هل يستحق الاطفال حمل اجهزة الجوال " الهاتف لنقال " ؟؟

[أم البنين]

هل يستحق الاطفال حمل اجهزة الجوال " الهاتف لنقال " ؟؟

--------------------------------------------------------------------------------


السلام عليكم ورحمة الله وبركاته

هذا الموضوع جفته في احد المنتديات وبغيت أجوف آرائكم فيه....

انتشرت في الآونه الاخيره ظاهرة ربما تكون سلبيه و ربما تكون ظاهره اعتيادية ! ظاهره ان صح لي القول انها ظاهره انتشرت بين الاطفال ! لغرض التباهي بين الزملاء كما يقال بالعاميه " المفوشر "

الجـــوال هو وسيلة اتصال لا غناً عنها ، ولا يمكننا الاستغناء عنها وهذا شيء مفروغ منه
ولكن مصيبة اليوم تكمن في استخدامات جهاز الجوال ..
بمعنى أدق و اوضح ..... تقنية <البلوتوث>

قد لايوجد بيت من بيوتنا الا ويتوفر به اكثر من جهاز جوال ..
وفي اغلب الاوقات تكون في أيدي الاطفال بعد الكبار ولكن الجوالو كما يقال " سيف ذو حدين ! "


برأيك هل ترى ان الاطفال ومن هم تحت سن المراهقه يستحقون حمل هذه الاجهزة ؟؟

(هل انت مقتنع من فكرة توفير جهاز جوال للصغار )
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



هذا هو سؤالي وطرحي للمناقشه !!

[عاشقة الحسيـن]

(هل انت مقتنع من فكرة توفير جهاز جوال للصغار )

اي والله صح كلامج واجد جهال عدهم تلفونات هلأيام

اني من جهتي اقول ان مو عدله واحدصغير وعنده موبايل!

يعني شبيستفيد منه

اذا عمره ما وصل 10 سنوات تقريبا على طول بيكون مع اهله

وما له داعي يكون عنده موبايل

هو وسيلة اتصال فما بيحتاج .. يتصل لمن يعني

ما فيه فايدة

اما اذا واحد فاهم وبيبتعد عن اهله يروح مكان ثاني

يحتاجه عشان يتواصل مع بيتهم .. في هلحاله أي

أو في بعض الاوقات يحتاجه يعطونه اياه مؤقت بس لفترة

وبعدين ياخذونه ما يتم عنده لأنه ما بيحتاجه!

ومشكووورة ام البنين على الموضوع.

[اسرار الليل]

بـ العكس انا اشووفه الاحسن ان يحطوووله

لان لو تشوفين يااهل بو 10 سنيين 24 سااعه طالع بره مايقعد مع اهله

فـ لازم الام ادق عليه كل اشووي وتحاااتيه

اماا وااحد كله مع امه

فـ ما اشووفه صح ان يحطوون له تلفووون

وحتى لو حطووله 24 ساعه بيكون التلفون مقطووط ولا راح يدري عنه



/
/


يعطيج العافيه عـ الطرح الرائع

[أم البنين]

يعطيكم العافية
أسرارالليل
وهمس

على الردود

بس انا اشوف ان سلبياته اكثر من ايجابياته
عندى تلميذ بالصف السادس ادرسه وعنده تلفون تدرين شنو ايقول لى
ايقول لى معلمة فن تدرين فى برنامج بلوتوث ندخل على تلفون الا نبغى ونبوق الصور منه ونشوف المساجات الا فيه

هذه البدايه وهو بالصف السادس فما بال النهاية وهو شاب

[دلم داردن]

انآ اشوف ان مآيصير نعطي اليهآل تلفونآت نقآله
لان رآح يختربون وهم صغآر


ايقول لى معلمة فن تدرين فى برنامج بلوتوث ندخل على تلفون الا نبغى ونبوق الصور منه ونشوف المساجات الا فيه
هذآ السآدس جذي عيل اشلون لمن يكبر

[أم البنين]

هلا بيك يادلم دار دان

نورتى القسم الاجتماعى بمشاركاتك وردودك على المواضيع
من زمان ما شفنا نورك بالمنتدى
تحياتى لك ولكل من يشارك بالقسم الاجتماعى سوى بالمواضيع او بالمشاركات والردود:good:

[متيم ب علي]

السلام عليكم

مشكورين عالموضوع , وانا الصراحة من الاشخاص اللي مايأيدون هالفكرة كلش ,,

أنا عن نفسي لما صار عمري 18 سنة طلعت لي تلفون ومن ورى ظهر أمي بعد ومن غير لاتدري , ولما درت زفتني زف سنة بساعة
و أنا ما كنت أدري ليش تسوي جذي فيني ,,

