موضوع مهم

[kuwaitiya]

بسم الله الرحمن الرحيم
اللهم صلي على محمد وعلى آل محمد
- - - - - - - - - - - - - - - - - - - - - -


عندي مشكله وأتمنى إن الكل يعطيني وجهه نظرة ويحط نفسه بمكان هذي البنت

والمشكله إهي:


أعرف بنت تعرفت على شاب من خلال المنتديات وكانوا أثناء حديثهم يقولون يا إختي ويا أخوي ، ولكن بعد فترة بالمحادثه بالماسنجر عرف كل واحد منهم أشياء كثييييييييرة عن بعض وكانوا متشابهين بوااايد أشياء وبالعادات والتقاليد .

تمسك كل واحد منهم بالآخر ولكن محد قال للآخر كلمه أحبك أو باحوا بمشاعرهم ، وذات يوم قرر أحدهم الانقطاع عن النت وأخذ أحدهم رقم الآخر وأثان المحادثة بالهاتف إنجذبوا لبعضهم البعض وباحوا بمشاعرهم .

المشكله ليست في ذلك كله ولكن المشكله تكمن هنا وهي:
دايما الشاب هذا يقول راح أخطبج بالتاريخ الفلاني ولما يقرب الموعد مايدقون ولايقولها شالاسباب ويقول إن أهله يدرون إن يحبها ويبيها...

وهي متأكده إن يحبها فشلون شتسوي وهي خايفه إن إيون ناس ويخطبونها فشلون ترفض

وشكرا

[منارة المجد]

اممممممم

اني الان مو فاهمة المشكلة وين ..

انتي تقولين شلون ترفض ؟؟؟ اللي يتقدمو لها ...!!
عادي ريلاكس طبيعية كلشي ماشي هذي حياتها في البداية و النهاية بس
اسئلة تحوم اهي متأكدة من صدقة ؟؟؟ هي مــتأكدة أنه ما يراوغ ؟؟؟
هي أختبرته في شي ؟؟
مو من السهل انه تربط مصيرها بشي اهي مو متأكدة منه ..
حياتي ..:) الأنسان عشان يوصل لهدفة و يعيش بحياة سعيدة لازم يشوف نهاية الطريق كيف راح تكون .. شنهي النهاية
هل هي مرضية ؟؟ هل هي الحياة اللي يبغاها و يطمح لها و لا مجرد فترة و تعدي ؟؟

لي عودة خيتو ..:)

[ناسف الوهابيه]

اعتقد السالفه مو واضحه نقلتيها اختي على عجله

وبلا تفاصيل يعني شوية توضيح عن الموضوع يساعد على الأدلاء بأراء اكثر نفع وفائده

شكراً والله يوفق الجميع لما يحبه ويرضا

اخوكم قايد السيف

[kuwaitiya]

لا المشكله إنها مو عارفة شلون ترفض وأهلها ناس واايد صعبين راح يقولون شالأسباب وهذا دين وعندهم حسينيه وغيره وغيره...إلخ

وهي تموووت فيه ومو متخيله إنها تعيش مع غيره

حرام والله تكسر الخاطر

ميييته عليه وتخاف عليه حتى من الهوا

فالرفض والله مو سهل للبنت

[kuwaitiya]

صح نقلت الموضوع على عجل

المشكله شلون ترفض وهي متأكده من صدق مشاعرة

وهو إنسان تقول إن دين وحبوي والكل يحبه وكفايه دينه وتقربه لله

[بو يعقوب]

بسم الله الرحمن الرحيم

اللهم صل على محمد وال محمد

طالما حذروا من الحديث العبثي بين الجنسين

على فكرة هذا مو الحب اللي في بالكم هذا تعلق ناتج من الشوق اذا التقوا ممكن(ممكن) يزول هالشعور

الحل عند الشاب

اذا كان رجال خله يتقدم ويخطب

[منارة المجد]

امممممم انا اشوف اللي مكتوب اكثر من مشكلة ..
وهم ما نقدر نعطي رأي واضح ومحدد كذة و بس :) لازم نعرف شلون صايرة المشكلة
انا اللي فهمته ان المشكلة مو في الحب نفسه المشكلة اذا تقدمو لها خطاب ثانيين كيف ترفضهم ..؟؟ هذا اللي فهمته ..؟؟
لكم منا التحية ..

