ماذا لو علمت أن هناك فتاه تتمناك زوجاً

[kuwaitiya]

ماذا لو علمت أن هناك فتاه تتمنـاك زوجا...... ؟

نعلم بأن الكثير من الرجال قد يعجب بفتاة ثم ما يلبث ان يخطبها ويتزوجها ويحقق الله مراده...

ولكن هل تعلمون بأن هناك الكثير من الفتيات يقدر الله عليها بأن تعجب بشخص سواء لدينه او اخلاقه او سعة ادراكه.....الخ من الصفات التي تكون كافيه بأن تجعلها تتمناه زوجاً !...

فالحب والكره والموده من الله سبحانه وتعالى لم يختص بها جنس معين ....

ولكن في مجتمعنا الحالي نجد ان هذا الشيء مرفوض كون ان فتاة تتمنى الارتباط بشخص ما ...فهي تعلم يقين العلم انه ان لم يكن يفكر بها فهو بداية طريق عذاب لمشاعرها.... !

ماذا لو علمت بأن بنت عمك او خالك او احدى اقرباءك او معارفك تتمناك زوجاً؟


هل ستصغر في عينيك كونها قد احبتك ؟..

ماذا لو ان هذه الفتاة ارادت لفت نظرك لها بأي وسيله سواء بالتلميح لاحدى اخواتك او حتى ارسلت لك رساله وقالت لك انا معجبة بك بسبب تدينك او اخلاقك ...
واريد الارتباط بك على سنة الله ورسوله .............
بصراحه ماذا سيكون موقفك؟؟؟؟
وكيف كنت تتمنى الطريقه التي تشعرك برغبتها بالارتباط بك ؟

[عراقي]

ولكن هل تعلمون بأن هناك الكثير من الفتيات يقدر الله عليها بأن تعجب بشخص سواء لدينه او اخلاقه او سعة ادراكه.....الخ من الصفات التي تكون كافيه بأن تجعلها تتمناه زوجاً !...

هذا ما حدث لخديجة زوج الرسول صلى الله عليه وآله وسلم
وبالفعل طلبته للزواج ....!!!
هذه سنة ..ياأختاه

[متيم ب علي]

هذا ما حدث لخديجة زوج الرسول صلى الله عليه وآله وسلم
وبالفعل طلبته للزواج ....!!!
هذه سنة ..ياأختاه


!! سنة !!
لا أعتقد ذلك مع احترامي لكم .. لأن السنة هي ماوردت عن النبي صلى الله عليه وآله وسلم فقط

.. لنا عودة إن شاء الله مع الموضوع ..

[منارة المجد]

:) في وحدة سئلت زوجها هالسؤال قال كنت راح أفرح لو أنتي اللي خطبتيني

هههههههههه في بعض الشباب يقبلوا بهذا الشيء و في بعضهم يقول رامية روحها علي ..

و في بعض البنات يقولوها و في البعض ما يرضوها على روحهم ..

لي عودة ..

[متيم ب علي]

:) في وحدة سئلت زوجها هالسؤال قال كنت راح أفرح لو أنتي اللي خطبتيني

أنزين أختي .. فرضي إنج إنتي الريال وأنا البنت , ولنفرض إنج ولد خالي أو خالتي ( فرضاً ) ..
أنته عجبتني بأخلاقك و ديانتك .. وأنا حطيتك في بالي وتمنيت إني آخذك .. بس انا مو البنت اللي تتمناها .. ( وأنا مادري بهالشي ) ..

فسئلتك بعدين وقلتلك .. شرايك تخطبني و نتزوج ؟؟ .. شنو بيكون موقفك ؟ .. وشنو بيكون موقفي لو رفضت هالشي ؟؟ .. وشنو بتقول عني بعدين ؟؟ .. وشلون أقدر أشوفك بعدين وبأي حالة ؟؟

وفرضي إنج قلتي لشخص ما هالكلام ورفض طلبج بعدين .. شنو بيكون موقفج ؟


هههههههههه في بعض الشباب يقبلوا بهذا الشيء و في بعضهم يقول رامية روحها علي ..
و في بعض البنات يقولوها و في البعض ما يرضوها على روحهم ..

لي عودة ..

أنا الصراحة أرضاها بحالة وحدة .. لو البنت اللي أبيها و تكون عاجبتني أهي اللي إتيي تقولي هالشي ..

بعرف مجتمعنا هالشي وايــد عيب يكون .. بس الدين ماحرمه ولله الحمد .. بس بتكون له آثار سلبية .. وهذا بنظرتي الشخصية والله أعلم ..

[منارة المجد]

أخوي متيم أذا على وجه نظري الشخصية أني أصف معاك و وجه نظري مثل وجه نظرك ماكو أختلاف بس اني أتكلم عن شرائح و ناس أعرفها و اللي أشوفه ..

