الزواج المبكر

[kuwaitiya]

!!! الـــــــــــــــزواج المــــــــــــبكـــــــــــــر !!!


الزواج المبكر هو الوسيله الامثل للحفاظ على استقامه الشباب والفتيات من الفساد ، واشباع رغباتهم وميولهم الجنسيه ، ووقايتهم من الانزلاق في أوديه الانحراف ..
والزواج عموما يحقق الاستقرار النفسي والتوازن الداخلى والسعاده للانسان ، فهو حاجه انسانيه ملحه وسنه من سنن الله ومظهر من مظاهر الكون ..
فهو افضل وسيله للقضاء على الفساد ومحاربه الشيطان ووساوسه..

عن الامام علي عليه السلام (تزواجوا فإن رسول الله صلى الله عليه وسلم كثيرا ماكان يقول : من كان يحب أن يتبع سنتي فليتزوج )

وبالرغم من حث ديننا الحنيف على الزواج المبكر الا انه في عصرنا الحالي عزف الكثيرون من الشباب عن الزواج والسبب الاكبر ( التكاليف والمبالغات )فقد اصبح الزواج يتطلب ميزانيه تثقل كاهل ذوى الدخل المحدود ؟،وقد يضطر الشاب لتدين ممن حوله او من البنوك وهذا يتطلب عده سنوات لتسديده..

مارايك الان وبعد ماحصل من تغيير في عادات الزواج مرورا (بارتفاع المهور ، والشروط المتنوعه ، والولائم ، والاثاث الفخم ) ؟؟

**قبل ثلاثين سنه من الان كان الزواج المبكر هو السائد وكان الزواج متيسرا رغم الفقر والعوز كيف تغير كل هذا وماهي اسبابه ؟؟

** قد ينظر البعض او الاغلبيه الى التفاوت الطبقى بين العوائل فهذا من عائله غنيه وتلك من عائله فقيره وهذا بنظر اهلهم لايجوز ففلانه وفلان ليسوا من مستواهم المادى( وفي بعض الحالات تكون العلاقه قائمه بين الشاب والفتاه ويكون الرفض من قبل الاهل .. ويخطئ الشاب مع الفتاه ويضيع اغلى ماتملك ( الشرف ) فما تعليقك على هذه النقطه بالذات )؟؟

(ان يكونوا فقراء يغنهم الله من فضله)

**الافكار الخاطئه من قبل الاهل ( فهذا الابن ليس كفأ لتحمل المسؤليه ، ولم يصل لمرحله النضج العقلى المطلوب وووووو......الخ) فهل انت مع ام ضد هذه النقطه ؟؟

[متيم ب علي]

:(
عوّرتو قلبي بالموضوع الله ياخذ أبليسكم ... أييييه ... الله كريم

مشكلة هالزواج .. هالزمن صار محد يقدر يتزوج بسبب إنه لازم الشخص يملك مكان يسكن فيه زوجته .. وهالمكان غالباً مايكون ( أجار ) والأجارات غالية الحين .. لأنه كل واحد يبي يصير غني من على ظهور الناس ..

ماكو مراقبة من الدولة على التجار في أسعار المنتجات .. كل واحد يحط السعر اللي يبيه للأمور اللي نستهلكها مثل الأكل وما إلخ ...

والناس هالزمن مايزوجون بناتهم حق أي أحد .. يبون شخص عنده خير .. يقدر يعيّش بنتهم بأحسن مايكون .. وإحنه المساكين اللي ناكلها ..

الله كريم ..

نرجع لموضوعج أختي ..


** قد ينظر البعض او الاغلبيه الى التفاوت الطبقى بين العوائل فهذا من عائله غنيه وتلك من عائله فقيره وهذا بنظر اهلهم لايجوز ففلانه وفلان ليسوا من مستواهم المادى( وفي بعض الحالات تكون العلاقه قائمه بين الشاب والفتاه ويكون الرفض من قبل الاهل )

كلام جميل جداً .. صارت بشخص أعرفه .. بس البنت قالت لأهلها إنها مابتتزوج إلا هالشخص إلى أن أنخضع أهلها للأمر الواقع بعد جهد جهيد .. علماً بأن عمر البنت حينها كان 28 و أكثر .. يعني هالحركة مو حق اليهالو ..


( ويخطئ الشاب مع الفتاه ويضيع اغلى ماتملك ( الشرف ) فما تعليقك على هذه النقطه بالذات )

يعني هل هم قامو بفعل هذا الأمر ليضعو أهلهم بالأمر الواقع ؟ .. ليس لدي أي تعليق عليها .. مهما يكون غلط .. وما يسويها أحد إلا بنات الكواولة .. والصبيان اللي تربو تربية شارع .. مالت عليهم ...

[اسرار الليل]

الواحد يتزوج لمن يحس بـ النضج

فـ انا ما أيد الزواج المبكر

اول شي يكونون صغاار عـ الزوااج

وماراح يتأقلمووون بـ الحياه اليديده




مارايك الان وبعد ماحصل من تغيير في عادات الزواج مرورا (بارتفاع المهور ، والشروط المتنوعه ، والولائم ، والاثاث الفخم ) ؟؟

ما ارتفع المهر الا لمن ارتفعت الاسعار .. يعني البنت شـ تسوي ؟

اذا كل اللي حواليها غالي



**الافكار الخاطئه من قبل الاهل ( فهذا الابن ليس كفأ لتحمل المسؤليه ، ولم يصل لمرحله النضج العقلى المطلوب وووووو......الخ) فهل انت مع ام ضد هذه النقطه ؟؟

صح كلام الاهل

يعني اللحين تشوفين ياهل متزوج ويدرس بـ المدرسه بلى هذا من وين يصرف على الزوجه ؟






والناس هالزمن مايزوجون بناتهم حق أي أحد .. يبون شخص عنده خير .. يقدر يعيّش بنتهم بأحسن مايكون .. وإحنه المساكين اللي ناكلها ..




اشوف حق الفلبن والاجانب يقدر يعيش الزوجه لكن حق الكويتيه لأ مايقدر كل شي صار عنده غالي


/
/


:: كويتيه ::

مشكوره

[بو يعقوب]

اشوف حق الفلبن والاجانب يقدر يعيش الزوجه لكن حق الكويتيه لأ مايقدر كل شي صار عنده غالي

انتي تتكلمين عن الـ.....