[منارة المجد]

طيب خيتوة :) المشكلة كيف ترفض اللي يتقدمون لها عادي تقول ما ابي
اذا هادي اهي المشكلة خيتوة خلية يتقدم و لا تخاف اذا يبيها بيبع الغالي و الرخيص و مافي شي اسمه ظروف
احبش يعني اخاف عليش و على سمعتش :)..

[kuwaitiya]

صح يا منارة المجد

المشكله لي تقدموا لها الخطاب >>> وهذي أكبر مشكله

المهم إهي تحس إنت يحبها وهي بعد

أقولكم جنهم تفاحتين ونقصوا بالنص

يعني كل واحد فيهم يكمل الثاني

بس الرفض واايد صعب

واااي لما قالت إنها ماقامت تكلمه لظرف ماتت البنت من البجي تخاف ينساها والله العظيم ماتتصورون شلون صار حالها

[ناسف الوهابيه]

افضل التزام الصمت ... اقصد ماعليش خيتي ماراح اعلق

او اعطي راي الا اذا عرفت اكثر عن المشكله واسبابها التسرع بالحكم يظر وما يخدم اطراف القصه

طبعاً رأيي مو مهم والأخوان والأخوات يكفوا و يوفوا لكن انا مابي اتسرع


اتمنى التوفيق للجميع

[kuwaitiya]

لأ ليش إنت شاللي تبي تعرفه بالضبط؟؟؟

[ناسف الوهابيه]

لأ ليش إنت شاللي تبي تعرفه بالضبط؟؟؟

السلام عليكم

يا ريت اذا بالأمكان سرد القصه من بدايتها بوقائعاها ان وجد

ثم انه بصراحه لم افهم لحد الأن اين المشكله بالضبط

اهي عند الرجل عندما يعدها بالتقدم اليها رسمياً ثم يخلف موعده

ويتغيب عنها دون ذكر الأسباب.

او المشكله تكمن في البنت حيث انها لا يوجد مشكله لديها

في انه عند كل موعد للتقدم لها يختبئ وانها فقط مشكلتها

في المتقدمين لها فيكون وظعها صعب وحرج مع اهلها.؟

اصدق امنياتي للجميع بالتوفيق

اخوكم قايد السيف

[أريج الورد]

الحل عند الشاب

اذا كان رجال خله يتقدم ويخطب


كلام سيد فاضل عدل
الشاب اذا صج ريااال يتقدم لها و مهما كانت العوائق يتحداها و لو بس يكلم اهلها و يحجزها لين تتعدل اموره
يعني مو شرط على طول ملجة و زواج بس ان يحجزها علشان اهي تقدر ترفض الخطاب بحجة انها محجوزة و انتهت السالفة
قولي لها ان لا تتعلق فيه وايد لان اهو معلقها فترة طويلة و مو قاعد يسوي شي
انا لو مكان البنت بصرااحة لو يتقدم واحد زين ما ارفضه
ليش ترفض شخص زين و بعدين اذا هذاك ما تقدم لها راح تتحسر..
اهو اذا صج صج يبيها ما راح يخليها و لما يعرف ان في واحد ثاني متقدم اكيييد راح يسوي شي,,اذا صج صج يبيها

[اللؤلؤة المكنونة]

السالفة وما فيها مراوغة وهروووووووووب
والبنت عايشة على أمل كاذب راح يصحيها بعدين
بصفعة قوية من معرفة الحقيقة
الولد يتهرب ولو فيه خير ويخاف الله فيها كان قدر كلمته
ووعده لها هذا واحد يتسلى ياماما
أنتبهوا لحالكم والله حرام اللي يصير في البنات
تمدحي فيه دين ومتقرب الى الله خل يثبت شخصيته
ورجولته ويخطب بدل التخلف في الوعد