زي ما أنتا قلت لو أروح أقوله تعال عرس علي أنت عاجبني و يقولي لكن أنا ما أبغى أعرس عليش و بعرس على فلانة لانها و لانها و لانها " طبعا هذا الشيء مستحيل يصير في مجمعنا أتكلم عن مجتمع غير أو في حالات غير " أنا شراح يكون موقفي من نفسي و راح طول الوقت ألوم نفسي ..

هذا اذا أحتفظ بالسر بينه و بين نفسه أني بكون منحرجة و متضايقة و بجلس الومها ..


بس الأمر و الأعظم اذا فضح البنتفي كل مكان و قال فلانة بنت فلان تبغى تبي تتزوجني و فلانة اخت فلان هذاك قالت لي تعال تزوجني .. و هلم جرى

هذي وجه نظري :) تحياااااااتي ..

لي عودة ..

[متيم ب علي]

:)
هذا المتوقع يصير فيج أختي وبكل شخص ثاني لو كان بهالموقف ..
والصراحة أنا لو ييت لي بنت وقالت لي هالكلام .. يمكن راح يوقع فيني أثر سلبي إتجاه هالبنت .. ( بالنسبة حقي ) ..

يمكن أقول هالبنت شفيها جذي تقولي ؟ .. يمكن فيها شي .. أو مسوية شي غلط وتبي تتستر على نفسها .. ( طبعاً على حسب البنت نفسها وأخلاقها ) .. أكيد البنت ماراح أتييلي من الشارع أو المنتديات والانترنت وتقولي بتزوجك .. غالباً ماتكون من بنات العايلة .. ( لو فرضاً بيصير هالشي ) ..

الصراحة أول سؤال راح يتبادر على ذهني إني أقول .. هالبنت شنو طايحة بجبد روحها عشان إتيي تقولي هالكلام ؟ .. أو أنا هالكثر حلو اللي ماكو بنية إلا مطيحها بجمالي :)

لا أتغشمر .. انا جيكر واييد .. أكيد ماراح يتبادر هالشي الإيجابي حقي .. بيكون كل شي سلبي بالنسبة لي لأني اعرف قدر نفسي .. المهم نرجع للموضوع .. ويمكن ارضى بهالبنت بعد التفكير بعدة أمور .. نتطرق لها بعدين يمكن ..

بس الصراحة .. أحس إنها مو حلوة هالحركة .. وأهي تعتمد على حسب كل عائلة و تقاليدها اللي تربت عليها .. يمكن ناس يكونون فرييه شوية أو واييد .. وعندهم هالشي عادي .. ويمكن يكونون شوية ملتزمين وعندهم غيرة على نفسهم وهالشي بيكون عيب ..
ويعتمد على الجو اللي البنت و الولد عايشين فيه .. هاذي كلها أمور تأثر على هالموقف .. وهذا بالنسبة لنظرتي الشخصية ..

[ناسف الوهابيه]

السلام عليكم ورحمة الله وبركاته

والله خوش موضوع وقوي تسلم لطرحه اخوي

انا بالسبة لوجهة نظري المتواظعه عرظ الطلب من البنت صعب حبتين

وله اثار سيئه لكن اذا كانوا الطرفين يتبادلوا نفس الشعور بالأعجاب والبنت تحس بأنو يبادلها نفس الشعور

يكون الأمر جداً عادي .

وسلامتكم

لنا عودة معكم

[كَرْبَلائِيَ]

موضوع قيم ولنا عوده وقويه شوي مع متيم :)



تحياتي

[منارة المجد]

السلام عليكم ورحمة الله وبركاته

والله خوش موضوع وقوي تسلم لطرحه اخوي

انا بالسبة لوجهة نظري المتواظعه عرظ الطلب من البنت صعب حبتين

وله اثار سيئه لكن اذا كانوا الطرفين يتبادلوا نفس الشعور بالأعجاب والبنت تحس بأنو يبادلها نفس الشعور

يكون الأمر جداً عادي .

وسلامتكم

لنا عودة معكم

مو بس حبتين زود عليهم عشر من عندي :D

أي أذا كانو أثنينهم يتبادلون نفس الشعور ليش أهي اللي تقول مو أهو اللي يبادر الشيء حلو يكون من طرف الرجل

حتى المجتمع ما يقبل بهذا الشيء بالنسبة للتقاليد و العادات و لأعراف بس بالنسبة للنظرة الشرعية الأمر ميسر و حلال

و ماكو منه عيب

و ننتظر رأي الأخ كربلائي ..