مو عن الناس الطبيعيين



بس انا اللي اعترض عليه

صالات الاعراس

في هذه صدق ينكسر الظهر

ماعلي يابت الحلال اخذي المهر اللي تبينه(اقل من الفين) لكن مو تخلون المسكين يصرف له الف واكثر على ليلة وحدة علشان تتباهين على الناس

[متيم ب علي]

اشوف حق الفلبن والاجانب يقدر يعيش الزوجه لكن حق الكويتيه لأ مايقدر كل شي صار عنده غالي
/


والله لو ترضين على نفسج تعيشين حالج مثل حال الفلبن و الأندونيسيات فقولي لنا .. عشان ندعي الله يكثر من أمثالج .. والشباب كلهم يتزوجون ..

أخليج تعيشيين بشقة داخل شرق يمكن .. مكونة من غرفة وحدة وصالة صغيرة وحمام ( وانتو بكرامة ) .. و لما تقولين بشتري ملابس أوديج سوق بـو كل قطعة بـ نص دينار ..

وأخليج تعيشين مثلهم .. ترضيين بهالشي ؟؟ .. أي والله ..[/COLOR]

[اسرار الليل]

انتي تتكلمين عن الـ.....

مو عن الناس الطبيعيين



بس انا اللي اعترض عليه

صالات الاعراس

في هذه صدق ينكسر الظهر

ماعلي يابت الحلال اخذي المهر اللي تبينه(اقل من الفين) لكن مو تخلون المسكين يصرف له الف واكثر على ليلة وحدة علشان تتباهين على الناس

لا حتى الطبيعييين جذي

يعني محامي متزوج فلبينيه شنو ودك تسوي فيه ؟

واخر شي ذبحته

بعرف بلى انا شنو استفاد من هـ الفلبينيه ؟؟ ماندري

وصاله الاعراس كلها 500 ديناار

سويت كل شي فرقت على الصاله ؟

وبعدين من حقها البنت تبي تستاانس هو كله يوم واحد في العمر

ليش ما تتباهى جدام الناس ؟

واللي ماعنده فلوس خل يتزوج وحده فقيره :p

[اسرار الليل]

والله لو ترضين على نفسج تعيشين حالج مثل حال الفلبن و الأندونيسيات فقولي لنا .. عشان ندعي الله يكثر من أمثالج .. والشباب كلهم يتزوجون ..

أخليج تعيشيين بشقة داخل شرق يمكن .. مكونة من غرفة وحدة وصالة صغيرة وحمام ( وانتو بكرامة ) .. و لما تقولين بشتري ملابس أوديج سوق بـو كل قطعة بـ نص دينار ..

وأخليج تعيشين مثلهم .. ترضيين بهالشي ؟؟ .. أي والله ..


تقص على روحك والا علي ؟

اصلا انت ماراح ترضاها حق نفسك انك تعيش بهـ المكاان

والفلبن وغير الفلبن اول شي يسوون روحهم فقاره بس بعدين شووفهم شـ سوون

انا لو بتكلم والله يمكن اجرح ناس وايد بـ المنتدى

فـ بسكت احسن :d

يعني مصريه متزوجه دكتور كوييتي وبيت اشكبره بـ مبارك كبير

وسياره اخر موديل

وهدوم كل بدله اكشخ من الثانيه

ووووو اشياء وايد

هـ الدكتور المفهي مايعرف يتزوج كويتيه ؟

ودامه دكتور يعني عنده كود فلوس يعني حتى لو بنت ديرته طلبت منه اشياء يقدر يسويها

بس لأ بنت ديرته حرام عليها تطلب

لكن الغريبه اي طلبي على كيف كيفج

[بو يعقوب]

لا حتى الطبيعييين جذي

يعني محامي متزوج فلبينيه شنو ودك تسوي فيه ؟

واخر شي ذبحته

بعرف بلى انا شنو استفاد من هـ الفلبينيه ؟؟ ماندري

وصاله الاعراس كلها 500 ديناار

سويت كل شي فرقت على الصاله ؟

وبعدين من حقها البنت تبي تستاانس هو كله يوم واحد في العمر

ليش ما تتباهى جدام الناس ؟

واللي ماعنده فلوس خل يتزوج وحده فقيره :p

لا اسمحي لي

اللي يتزوج الشرق اسويات مو طبيعي


والشرق اسويات مشهورين في فنادقنا:z060:

[متيم ب علي]

أختي أنتي شايفتنه دكاتره ؟ .. ولا شايفتني طيار عشان تقولين لنا هالكلام كله ؟

بالله من وين لي فلوس عشان أتزوج فيهم ؟ .. من وين لي فلوس عشان أشتري بيت ؟ .. الصراحة أنا واحد دم ضروسي الأجار ما أحبه كلش ..

والمرة بالأسبوع مرتين تبي تروح مطعم .. وكل أسبوعين تبي تروح عرس مادري منو .. تعال لازم تروح توديها تشتري لها ملابس من مانغو ولا من مادري وين .. وكل بدلة و لا تنورة سعرها 60 - 130 دينار و أكثر بعد ..

خو من وين لي فلوس أنا ؟ .. ألحق على مصاريف البيت ؟ .. ولا على أقساط السيارة اللي تبيها هالحرمة ؟ .. ولا على أقساط سيارتي أنا المسكين اللي من دهر للحين ما خلصت منها ؟
ولا ألحق على بنزين هالسيارة و أدفع فواتير هالمكالمات اللي عليّ ؟

أنا واحد صارلي 4 سنوات و ودي أتزوج .. بس وين للحين .. كل يوم عن يوم كل شي يصير غالي .. بالله شسوي ؟ .. غير مو لازم عليّ أدوّر وحدة عندها فلوس وايد أتزوجها !.! ..خخخ

والله حالة ... قولي لي أختي شلون تبيني أتزوج .. وأنتي شلون تبين تتزوجين تحت ضوء هذه الأوضاع الحالية ؟

[اسرار الليل]

لا اسمحي لي

اللي يتزوج الشرق اسويات مو طبيعي


والشرق اسويات مشهورين في فنادقنا:z060:


اي احنا شبابنا الكويت ماشالله عليهم مشهورين بهـ الزواج

وانا موقصدي عن الفلبن بس وايد جنسيااات ايرانيه لبنانيه مصريه ووووالخ

بس ما اقدر اقول الا الفلبن لان ماكو فلبيني بـ المنتدى فـ اخذ راحتي بـ الكلام :p

شوفوا عمان اشحلاتها

عماني اذا تزوج غير عمانيه لازم يدفع حق الحكومه فلووس

فـ من جذي تشوف ماكو عنووسه

[اسرار الليل]

أختي أنتي شايفتنه دكاتره ؟ .. ولا شايفتني طيار عشان تقولين لنا هالكلام كله ؟

بالله من وين لي فلوس عشان أتزوج فيهم ؟ .. من وين لي فلوس عشان أشتري بيت ؟ .. الصراحة أنا واحد دم ضروسي الأجار ما أحبه كلش ..

