بموت ما ادري ليش :/


/
/


الحوور

موضوع رائع تسلمييين

[روح البتول]

الله يخلي يدج انشالله

انا الصرااحه فااقده يدي ويدتي

ااناا مره امي طلعتني بالمدرسه .. وقالتلي تراا يدتج ماتت وااي والله بدوون شعوور قاعده ابجي

يعني اتعس خبر سمعته بحيااااااتي

وانشالله يعطيكم طوولت العمر انشالله
وبالنسبه لي اسئلتج ::


1- لو سمعتوا بخبر موت أحد من أهلكم و كااااان عزيز على قلبك شنو تسوي ؟؟
الله لايقوووله انشالله بعييد هالشي ..يعني اكيد راح ابجي بجي ماراااح اسكت ومارااااااح اناام اصلااا

2- هل تتخيل الموت ... و تتمنى إنك تموت قبل لا يموت أحد أهلك ؟؟
اي بصراااحه ووودي اشوفهم شسوون لما يفقدوني :p << طااع التفكير وياويهي

3- تفكر بهالأفكار يعني الموت أحياانا؟
اي :D ساعاات اعصب اقوول انا ماادري ليش عاايشه لو اموت احسلي استغفر الله :P

استنفر مراات :P

يعطيج العافيه عالموضووع وانشالله يطول بأعمااركم واهلكم يشوفوون عيالكم وعيال عيالكم :)

[Trai]

1- لو سمعتوا بخبر موت أحد من أهلكم و كااااان عزيز على قلبك شنو تسوي ؟؟

أنزل راسي لتحت وما أبجي !! , حتى لمن توفى يدي ما بجيت بس منزلة راسي والدمعه بقلبي ): .. أنا مو بسهوله دمعتي تنزل ..


2- هل تتخيل الموت ... و تتمنى إنك تموت قبل لا يموت أحد أهلك ؟؟

لأ ما أتخيله واايد .. أكيد أتمنى أني أموت قبل أهلي .. ما أبي أبجي عليهم .. والله لا أييب هذا اليوم إن شالله ..


3- تفكر بهالأفكار يعني الموت أحياانا؟

لا ولله الحمد , لأني واثقه من نفسي ومستعده أواجه الموت بأي لحظه تكون .. وطبعا هذي نعمه ولله الحمد .. بس نادرا ما أفكر فيه ..

الحور .. الله يعطيج العافيه .. ولا يوريج مكروه بعزيز يارب ..

[الحور]

هلا فيكم بنات نورتوا

و تسلمون عالردود الشخصيه لكل وحده فيكم

لأني .... أخاف أفقد أحد يعني ما أدري ليش
ماااااااا أبي واحد عزيز علي يمووت مع إني أدري إن الموت حق و كلنا راح نموت

باختصار ما أتخيل نفسي من غيرهم !!

و تسلموون

[أم البنين]

الموت ما اقساها من كلمة مع ان الموت حق وكل نفس ذائقة الموت
لكن يبقى الموت شبح يرعب القلوب لمن يخطف احب الناس على قلبك

- لو سمعتوا بخبر موت أحد من أهلكم و كااااان عزيز على قلبك شنو تسوي ؟؟


فقدت عزيزين على قلبى وهما خالى وجدتى
خالى ( شباب) كنت راجعة من المدرسة الا اشوف امى وجها متغير سألت عن السبب قالت بس تعبانه اشوي وبعد ما بدلت ملابسى جابت لى كاس ماي بارد وقالت شربى
وكان قلبى يحدثنى بالشر ومع اصراري اخبرتنى اغمى على لم اصدق ما قيل لى وعندما استعدت وعيي اخدت بالبكاء
لم اتملك نفسى لان خالى كان اقرب انسان لى ولم اصدق وكانه خيال الله يرحمه ويغفر له وهو خالد بقلبى