بس الحين لما كبرت و صرت شايب عرفت ليش أمي كانت تمنعني إني أطلع تلفون و أنا بسن ما أكون فيه محتاجة عدل ,,

الولد الحين عمره 15 سنة يكلمله بنت عمرها 12 سنة و يمكن شوي أكثر ,, وهذا كله بسبب أنه السبب اللي يسهل لهم هالأمر متوافر عندهم ,,

المشكلة لما الأم أو الأب اللي مايبي يوفر سبب تسهيل ارتكاب المفسده ( التلفون ) الولد يعصب و يقول ليش أهلي جذي يسوون فيني ؟

ولما يشوف الناس أغلبيتهم عندهم و أهو ماعنده يكره أهله أو يبتعد عنهم أو يحز بخاطره ويحس أنه أهو غير عن غيره ويظطر يسوي هالشي من ورى راس أهله مثلنا :)

بس طبعاً تحسفت لأنه سويت جذي , مو شي كلش هالشغلة و طبعاً طبعاً هالتلفون يسوي مفاسد أكبر من جذي بعد بسبب البلوتوث
خاصة مع أطفال سن المراهقة , خو البلوتوث مو تلفزيون بعد وماكو رقابة عليه , و التلفون صار مثل الكمبيوتر الحين , الولد يقدر يخش فيه اللي يبي
ولو أي شخص حاول يشوف ملفات التلفون مابيقدر يطلع اللي خاشها الولد في حال إن كانت فيها قلة أدب .

التلفون بسن تحت السن 15 للأطفال و بسن 18 للبنات ما أحبذه يطيح بيدهم كلللش ,, لو شنو كانت البنت زينة و خوش بنية ,, و الولد يكون خوش ولد
هالشي مابيمنعهم أنه يسوون شي غلط بعدين بالتلفون , ولحد يحط بذمته ويقول إني سويت شي غلط بالتلفون إنزين :)

[Trai]

ما في أشكال إذا اليهاال ياخذون تلفونات !!

شنو فيها يعني !! .. وخصوصاً أن بالفترة الأخيرة معظم المناطق ما فيها خطوط تلفونات بيت !!

يعني كاا أنا عندك عندي تلفون وفيه بلوتوث إلخ ..

بس المشكلة أهني شنوو ؟! .. إذا كان الأب أو الأم مو واااثقين من بنتهم أو ولدهم حتى لو يصك عمره العشرين ما يشترون له !! ..

وبعد نفس ما قال أخوي متيم .. يمكن يغاار من باجي ربعه عشان كلهم عندهم تلفونات ..

والله أخوي أصغر مني بالصف السادس !! عنده تلفون n73 آخر موديل بعد .. ( أهوو من جه يحتاجه يحتاجه لأنه طلعات الصبيان أكثر ) ..

ألحين شنو موضتهم .. كل الصف السادس + السابع .. كل واحد لازم لازم يكون عنده psp "بلايستيشن محمولة" وتلفون n73 .. وإلي ما يكون عنده هالشغلات يعتبرونه مو معاهم ويعاملونه معاملة غريب !!

بس أكو ناس يستعملونه لشغلات الموزينه !! وفي نااس يستعملونه لحاجتهم له أو تبااهي جدام الناس !!

ألحين والله تلفوني صارله طافي جم شهر ومحطوط بدرج الكمدينة أسبوع :D

[مشاعر طفلة]

أبصراحة اني اعترض على الموضوع لازم الطفل الصغير او المراهق لازم ما يحمل الهاتف فقط الكبار
الان تسبب بمشاكل مثل تكلم البنات من الشباب ليلا با التلفون يعني نا س وايد جدي
اني اعرف شخص عمره 11 لدية تلفون لاكن با المراقبة من الاب والام
تحياتي لكي ام البنين
حراممممممم كسرررررررررررر الخواطررررررررر

[BLUE SKY]

أيه والله الحين مافي جاهل ماعندة جوال وبعد لازم كشخة

وباقول ليكم قصة : مرة أنا طلعت من البيت وإلا أشوف جاهل يمكن عمرة تسع أو عشر سنين ماسك الجوال قاعد يكلم وشوي إلى يقول (((يالوردة ))) وسئلت عنة يقولو عنده حبيبة:z060:



شفتو هذا كله من الجول

تحيااااتي

[أم البنين]

متيم بعلى


يامن يتألق دائما فى حواره اشكر تواجدك وانا معاك بوجهه نظرك


حرام كسر الخواطر وعاشقة الزهراء


زاد الموضوع نور بتواجدكم الدائم بين صفحات مواضيع القسم الاجتماعى



BLUE SKY


مرحبا بك فى القسم من جديد



والى الجميع اشكركم على وجهه نظركم

وتقبلو ا تحياتى