والمرة بالأسبوع مرتين تبي تروح مطعم .. وكل أسبوعين تبي تروح عرس مادري منو .. تعال لازم تروح توديها تشتري لها ملابس من مانغو ولا من مادري وين .. وكل بدلة و لا تنورة سعرها 60 - 130 دينار و أكثر بعد ..

خو من وين لي فلوس أنا ؟ .. ألحق على مصاريف البيت ؟ .. ولا على أقساط السيارة اللي تبيها هالحرمة ؟ .. ولا على أقساط سيارتي أنا المسكين اللي من دهر للحين ما خلصت منها ؟
ولا ألحق على بنزين هالسيارة و أدفع فواتير هالمكالمات اللي عليّ ؟

أنا واحد صارلي 4 سنوات و ودي أتزوج .. بس وين للحين .. كل يوم عن يوم كل شي يصير غالي .. بالله شسوي ؟ .. غير مو لازم عليّ أدوّر وحدة عندها فلوس وايد أتزوجها !.! ..خخخ

والله حالة ... قولي لي أختي شلون تبيني أتزوج .. وأنتي شلون تبين تتزوجين تحت ضوء هذه الأوضاع الحالية ؟


اول شي الكويت معاشاتها مو اشويه عشان تقول ماعندي والحق والا ما الحق

وثاني شي وااايد بنات يدورون بس الستر مو لازم تتزوج وحده تتشرط والله ان وايد بنات عادي عندهم بس شكلك انت اللي تتشرط :p

والا اوووله اشدعوه 4 سنين مو محصلك بنت

وانت تبي ترتبط بـ بنت وحضرتك ماتبي تدفع ولا شي لها ؟

واتبيها هي تصرف علييك

والا اشرايك بعد هي توديك واتيييبك ؟



واذا انت ماعندك فلوس تزوج وحده على قد حالك

وايد عوايل جذي




والله حالة ... قولي لي أختي شلون تبيني أتزوج .. وأنتي شلون تبين تتزوجين تحت ضوء هذه الأوضاع الحالية ؟

ماعندك بنات عم والا خال يقدرون ظروفك ؟

وتبي تتزوج ؟ اتزوج وحده نفس مستواك عشان ما تتشرط

وانا اذا اتزوج عندي عاادي لا بتشرط ولا شي

[متيم ب علي]

اول شي الكويت معاشاتها مو اشويه عشان تقول ماعندي والحق والا ما الحق

المعاش جم بيكون ؟ .. 500 دينار لو كنت عزوبي .. الحمدلله .. ولو بتزوج يصير قولي 700 دينار .. هم ما ألحق .. الأجار بروحه أقل شي قولي 300 دينار .. وأقساط السيارة 100 دينار .. هذا لو عندي سيارة وحدة بس ..

الحين باقيلي 300 دينار .. أصرف عالبيت .. شنو ألحق فيهم ؟ .. ألحق على إحتياجات البيت ولا على إحتياجات هالمرة اللي كله تبي تاكل و تصرف فلوس وبس ؟

المشكلة يستانسون هالحريم لما يشوفون الريال ماعنده فلوس .. عشان لايفكر يتزوج وحدة ثانية عليهم .. !!


وثاني شي وااايد بنات يدورون بس الستر مو لازم تتزوج وحده تتشرط والله ان وايد بنات عادي عندهم بس شكلك انت اللي تتشرط :p

هذيلي مو كويتيات .. اللي نعرفهم .. يمكن يطلعون فلبن ولا أندونيسيات ..


والا اوووله اشدعوه 4 سنين مو محصلك بنت

لقينا .. بس ماصار نصيب للحين .. الله كريم .. .. وحالياً لاعت جبدي من الزواج .. مايصير وصعب ..


وانت تبي ترتبط بـ بنت وحضرتك ماتبي تدفع ولا شي لها ؟

ندفع المهر أوكي آمنا بالله .. بس لايكوون واييـد .. 2500 - 3000 دينار حلو .. ( طبعاً مع المؤخر )


واتبيها هي تصرف علييك ؟

ودي بس الهوى ضدي :) .. مو حاصلي ..


والا اشرايك بعد هي توديك واتيييبك ؟

:)


واذا انت ماعندك فلوس تزوج وحده على قد حالك
وايد عوايل جذي

إن شاء الله عمتي .. مايصير خاطرج إلا طيّب ..


ماعندك بنات عم والا خال يقدرون ظروفك ؟

بلى كان أكو .. وحطيت عيني عليها .. بس ولد خالي تزوجها .. شسوي ؟ .. خلصو بنات أهلنا بعد .. شسوي ..


وتبي تتزوج ؟ اتزوج وحده نفس مستواك عشان ما تتشرط
وانا اذا اتزوج اعندي عاادي لا بتشرط ولا شي

كلام حريم مثل مايقولون .. باجر لي تزوجت وحدة بتلوّع جبدي .. كله بتقولي .. أنت ماتحبني .. ماتطلعني .. ( طبعاً كل يوم مطلعها ) بس ما أيي شي بعينها .. ماتعرف تقعد بالبيت كله مع ربعك طالع .. طلعني شوي .. بروح أتنفس هوى وبغيّر جو ( وطبعاً هالشي مايصير إلا لو راحت تقعد بفندق أو أحجز لها شاليه )

خو أنا عايش و شايف .. ربعي المتزوجين كلهم .. يقولون لي .. خلك عزوبي والله يا فلان أحسن لك وايد .. يا حظك ..

ورفيجي قبل لايتزوج كان متقدم حق وحدة .. شوفي هذي شنو كانت تقوله .. شوفي أسألتها وشروطها ...

أول ما قعد رفيجي بيت الناس .. البنية سألته ..
البنت : أنته شنو سيارتك ؟
رفيجي : تويوتا كامري .
البنت : أي موديل ؟
رفيجي : 2005 .
البنت : أها ..
رفيجي : أيهي ..

البنت : شوف .. أنا الصراحة ما أعرف أدش المطبخ .. أصلاً تلوع جبدي لما أدش المطبخ ..
رفيجي : أي مو مشكلة .. خير إن شاء الله ..
البنت : وأنا كل سنة بالصيف ما أقدر أقعد بالكويت .. لازم أسافر دولة أوربية .. لندن .. ولا .. فرنسا .. ألخ ..
رفيجي : أي أوكي .. وايد زين ..