[اسرار الليل]

لو انااا ريااال

ويات وحده قالت هـ الكلام بالعكس احس انها تحبني وتبيني

طبعا اذا كان شعورها صاااج مولعب

وبـ العكس ماتطيح بـ عييينيي ولا شي

بس اخذها بشرط ان يكوون نفس الشعوور

مو وحده ما احبهاا واروح اتزوجها عشان طلبهاا


/
/


متيم

شكلك مغروووووووووووووووووووووووووووووووووووووووور :D


/
/


كويتيه

يعطيج العافيه ...

[متيم ب علي]

لا يبا لا مغرور و ولا شي بالعكس .. متكبر انا :p >> يعني رقعها ..

لا اتغشمر .. انا واحد اعرف قدر نفسي .. الكل احسن مني ولله الحمد .. ( من صج لا تتوقعون اتواضع ) .. المهم ..

انا مرّت فيني هالمرحلة اللي نتكلم عنها بالموضوع .. كانت لدي مشاعر بإتجاه فتاة من اهلنا .. واهي تقريباً نفس الشي ( حسب ما اعتقد والله اعلم ) .. بس ماتجرأت اقول شي .. لأنه هناك وايد ظروف كانت تمنع ..
والبنت بعدين تزوجت ولد خالي .. وهالشي راح من قلبي الحمدلله .. المهم ..

بس وقتها ماقدرت اقولها انا معجب واتمناج كزوجة حقي .. لأنه ظروفي ماكانت تسمح .. وما كانت بتكون حلوة بحقي .. والظروف للبنت ماكانت تسمح .. وانا كنت حزتها غلطت وايد اغلاط لايغتفر لها منعتني من إني أتكلم حتى مع اهلي عن البنت ..

احسن شي الشخص يخلي الله سبحانه وتعالى يزوجه اللي كاتبها حقه .. بني آدم عليه بالدعاء وبس والباجي على الله .. الله كريم إن شاء الله .. والزواج قسمة ونصيب ..

يامه حطيت عيني على كذا بنت .. بس كلهم يتزوجون أمام مرأى من عيني وانا ماقدر أسوي شي .. أدعولي ..

من بعد ماشفته من الدنيا أحس إنه قلبي مات .. وذوقي صار صعب وايد بالبنات .. ومو أي وحدة صارت تطق براسي وأبيها >> صار طرار ويتشرط بالمختصر المفيد ..

المهم .. موضوع صعب وحلو .. الآراء راح تختلف فيه .. وعميق بيكون شكله .. وناسه يعني راح نقرق وايــد :)

[اسرار الليل]

انزين اذا هذي بنت خالتك مو متزوجه وقالت لك تعال اتزوجني

لانها تبيك انت

ليش اطيح من عينك ؟ اذا انتوا تتبادلون نفس الشعوور ؟

بالعكس المفروض تستانس لان موبس انت تبيها حتى هي تبيك ;)

[متيم ب علي]

شفيج مضيعة اختي ؟ .. اهي ماقالت لي تعال وتزوجني .. لو قايلة اوكي .. انا قلت لكم قبل .. اهو يعتمد بحالة وحدة بالنسبة حقي .. واللي اهي اني انا أكون معجب بالبنت كذلك .. بسسس ..

انا الزواج اللي اوافق عليه واللي يعتبر شبيه هذا الزواج هو .. أنه الأب اهو اللي يخطب حق بنته .. والزواج هذا موجود حتى بالكويت ولكن بنسب قليلة جداً جداً ..
وبواسطة هذا الزواج تقدر تقول البنت لأبوها أنا ودي بهالشخص .. روح اخطبه حقي .. وايد طريقة حلوة و أحسن من هذي اللي نتكلم عنها ..

[اسرار الليل]

اوووكي جذي انت متفق معااي ;)

ولـ اول مره :p

[kuwaitiya]

تسلمون على المشاركة في الموضوع

أما بالنسبة للأخ الفاضل متيم ب علي حق كلامه


أنا الصراحة أرضاها بحالة وحدة .. لو البنت اللي أبيها و تكون عاجبتني أهي اللي إتيي تقولي هالشي ..

بعرف مجتمعنا هالشي وايــد عيب يكون .. بس الدين ماحرمه ولله الحمد .. بس بتكون له آثار سلبية .. وهذا بنظرتي الشخصية والله أعلم ..

صح كلامك االدين ما حرمه

وهم في نفس الوقت عيب بس مثل ما قلت يمكن فيه آثار سلبية وهذا على طبيعة الشخص اللي قالتله إن تبي إيي ويخطبها



يمكن أقول هالبنت شفيها جذي تقولي ؟ .. يمكن فيها شي .. أو مسوية شي غلط وتبي تتستر على نفسها ..