هذا رأيي الشخصي من اللي فهمته

[Al7aQ Ma3 3Li]

السالفة وما فيها مراوغة وهروووووووووب
والبنت عايشة على أمل كاذب راح يصحيها بعدين
بصفعة قوية من معرفة الحقيقة
الولد يتهرب ولو فيه خير ويخاف الله فيها كان قدر كلمته
ووعده لها هذا واحد يتسلى ياماما
أنتبهوا لحالكم والله حرام اللي يصير في البنات
تمدحي فيه دين ومتقرب الى الله خل يثبت شخصيته
ورجولته ويخطب بدل التخلف في الوعد

هذا رأيي الشخصي من اللي فهمته

رايي من رأي الأخت حسينية الهوية وسيد فاضل والأخت عاشقة أبا الفضل :D
شكرا كويتية

[أم البنين]

طيب خيتوة المشكلة كيف ترفض اللي يتقدمون لها عادي تقول ما ابي
اذا هادي اهي المشكلة خيتوة خلية يتقدم و لا تخاف اذا يبيها بيبع الغالي و الرخيص و مافي شي اسمه ظروف
احبش يعني اخاف عليش و على سمعتش
أنا مع الاخت منارة المجد بكلامها
الانسان الا يحب لازم يعمل المستحيل علشان الا يحبه ويخاف على سمعتها من الهواء الطاير
عزيزتى كوتيته
خلها اتحطة امام الامر الواقع اتقول له اذا فعلا تبينى تعال اخطبنى بجد والا كل واحد يروح ابطريقه
واذا اهو فعلا يحبها مو قاعد يضيع وقت معاها راح يتقدم اما اذا حدث العكس فاحسن لها انها تنساه
واتشوف حياتها مع انسان يعرف قدرها
الحب ايثار وتضحية مو مماطلعة وقص على بنات الاوادم

[ريتاج]

هالبنت غلطانه أذا انتظرت الوهم عن هو وهم وهالبنت عايشه فيه , لأنه هذا الرجال حتى لو ماكان يلعب بمشاعرها
لم يوفيّ بعهده ووعده لها , ولم يتقدم لها ,لو هو رجال خل يطلع رجولته (العفو من الأخوان ).

[متيم ب علي]

هالبنت غلطانه أذا انتظرت الوهم عن هو وهم وهالبنت عايشه فيه , لأنه هذا الرجال حتى لو ماكان يلعب بمشاعرها
لم يوفيّ بعهده ووعده لها , ولم يتقدم لها ,لو هو رجال خل يطلع رجولته (العفو من الأخوان ).

احسنتي ورحم الله والديج ..
لنا عودة إن شاء الله تعالى ..

[اسرار الليل]

كويتيه

الحين الرياال نادر ما تلقينه رياال

يواعدون ويواعدون واخر شي طوط طوط طوط << مشفر :p

سوااء بـ النت والا بـ الشارع والا حتى من الاهل

الاحسن ان تنطر موعد الوعد عشان لاتظلمه

واذا طاف وما خطبهاا فـ تهده احسن لهااا

[متيم ب علي]

السلام عليكم ,,
الصراحة اختي باقيلج جم يوم وماراح نشوفج بعد للأسف الشديد ,,

بس الصراحة اختي يعني أنا ما أعتقد بأنّ هذا الشخص ريال .. هذا لو بيطلع شخص بيطلع شخص عديم مسؤولية وهمه وناسته شوية على حساب هالبنت اللي كلمها
عالأقل كان يقول ليش مايبي يكمل مع هالبنت أو يتزوجها عشان يريّح نفسه ويريّح هالبنية هذي .. مو حتى ما يتجرأ ويقول سببه ..