وجان زين البنت حلوة كانت عشان تتشرط بكل هالشروط !! .. خو أنتي الحين قولي يابنية .. تبين ريال تتوزجينه ولا تبين تتزوجين سيارة ؟
تبين تتزوجين ريال ولا تبين تتزوجين لندن وفرنسا و مادري وين ؟.!

بعدين رفيجي قالهم أنا ما أبي بنتكم .. فأبو البنت قالهم .. ليش ؟ .. أنا شفيها بنتي ؟ .. بنتي أنا مدلعها .. ومعيشها من أحسن مايكون ..

خو أنته خربت بنتك بهالتربية .. بنات الكويت غييير .. مو نفس قبل ..

أنا خلاص .. بتزوج بالجنة إن شاء الله .. آخذلي حور العين أحسن لي .. مليت بعد ..

[اسرار الليل]

المعاش جم بيكون ؟ .. 500 دينار لو كنت عزوبي .. الحمدلله .. ولو بتزوج يصير قولي 700 دينار .. هم ما ألحق .. الأجار بروحه أقل شي قولي 300 دينار .. وأقساط السيارة 100 دينار .. هذا لو عندي سيارة وحدة بس ..

الحين باقيلي 300 دينار .. أصرف عالبيت .. شنو ألحق فيهم ؟ .. ألحق على إحتياجات البيت ولا على إحتياجات هالمرة اللي كله تبي تاكل و تصرف فلوس وبس ؟



لحظه لحظه دام انت ماعندك فلوس شكو حاطلك مكالمات و100 سياره ووووو ؟

وموشرط تقعد بـ اجاار اقعد بيت اهلك

اوكي بتقول مافي مكان موشرط تحط اجار على نفسك فوق 300

في اجارات بـ 200 بـ بنيد القار واذا تبي العنوان بعد اعطيك




المشكلة يستانسون هالحريم لما يشوفون الريال ماعنده فلوس .. عشان لايفكر يتزوج وحدة ثانية عليهم .. !!

خخخخخخخ والله انك عارف الحريم

اي اوووك اكيد كل مره ماتبي ريلها يتزوج

حتى انا اذا بتزوج بتزوج واحد فقير عشان صج مايصير عنده فلوس ويتزوج



هذيلي مو كويتيات .. اللي نعرفهم .. يمكن يطلعون فلبن ولا أندونيسيات ..

شكو شكو شكو ترى انت طيحت حظ ام الكويتيه

والله في كويتيات زينييين

يعني لحظه وحده جامعيه معاشها قوي وعايله كشخه تبيها تتزوج واحد حافي ومنتف؟

اكيد ماراح ترضى



ندفع المهر أوكي آمنا بالله .. بس لايكوون واييـد .. 2500 - 3000 دينار حلو .. ( طبعاً مع المؤخر )

الحكومه تعطيك 4000 حق المهر انت شكو ماخذ 1000 ومعطيها 3000

وفوق هذا كل شي غالي الشبكه تلقاها 1000 ووو غير الملابس وغير وغير وغير يعني حتى 4000 ماتكفيها وانت بتاخذ منها 1000

شـ تسوي البنت ؟ والله ان في بنات اهلها مايعطونها ولا فلس يساعدونها

وخصوصا الابو يقولها عندج المهر روحي اشتري فيه

شـ تسوي البنت ؟



ودي بس الهوى ضدي :) .. مو حاصلي ..

غلطااان اخوي بعد خل تدفع بدالك المهر والا تروح تخطبك هي



كلام حريم مثل مايقولون .. باجر لي تزوجت وحدة بتلوّع جبدي .. كله بتقولي .. أنت ماتحبني .. ماتطلعني .. ( طبعاً كل يوم مطلعها ) بس ما أيي شي بعينها .. ماتعرف تقعد بالبيت كله مع ربعك طالع .. طلعني شوي .. بروح أتنفس هوى وبغيّر جو ( وطبعاً هالشي مايصير إلا لو راحت تقعد بفندق أو أحجز لها شاليه )

اي من حقهاا البنت

تبي تستانس اشوف لمن اطلع الفلبينيه عادي عندك

والشباب كله جذي بس اول الزواج يشدون حيلهم وبعدين يعطون حق مرتهم اكبر سكب وبطقاق اللي يطقها



خو أنا عايش و شايف .. ربعي المتزوجين كلهم .. يقولون لي .. خلك عزوبي والله يا فلان أحسن لك وايد .. يا حظك ..

اي هما تزوجوا ويقولولك انت لاتتزوج

يالله اذا هما مو مرتاحين بـ الزواح خل يطلقونهم ويقعدون عزوبيه



ورفيجي قبل لايتزوج كان متقدم حق وحدة .. شوفي هذي شنو كانت تقوله .. شوفي أسألتها وشروطها ...

أول ما قعد رفيجي بيت الناس .. البنية سألته ..
البنت : أنته شنو سيارتك ؟
رفيجي : تويوتا كامري .
البنت : أي موديل ؟
رفيجي : 2005 .
البنت : أها ..
رفيجي : أيهي ..

البنت : شوف .. أنا الصراحة ما أعرف أدش المطبخ .. أصلاً تلوع جبدي لما أدش المطبخ ..
رفيجي : أي مو مشكلة .. خير إن شاء الله ..
البنت : وأنا كل سنة بالصيف ما أقدر أقعد بالكويت .. لازم أسافر دولة أوربية .. لندن .. ولا .. فرنسا .. ألخ ..
رفيجي : أي أوكي .. وايد زين ..

وجان زين البنت حلوة كانت عشان تتشرط بكل هالشروط !! .. خو أنتي الحين قولي يابنية .. تبين ريال تتوزجينه ولا تبين تتزوجين سيارة ؟
تبين تتزوجين ريال ولا تبين تتزوجين لندن وفرنسا و مادري وين ؟.!

بعدين رفيجي قالهم أنا ما أبي بنتكم .. فأبو البنت قالهم .. ليش ؟ .. أنا شفيها بنتي ؟ .. بنتي أنا مدلعها .. ومعيشها من أحسن مايكون ..

خو أنته خربت بنتك بهالتربية .. بنات الكويت غييير .. مو نفس قبل ..

في 2345678 الف بنت غيرها

اذا ماعجبته خلاص في بنيه غيرها مولازم يروووح عند العوايل الكبااريه



أنا خلاص .. بتزوج بالجنة إن شاء الله .. آخذلي حور العين أحسن لي .. مليت بعد ..