يمكن ويمكن إنها إنعجبت في أخلاقة و دينه وووو ..ألخ

وحبت يكون لها الزوج اللي تقدر تسعده لأنها إهي اللي ختارته



لا أتغشمر .. انا جيكر واييد .. أكيد ماراح يتبادر هالشي الإيجابي حقي .. بيكون كل شي سلبي بالنسبة لي لأني اعرف قدر نفسي .. المهم نرجع للموضوع .. ويمكن ارضى بهالبنت بعد التفكير بعدة أمور .. نتطرق لها بعدين يمكن ..

خخخخخخخخخخخخخخخخ ضحكتني >>>>يا معود خل الجمال وااايد ناس أعرفهم تعلقوا بشخص معاهم بالنت وماتوا على بعض من غير لا يشوفون بعض أهم شي الأخلاق لأن الأخلاق تطغا عالجمال وشدراك إنك جيكر يمكن يكون لنا راي ثاني خخخ حط صورتك ونعطيك راينا


انا بالسبة لوجهة نظري المتواظعه عرظ الطلب من البنت صعب حبتين

وله اثار سيئه لكن اذا كانوا الطرفين يتبادلوا نفس الشعور بالأعجاب والبنت تحس بأنو يبادلها نفس الشعور

يكون الأمر جداً عادي .

صح كلامك يا قائد السيف بس مثل ماقلت على طبيعة الريال اللي باحت له بمشاعرها

[kuwaitiya]

احسن شي الشخص يخلي الله سبحانه وتعالى يزوجه اللي كاتبها حقه .. بني آدم عليه بالدعاء وبس والباجي على الله .. الله كريم إن شاء الله .. والزواج قسمة ونصيب ..

صح كلامك لكن هذا ما يمنع إن ندور على بنت الحلال اللي تكمل معاها مشوار حياتك:)


يامه حطيت عيني على كذا بنت .. بس كلهم يتزوجون أمام مرأى من عيني وانا ماقدر أسوي شي .. أدعولي ..

تم التحرير اسرار الليل



من بعد ماشفته من الدنيا أحس إنه قلبي مات .. وذوقي صار صعب وايد بالبنات .. ومو أي وحدة صارت تطق براسي وأبيها >> صار طرار ويتشرط بالمختصر المفيد ..

شدراني خخخخ لا لا تزعل بعد والله العظيم أتغشمر

لا الله يوفقك إنشالله وتتزوج بنت الحلال اللي تسعدك >>والله من كل قلبي

والله إني لما أصلي قمت أدعي وأقول يا رب متيم يصير تااااجر ويتزوج ببنت الحلال اللي تسعدة وتستاهله

أتمنى إنك منت شايل علي بقلبك والله ماكان قصدي إن أزعل أي شخص :)

[kuwaitiya]

تبون الصراحة آنا ما أشوف إن بهالشي أي تقليل من كرامه البنت للشخص اللي حبه قلبها


بالنسبه لي آنا صارحت شخص بمشاعري له مع إني ما كنت متأكده إن يحبني لكن كان عندي إحساس بإهتمامه لي


وبعد فترة لما صارحته إكتشفت إن هالشخص كان يحبني من قبل لا آنا أحبه


وإعترفت له لما صار الوقت المناسب طبعا


ولله الحمد إحن مع بعض سمن على عسل والله لا يغير عليها


وبالنسبه للسبب إن إهو ماصارحني لأن إهو شخص جداااا جدااا خجول خخخخخخ>>وهذا الشي عجبني فيه


متيم ب علي تدري إن مثل ما إنت تقول غصب تلقى بنت الحلال اللي مايهمها الفلوس حتى البنات صعب يتزوجون

تدري إن يولي ناس ووااايد آنا رفضت لأسباب خااااصة

أما بالنسبه حق اللي مايبوني تدري شنو سببهم التاااافه؟

واحد يبي جامعية وآنا شهادتي دبلوم >> طاح حظة خخخخ

مع العلم إن عرفوني أهله من وحدة بدوام أمي وماقالت لهم إسمي لكن لما دقت عرفوني وقالوا ماشالله على بنتج أدب وأخلاق وجمال وهو يتشيحط خخخخخ

والثاني عشان آنا من عايلة سنيه >>> الصراحة اللي بياخذني خل يبوس إيدة بطن وظهر

[متيم ب علي]

!!!!

تم التحرير : اسرار الليل

[kuwaitiya]

متيم علق عالموضوع مو على كلامي خخخخخخ

[حر-1]

!! سنة !!
لا أعتقد ذلك مع احترامي لكم .. لأن السنة هي ماوردت عن النبي صلى الله عليه وآله وسلم فقط

يأخي وهل السنة بما تعتقده أو لا تعتقده أنت؟؟؟؟

يجب أن تنفي المسئلة بالدليل لا بأعتقاد شخصي !!

شكرا لكم