العيب أختي مو من البنية فمو لازم وحرام تبجي هالبنت على شخص حقير و تتبرأ منه الرياييل باعها و مايبيها والبنت للحين تبجي عليه .. لازم البنت تكمل حياتها
والله بيرزقها ولد الحلال اللي ينسيها هالولد و طوايف طوايف هالولد اللي مايستحي على ويهه ..

مو غلط البنت ارتكبت غلط وحبت ولد حقير كان يوعدها بالزواج .. الغلط إنه البنت للحينها ماتقدر تتخلص من غلطها و تستمر فيه مع إنها تدري إنه ماكو أمل تتزوج هالولد ..
وحتى لو تزوجته فبتكون علة على قلبه لأنه أهو تخلى عنها فما أظن راح يتزوجها و إذا تزوجها بيتخلى عنها مثل أول مرة ويطلقها يمكن وهذا بعد ما راح يذلها طالما إهي عايشة معاه
ويقولها عالأقل عالأقل (( إنتي اللي قطيتي روحج علي - أنا مابغيتج وأنتي اللي ميتة علي - أنا تعرفت عليج من النت شلون تبيني أثق فيج ومابتكلمين أحد غيري )) و إلخ ,,,

وهذا غير إنه ماراح يقدرج أختي و يهتم فيج كأي شخص يحب زوجته .. أنا أقول أختي حاولي تفهمين هذيج البنت بأنها غلطت .. ولازم تاكل ثمر غلطها و تتحمل نتايج غلطها بروحها ..
بس هذا مايمنع إنه البنت تصلح غلطها و تصير أقوى من جذي .. كلنا نغلط ولو مانغلط ما كنا بنعرف شنو يعني الغلط ..

صدقيني أختي و قولي حق صديقتج بأنه هذي فترة وتعدي .. لما الله يرزقها ولد الحلال صدقيني اختي بتنسى هذاك الشخص وراح تندم إنها كلمت شخص نكرة مثل هذاك اللي مايستاهل أحد يحبه ..

ويعطيج العافية أختي الغالية على مواضيعج الحلوة :)

[kuwaitiya]

والله شوفوا الانسان لي حب مستعد يسوي كل شي حق الشخص اللي يحبه
و مستعد يضحي بحياته كلها علشانه وحتى لو كان شخص مايستاهل

متيم كل كلامك صح في صح
حتى اللي قبلك اللي قالوا لو صج يبيها جان عالأقل يالها وخطبها من أهلها
ومو شرط ملجة عالأقل تكون له ويحجزها ولي الله يسهل بيتزوجون

وصح لالالالالالالازم تنساه وإدعولها إن تنسى الإنسان اللي أعتقد إن ناسيها
وهي متعلقة فيه ذاك الشاب لدرجة ودها تموووت لي هدته أو صار فيه شي

الولد محسسها إنه يمووت فيها وهي مصدقته والله العظيم لو وحده غيرها وفكرت بعقلها جان قسما بالله مارفضت الناس اللي تقدمولها
ولا ناس والنعم فيها لكنها حاطه أمل بحبيبها إن يتقدمها

والله ودي تاخذه ويكون خووووش ريال
ويحبها لو ربع حبها له

[kuwaitiya]

شوفوا إخواني

احبك كلمه صارت متداوله بين الناس ويمكن لها مصلحة لما بعض الناس تقولها للشخص الآخر

بس تختلف من شخص لآخر

البنت قالتله وهي متمسكه فيه

بس مشكلتها في الرفض >> شتقول حق أهلها لي إسألوها عن سبب رفضها

وهو بعد الله يهداااه طول وااايد مادري شناطر

والحياه فرص مدام البنت تحبه وهو مثل مايقول يحبها لازم يتقدملها لأن مايدري باجر ظروف البنت شتكون ويمكن توافق على غيره بسبب ظروفها الصعبه وإن ماتقدر توافق :(

ومشكورين على مساعدتكم >> صج إنكم إخوان :)