ان شالله خلاص خلك عزوبي احسن :p

[متيم ب علي]

بسم الله الرحمن الرحيم
اللهم صلي على محمد وعلىآله الطيبين الطاهرين وعجل فرجهم ياكريم
السلام عليكم ورحمة الله وبركاته

بشكل عام .. الزواج صعب جداً .. جداً .. جداً .. أنا مع الزواج المبكر .. ولكن نظراً للجيل الحالي الذي نراه وخصوصاً من فئة الشباب .. فلا أحبذ الزواج المبكر .. لهذه الفئة أبداً ..

لأنهم ليسو أهلاً للزواج أصلاً .. وما نراه في مجتمعنا الحالي .. اللي مايستاهلون زواج يتزوجون ويطلقون بعد أسبوعين مثل هذه الفئة التي ذكرناها من الجيل الحالي ..
واللي يستاهلون يتزوجون مثلي أنا ( أعوذ بالله من كلمة أنا ) مو لاقيله مسكن أو شوية بيزات يضبط فيها أموره .. لأنه المهر يكسر الظهر .. والشبكة بعد .. ولأنه الواحد يصرف دم عمره عشان يتزوج .. ويضبط المكان ويشتري أثاث ومادري شنو .. وآخر شي يقولون نبي عرس :(

خو أروح شسوي ؟ .. أبوق يعني ؟ .. ولا أروح أبيع نفسي بالسوق عشان أتزوج :( .. ليش هذا كله قاعد يصير ؟

والله محد ياكلها غير الحريم .. بيعنسون لين محد يتزوجهم .. وبعدين بيطيحون بجبد أهلهم .. وييع ..

بس إحنه :) .. صلاحيتنا مدى الحياة :) .. نقدر نتزوج أربعة .. ولو كنت بعمر الخمسين سنة :) .. شنو الحل ؟

[أريج الورد]

اخوي متيم بعلي ماشالله عليك وايد تشوف الدنيا بنظرة سلبية
ترة مو كل البنات جذي
انا معاك مع ان اغلب البنات و خصوصا بناتنا يتشرطون و ماكو شي يترس عينهم لكن والله والله انا اعرف بنات اكثر من قنوعات و كويتيات و الحمدلله اشوفهم حواليني وايد
و مثال بنت عمي و ابوها مو واحد هين و ماشالله عاشت طول عمرها بخيييير و تزوجت ايراني على قد حاله لكنه معروووووف بالاخلاق و الالتزام و ماشالله عليه ماكو مثله
اهي رضت تعيش وعاه حياة بسييييطة جددددا عقب ما كانت بعزززز لكن بالمقابل حصلت على السعادة مع هالريال
و على فكرة ريلها مع ان معاشه على قد حاله لكنه ما يرضى البنت تشتغل و يقولها انتي لا تعبين روحج مع ان عندها بكالريوس و كانت من الاوااائل في الكلية
اش رايك؟؟
دور عدل و بتشوف بنات من هالنوع وايد
والله يرزقك ببنت الحلال الي ما تتشرط عليك وايد

[متيم ب علي]

و على فكرة ريلها مع ان معاشه على قد حاله لكنه ما يرضى البنت تشتغل و يقولها انتي لا تعبين روحج مع ان عندها بكالريوس و كانت من الاوااائل في الكلية
اش رايك؟؟

أي عرفتهم .. بنات السادة غير أختي .. أنا أتكلم عن العاديين .. فيه .. بس شوية مو وايد .. الله كريم .. أدعولي ..

[أريج الورد]

أي عرفتهم .. بنات السادة غير أختي .. أنا أتكلم عن العاديين .. فيه .. بس شوية مو وايد .. الله كريم .. أدعولي ..

انفضحنا هههههههه
مو شرط يكونون سادة
حتى بنات عاديات والله في اش زينهم
طالع الدنيا بنظرة ايجابية
اضحك للدنيا تضحك لك مادري شنو هههههه

[متيم ب علي]

انفضحنا هههههههه
مو شرط يكونون سادة

طلع صج ؟
أنا شيّرت وقلت بس جذي .. مادري .. طلعت أعرف أشيّر عدل :)


حتى بنات عاديات والله في اش زينهم
طالع الدنيا بنظرة ايجابية
اضحك للدنيا تضحك لك مادري شنو هههههه
الله كريم .. لا تنسونا من دعواتكم ..

[kuwaitiya]

مشكورين وااايد على تعليقكم عالموضوع


وماشالله عالكويتيين بكل منتدى ناقله هالموضوع ألقى تفاعل كبييير منهم لاإله إلا الله خخخخخخخخخ


يلا إنشالله الكل يتزوج والفال لي أولكم خخخخ


بالنسبه لي آنا أأيد الزواج المبكر ياخي أحسن شي الزواج المبكر يبعد الشخص عن الرذيله وعشان مايفكر بالمحرمات لا سمح الله نهائيا

وتسلمون حبايبي

[متيم ب علي]

بس يعني خلاص خلص الموضوع ؟

أنا للحين ماطلعت كل اللي بقلبي أكو بعد واييد ..

[kuwaitiya]

طلع وفضفض وماللي قال إن الموضوع خل


قووول بعد شعندك كلي آذان صاغيه خخخخخخخخخخخخخخخخخ

والله يعين :)

[بو يعقوب]

بالنسبه لي آنا أأيد الزواج المبكر ياخي أحسن شي الزواج المبكر يبعد الشخص عن الرذيله وعشان مايفكر بالمحرمات لا سمح الله نهائيا

لالالالالالا

العرف بعد يتحكم

في هالزمن لا يمكن احد يتزوج زواج مبكر

الاول ممكن بس الحين لا

لكن

نستعين بالصلاة

((ان الصلاة تنهى عن الفحشاء والمنكر))

[kuwaitiya]

صح بس هذا مايمنع إن الزواج المبكر أحسن للطرفين سواء البنت أو الولد

وآنا مصره علة إن الزواج المبكر هو أحسن حل

[متيم ب علي]

... السلام عليكم ...

الحين يا أخوانه و أخواتنه إحنه بالمجتمع الكويتي وبكل مجتمع .. خل نفرض أنّ الواحد وده يتزوج بسرعة .. بس محد قام يعطيه .. ليش يعني ؟

كل واحد مايعطي بنته حق أي أحد .. يقول أنت شنو تشتغل ؟ .. وين بتسكن بنتي ؟ .. و جم معاشك ؟ ..