جدتى ذلك الصدر الحنون الذى ما ان نذهب الى بيتها حتى تستقبلنا بعبارات الترحيب التى تطرب الاذن لسماعها ويستر الفؤاد ، عندما سمعت بموتها صدمت وعزلت نفسى بغرفتى واخذت بالبكاء اغلقت هاتفى النقال لااريد ان اسمع صوت اى احد ولا اكلم اي احد
كانت بنسبه لى صدمه كبرى والى اليوم مع انها اكملت سنتين لازلت عندما تذكرها ابكى وتدمع عيناي
خصوصا عندما اشاهد امرأة فى سن جدتى وفى طيبت قلبها تأخدنى العبرة وتدمع عيناي دون اختيار


هل تتخيل الموت ... و تتمنى إنك تموت قبل لا يموت أحد أهلك ؟؟

نعم الموت دائما على بالى وأسأل الله حسن الخاتمة يارب
طبعا اتمنى قبل موت اى عزيز على قلبى خصوصا والداي

3
- تفكر بهالأفكار يعني الموت أحياانا؟


دائما واطلب من ربى ان لا يقبض روحى قبل ان يرضى عنى




الحور *
*
*
*
*


طرح مميز وبانتظار جديدك عزيزتى

[خادم باب الحوائج]

من اكبر المواعض التفكر في الموت

الموت حق والقبر حق وسوأل منكر ونكير حق

والله احنه ملينه من كثر ما ماتو من اهلنه واصدقا ئنا واقربائنا واحبابنا يعني من نسمع بواحد ميت نكول

مايدوم الا وجه الكريم وكلنا على هذا الطريق لان الموت صار عدنه عادي با لجمله


يعني الفاقد امه وابوه واثنين من اخوانه شيكول

انا لله وانا اليه راجعون

تحياتي مع المعذره

[يتيمة الامام علي]

السلام عليكم

طبعا الموت حق لكن اعتراضنا عليه هوانه يبعدنا ممن تحب


1- لو سمعتوا بخبر موت أحد من أهلكم و كااااان عزيز على قلبك شنو تسوي ؟؟

تنهاراعصابي وارقدفي المستشفى وقبل مده توفي خالي رحمه الله من شدة الصدمه
اصبت بمرض وقمت على اثره باجراء عمليه جراحيه


2- هل تتخيل الموت ... و تتمنى إنك تموت قبل لا يموت أحد أهلك ؟؟ [/quote]


نعم اتخيله دائما واتمنى ان اموت قبل اهلي كلهم



3- تفكر بهالأفكار يعني الموت أحياانا؟

الان افكربه بشده واتمنى حصوله


شكرا لكم

[الحور]

شكرا أخواني و أخواتي على المرور الجميل

[عاشقة الحجة (عج)]

فی البدایه احب اشکرک اختی عله الموضوع الشیق للحوار



1- لو سمعتوا بخبر موت أحد من أهلكم و كااااان عزيز على قلبك شنو تسوي ؟؟

طبعا اتضایق و ابچی شی اکید ... بس المصیبه تیجی کبیره و بعدین تصغر .. و الله کریم



2- هل تتخيل الموت ... و تتمنى إنك تموت قبل لا يموت أحد أهلك ؟؟

طبعا و خصوصا فی الآونه الاخیره . الموت صایر شی هواایه سهل .. اتمنی اموت قبل ای شخص عزیز علی قلبی ..



3- تفكر بهالأفكار يعني الموت أحياانا؟

بشکل کبیر


تحیاتی لکی اختی


و تقبلی مروری

[الحور]

نورتي أخيتي

[بنت البحارنه]

السلام عليكم
كلنا بنشوف الموت وبنذوق طعمه
لكن في نفسي ما اتمنى اشوف احد من قرايبي
ميت اموت اني احسن من اشوف الشي:blush::blush: لاني بتاثر وايد
وكفاية الاحداث اللي صارت ت الينا
بس خلاص مابي اشوف بعد

[الحور]

نورتي أختي الغالية