إنزين .. الحين صج .. أنا كشخص بتزوج مالقيت مسكن أفكر إني أسكن فيه .. غير منطقة الفنطاس ولا المهبولة .. ماكو مكان كلش .. وإذا بقرب صوب الديرة فيكون كله أجار .. والأجار غالي ..

واللي بأخر الدنيا بمنطقة الفنطاس و المهبولة كله شقق تمليك .. وهم غالي .. كل سنة عن سنة يصير أغلى و أغلى .. وجان زين شقة كبيرة تشيل واحد و زوجته ..

الناس الحين مو لاقين مكان يسكنون فيه كلش .. عيالي بعدين وين بقعدهم ؟ .. وين بسكنهم ؟ .. :( .. عيالي والله مساكين .. بعدين يقولون لي يبا بتزوج ..

خو شقولهم بعدين ؟ .. بقولهم أنا بالغصب تزوجت ؟ .. شنو اسوي ؟ .. الواحد صار يخاف يتزوج والسبب هالعيال المساكين .. بروحه مكاني اللي بسكن فيه صغير .. باجر شلون أزوج عيالي و وين بقعدهم ؟

[kuwaitiya]

والله الله يعينك كل هذا شايله بقلبك

بس آنا معاك كلامك صح بس مابي أدش بالتفاصيل لأني أبي الجنسية خخخخخخخخخخخخخخخخخخ


ومو كل العوايل يسئلون هالأسئله صدقني والله

ترى في ناس تبي الستر حق بناتها

آنا أقولك عن نفسي وعن بنات بيت يدي الي قعد أشوفه ما نقول حق الريال جم معاشك ولا وين بتسكن بنتنا هذا السئال نادرا ما ينسئل

ولما تتزوج إسكن بالأندلس خخخخ شقق كبيرة والأجار 300 دينار

وبعدين لما تتزوج والله يرزقك إنشالله بالذرية الصالحة >>عاد وناسة صح ههههههههه

ولما تشيب بعد 15 سنه راح يعطونك بيت حكووومه ما شالله وااايد عووووووود >>> أتغشمر طبعا


والله يسهل عليك وإنشالله تعزمنا على عرسك ياااااارب

[اسرار الليل]

والله الله يعينك كل هذا شايله بقلبك

بس آنا معاك كلامك صح بس مابي أدش بالتفاصيل لأني أبي الجنسية خخخخخخخخخخخخخخخخخخ

لأ اصلا كلامه مو صح

هو اصلا شكله بروحه يتشرط قبل المره :P

ولايقص عليك يقولج شقق ماشقق

اعتقد الحكومه تعطي بدل اجااار

وغير كل ماا اييب ياهل يعطونااا 50

هو قاااعد بزمن غالي ويبي وحده ماتطلب شي :/

[kuwaitiya]

أو يمكن يروح حق ناس واايد يتشيحطون على خالي بلاش ويبون الفخفخة


بس هم حرام والله في ناس جذي

[kuwaitiya]

يلا حبايبي آنا مضطرة أطلع بس الله يفرجها وإنشالله الكل يتزوج >>طبعا لازم تعزموني عالعرس


ويااااارب متيم ب علي يتزوج بسرعة ويفكنا خخخخخخخخخخخ


أكمل باجر و الله يحفظكم

[اسرار الليل]

أو يمكن يروح حق ناس واايد يتشيحطون على خالي بلاش ويبون الفخفخة


بس هم حرام والله في ناس جذي

اي مولازم يروح عند الفخفخه على قولتج

في وايد عوايل على قد حالهم ويبون بس الستر

من هـ العوايل خل يرووح يخطب

[متيم ب علي]

اييييييييه

جان زين كنت عايش بزمان أول .. أسوي بيت طين بأي مكان و أسكن فيه على كيفي .. مو الحين ..

يعني حتى أختي لو الناس زينين ومايسئلون الريال وين بتسكن بنتنا و جم معاشك أو وين بتشتغل .. خو أنا ما أرضاها على نفسي .. البنت عايشة بعز في بيت اهلها وبعدين أنا أيي لما أتزوجها أعيشها في مادون المستوى اللي كانت عايشة فيه ..

أكيد بتتضايق البنت ... الله كريم .. خو أنا مثل ما قلت قبل .. نتزوج بالجنة إن شاء الله وايد أهوّن حقي ..

الزواج مسؤولية و هموم الدنيا فيه .. مشكلة .. يله انا بطلع راسي وقلبي قام يعوّرني من كثر ما أفكر .. مع السلامة .. وأدعولي ..

للعلم : لو تزوجت مابسوي عرس فلا تتوقعون عزيمة :)

[اسرار الليل]

خلاص روح تزوج فلبينيه

وخل الكويتيه تولي

<<< نبطت جبدهااا

و بدال الطين اللحين في جبراات سولك عـ البحر واقعد معاهااا



الزواج مسؤولية و هموم الدنيا فيه ..

اذا هذا تفكيرك مارح تتزوج طوول عمرك


يله انا بطلع راسي وقلبي قام يعوّرني من كثر ما أفكر .. مع السلامة .. وأدعولي

ماتشوف شر


للعلم : لو تزوجت مابسوي عرس فلا تتوقعون عزيمة

لاتعزم احد بس انت وياها احسن

[متيم ب علي]

بسم الله الرحمن الرحيم
اللهم صلي على محمد وآل محمد

أختي اسرار الليل .. ممكن أسأل سؤال ؟ .. أو أفرض فرضية .. جاوبيني .. حطي روحج مكاني وأنا مكانج ..

أنتي الحين ريال .. تبين تتزوجين .. أنا كبنت أبي أعيش في مكان مستقل .. أبي أعيش حياة لا باس فيها .. ممكن أتنازل عن أمور كانت بيدي لما كنت عزوبية في بيت أهلي .. بس الحين بتزوج .. فأظطر إني أتخلى عنها لأسباب مادية يمكن ..

أنته الحين شلون بتعيش مع زوجتك ؟ .. وشلون تبي تصرف عليها وتدبر أمور الحياة الزوجية ؟ وهذا كله في ظل الأجواء الحالية ..
ممكن تجاوب ؟

[اسرار الليل]

اذا انا فقير راح اتزوج وحده نفس مستوااي

شكو شكو شكو اروح عند نااس تجااار وعندهم فلوس مدلعين بنتهم

وصدقني البنت الـ ميسوره حالها بتوافق على طوووول

والمكان اعيشها بـ شقه ولاتقول غالي

في شقق رخاص على 200

نفس الشي انت سواء تزوجت فلبينيه والا تزوجت كويتيه بتقعد نفس الشقه

الشي الثاني المهر

في بنات يقدرون حاله الصبي

انا بتكلم عن نفسي

من عايلتنا اكثر وحده مهرها كان 6000 دينار وهذا ريلها يشتغل بـ النفط وعنده فلوس

يعني والله في بنات عادي ما يتشرطووون

وانت احمد ربك ان البنت قاعده تتشرط عليييك بـ المهر والفلوس

والله في بنات قاعدين يتشربطون بـ العبايه والمطبخ وغييير

وووالبنت دام انت معاها زين ماتبي لافلوس ولا طلعات ولا شي

اما اذا انت طول الوقت حاقرها وماتدري عنها

اكيد بتقول طلعني ووو ماطلعني وتبي هـ الشي وغير الشي




أنته الحين شلون بتعيش مع زوجتك ؟ .. وشلون تبي تصرف عليها وتدبر أمور الحياة الزوجية ؟
ممكن تجاوب ؟

عاادي استلم المعاش واعيشها :d <<< اشرايك بـ الاجابه

شوووف

لحظه اشوي جنك صرت مثل الوهابيه

شوووف

نرد ونعيد ونزيد

اول شي الحكووومه معاشتها قويه

اللحين تشوف واحد شهادته دبلوم معاشه اول مايشتغل 450 وغير الامتيازات ولعلاوات وووو وبعد فـ راح تكفيه وزياااده

وغير بدل الاجااار

واذا انت ماتقدر خل زوجتك تشتغل واثنينكم صرفوا عـ البيت

تصدق

ما ادري ليش احس على كلامك

عندك كووووووووود فلووووووس :D

[متيم ب علي]

:(

أنا عندي كوود فلووس .. أنا لوعندي فلوس جان تشوفوني شابك وأقعد بالبيت 24 ساعة ؟

ويني و وين الفلوس .. ايييه .. الله كريم .. أنا شخص معاشي على قدي و مشكلتي عيمي أيدي مفتوحة ما أقدر أمسكها وأصرف فلوسي عالهبل .. ما أعرف أخش ..

أختي .. أنا شخص ما أحب أحط على ظهري قروض .. أو أجارات .. أو أقساط .. زوجتي اللي باخذها إن شاء الله يمكن ماتشتغل لأنها أكيد بتكون أصغر مني بوايد إن شاء الله ..

المشكلة هم أنا بتزوج بسرعة .. وهم بكوّن نفسي عشان لما أتزوج أكون مستقر وما أخاف على مستقبلي .. ولو لاحظتو علي فأنا الصراحة شخص أفكر حق 10 سنين جدام و أكثر ..

وللحين ماحطيتي موقفج بموقفي ..

[اسرار الليل]

شنو يعني اللي يكون شابك 24 ساعه يكون ماعنده فلوووس :/ ؟؟

خلااص انا عندي لك حل

يمع يمع يمع يمع فلووووس وافتحلك محل تجاري وتصير تااجر :D



أختي .. أنا شخص ما أحب أحط على ظهري قروض .. أو أجارات .. أو أقساط .. زوجتي اللي باخذها إن شاء الله يمكن ماتشتغل لأنها أكيد بتكون أصغر مني بوايد إن شاء الله ..

خلاااص اقعد بـ بيتكم ولا تتزوج صج اشلك بـ الزواج وعوار الراس

خلك عزوبي احسن



المشكلة هم أنا بتزوج بسرعة

توووك بـ تزوج بـ الجنه مداك خنت زوجتك اللي بـ الجنه



وللحين ماحطيتي موقفج بموقفي

وانا صارلي من العام اقرق حق ليش؟

قتلك اذا انا فقير اتزوج وحده نفسي عشان تتحملني


اقولك شي

انا راسي قام يفتر منك :p

[متيم ب علي]

توووك بـ تزوج بـ الجنه مداك خنت زوجتك اللي بـ الجنه

خخخخخخخ .. بعد رياييل مالهم أمان ..


وانا صارلي من العام اقرق حق ليش؟

حق ليش ؟


قتلك اذا انا فقير اتزوج وحده نفسي عشان تتحملني

غلط .. لازم أروح الهند أتزوج وايييد أحسنلي من الفلبن و الأندونيسيات ..

هناك المرة تعطيني مهر .. وبيت يمكن بعد .. خو أنتو ليش إحنه عطيناكم حقوقكم السياسية وذابحينا وتقولون نبي المساواة و المساواة ..

مو عشان تاخذون مكانه ؟ .. يله سوو شي .. أي والله ..

[اسرار الليل]

خخخخخخخ .. بعد رياييل مالهم أمان ..

قلت شي يديد ؟


حق ليش ؟

ما ادري


غلط .. لازم أروح الهند أتزوج وايييد أحسنلي من الفلبن و الأندونيسيات ..

هناك المرة تعطيني مهر .. وبيت يمكن بعد .. خو أنتو ليش إحنه عطيناكم حقوقكم السياسية وذابحينا وتقولون نبي المساواة و المساواة ..

مو عشان تاخذون مكانه ؟ .. يله سوو شي .. أي والله ..

اي خلك تسويلك سحر ومن سحر لي سحر

وفوق هذا تخسر الـ 4000 دينار عشانها

ويمكن تخسر اهلك بعد

وووو اشياء ثاانيه

واقص ايدي اذا ماخذيت هنديه والا فلبينيه وقعدتها بـ احسن بيت واحسن سياره واحسن لبس


بس اذا هذا تفكيرك !!! اقولك ماعندك سالفه

خلاص انا بدورلك خطااابه وادبسك فيهاا

[متيم ب علي]

خو اشكره قام اتطنز .. بس شكلج اعصابج مشدودة وتاخذين كل شي جد ..
خلاص اظن انه مو لازم اشارك بعد لان ماكو شي بيزيد على الموضوع

مع السلامة

[اسرار الليل]

ترى احنا ماعرفنالك

لمن نقولك تزوج كويتيه تقول هنديه احسن

ولمن نقولك تزوج هنديه تقول تنطز :/

لا انا ما اطنز

بس انت عنيد وراسك يابس صج صج صج كاسرين خاطري الوهابيه اللي تحاورهم

الحمدالله ان ماطلعت ان وهابيه :p

خلاص حيااك الله

واستانست بـ الحوار

[متيم ب علي]

هههههههههههههههه

يبا أختي خو أنا أكيد بتزوج أي بنت .. موشرط كويتية .. بس مو هندية .. المهم يكونون من هالديرة ( يشترط إنها تكون عيمية + ميرزاوية ويستحسن علوية ) .. المهم ..

بس أختي الظروف ماتسمح كلش .. أختي أجار لي متى بدفع ؟ .. متى بقعد داخل بيت حقي وحق عيال عيالي ؟ .. المهر مو مشكلة .. بس أختي لو قعدت في مسكن خاص قولي مثل شقة .. لازم أضبطها هم بالأثاث .. و بالصواني و الجدور و القلاصات و القفاش .. وحتى الملاس بعد ..

كله فلوس .. وآخر شي يقولون لي تعال سوي حقي عرس .. العرس تدرين جم بيكلف ؟

قولي الصالة بروحها 200 دينار حجزها .. والبوفيه تدرين جم يكلف .. يمكن 1000 دينار و فوق ..

أختي خو قوليلي شلون أتزوج زواج مبكر وأنا كل هالأمور على راسي ؟ .. البنت بس لازم تطالع شلون أصرف دم قلبي وتستانس بعرسها وأنا يكون هالعرس عندي عزى :(

خو قوليلي من وين أييب فلوس هالأمور كلها وأنا الحين الحين اروح اتزوج ..

[اسرار الليل]

اللي يسمعك يقول معاشك 100



بس أختي الظروف ماتسمح كلش .. أختي أجار لي متى بدفع ؟ .. متى بقعد داخل بيت حقي وحق عيال عيالي ؟ ..

انطر دووور لمن الاسكان تعطيك بيت

خو مو طول عمرك تقعد بـ الاجااار

والا ليش تقعد اجار؟ اقعد عند امها احسن قزرها على افاها ;)




لو قعدت في مسكن خاص قولي مثل شقة .. لازم أضبطها هم بالأثاث .. و بالصواني و الجدور و القلاصات و القفاش .. وحتى الملاس بعد ..

رافج الصفااافيير ويعطونك جدور وقفاش ببلاش :P

انت اللحين ماتبي تتزوج عشان جدور وقلاصات !!

خلاص لمن تتزوج و الناس يعطونكم هدايا قولهم خلوا الهدااياا اثاث حق الشقه احسن ض1



قولي الصالة بروحها 200 دينار حجزها .. والبوفيه تدرين جم يكلف .. يمكن 1000 دينار و فوق ..

غلطاااان

البوفيييه يكلف مليووون

ليش انت عازم فرييييج ؟

مولازم تحط بوفيه حطلهم صمون فلافل




أختي خو قوليلي شلون أتزوج زواج مبكر وأنا كل هالأمور على راسي ؟ .. البنت بس لازم تطالع شلون أصرف دم قلبي وتستانس بعرسها وأنا يكون هالعرس عندي عزى

خخخخخخخ اهم شي عزاااا ض1

قتلك اقعد بيت امهاا

والا تزوج وحده عيوزه اكبر منك عشان تموت وتااخذ فلوووسها :P

[متيم ب علي]

هيهيهيهيهيهيهي ... والله عليج أفكار .. ماكو إلا أمها .. شلون ماكانت عالبال ..

بس أحس شوية فشلة .. شقولهم يعني ؟؟ بقعد في بيتكم .. مايصير مو حلوة بحقي ..

وأنا مو سالفة إني مابتزوج عشان هالقلاصصات و الجدور .. بس أقول يعني مصاريف بيت تعتبر مو لازم نهملها ..

[اسرار الليل]

لاعاادي في وايد رياييل ساكنييين عند ام حريمهم


يالله ان شالله تتزوج والله يرزقك مليون الدانه :P


وتعيش زوجتك احسن عيشه ض1

[متيم ب علي]

لا مابي مليون الدانة ماعندي حساب هناك .. عندي بالوطني بحساب الجوهرة .. سويلي حوالة حق دعائج هناك :)

والله اللي يشوفني على حالتي بالموضوع بيقول عني واحد جعص مايحب يصرف فلوس .. أنا أدري .. بس شسوي .. الله كريم ..

بس صج لله يعني .. الحريم صعب الواحد يراضيهم .. أنا كل مرة رفيجي يشكيلي .. زوجته ما أيي بعينها شي .. والمشكلة حاطة دوبها بدوبي أنا هالمسكين ..

تقول عني شريجتي !!

خو رفيجي قبل سنتين كله 24 ساعة أطلع وياه .. تزوج الولد وعطيته أسبوع عشان يستانس مع زوجته .. بس بعدين عادت المياه إلى مجاريها .. مثل مايقولون ..

صار الولد يطلع زوجته ولما يخلص يطلع معاي نروح نفتر .. بس زوجته تخليه .. أنت ليش ماتطلعني .. يقولها يالشقول توني مطلعج ورادج البيت .. تقول لأ .. أنته كله مع شريجتي تطلع .. وما تطلعني ..

الحين حتى من رفيجي صرت محروم بسبة هالزواج .. والحين لما أطلع مع رفيجي ( بالخش و الدس ) مثل مايقولون .. ولو دقت عليه زوجته وعرفت إنه طالع معاي .. واااي تصير مناحة بعدين ..

أسبوع كامل عقاب ينزل على رفيجي كله لازم يطلع زوجته .. خو زوجته تبط جبدي .. تقول حق زوجها بروح أشم هوى و أغيّر جو .. خل نروح نحجز فندق نقعد فيه جم يوم ..

خو قولي بصرف فلوس خالي بلاش .. خو لازم فندق ولا مايصير .. خو يعني بالبيت ماكو هوى تشمينه ؟ .. مايصير يعني .. رفيجي مسكين والله ..

[اسرار الليل]

ان شالله تحصل المليون من الجوهره ولا تزعل

واللحين انت حضرتك كل هـ النقاش لانك متعقد من زوجه ر فيجك

اصاابعك مو سوواا << سواا والا الجواال هاهاها

ايي

خلااص تزوج بحرينيه ماتتشرط

واللي تبيه تسويلك ايااه

وووبعدين تعال اي من حقهاا هذي زوجه رفيجك تغااار

تبي ريلها يكون معاها انت ليش ماخذه :p


شوف

انا عطيتك 100 حل ولا مقتنع بواحد :/

[kuwaitiya]

تبي الصراحة الله يعين مرته عليه شدعوه وعلى قولتك شنو مافي هوا إلا بالفنادق


وبعدين آنا أأيد كلام الاخت اسرار الليل وكلامها مقنع ووومثل ماقالت أصابعك مو سوا


والله يفرجها عالجميع والكل يتزوج يااااااااارب