فارق السن بين الزوجين !!!

[نور الولاية]

اللهم صل على محمد وال محمد وعجل فرجهم الشريف

كنت اتناقش مع زميلة من زميلاتي عن فارق السنوات بين الزوجين واهميتهاا

البنت محتاره لأنه تقدم لخطبتها رجال في الثلاثين وعمره بالضبط 34 سنه واهي عمرها 21 سنه طبعاً فارق العمر كبير , على كل مايمتاز به هذا الرجل من العائلة ويشتغل والراتب ماعليه كلام, وكل من حواليها يشهدوا له باخلاقه , واهي محتارة في فارق العمر الكبير بينهم 13 سنة فرق مو هـين , يعني بطبيعة الحال شلون راح يكون التفاهم بينهم ومستقبلهم ,

والأبواب قدامها ترسم على شكل علامات أستفاهم لفارق السن بينهم

لكل بنت تشاركنا براي هل توافقي عليه أم لا مع الأسباب اللتي دعت الى ذاك؟

[نور على نور]

اللهم صلى على محمد وآل محمد
اللهم صلى على فاطمة وأبيها وبعلها وبنيها والسر المستودع فيها


في الحقيقة لو أنا مكانها أبد ماوافق , لأنه فارق السن كبير واحتمال يكون صعب التفاهم في الأختلاف بين الجيلين !!!

وتوها صغيرة البنت ماراح تضل عله على أهلها , تصبر وتفكر وتشوف وين الأنسب لها ..

والله يقدم اللي فيه الخير .

[حاملة الراية]

امممممممم البنت تنضج و تكبر اسرع من الولد
ف فارق العمر مو دائما مشكلة اذا البنية ناضجة كفاية و تفكيرها اكبر من عمرها
اضن انو اتس اوكي

[نور على نور]

امممممممم البنت تنضج و تكبر اسرع من الولد
ف فارق العمر مو دائما مشكلة اذا البنية ناضجة كفاية و تفكيرها اكبر من عمرها
اضن انو اتس اوكي

طيب أمانا بالله

شلون راح يكون تفكيرهم ؟؟ !! وطريقة حياتهم ؟؟!!

تفكيره راح يوافق تفكيرها لو شنو؟؟

[حاملة الراية]

اذا البنت ناااااااااضجة و تفكيرها بنفس مستوى تفكيره ف لا مشكلة في هذا الزواج



ف فارق العمر مو دائما مشكلة اذا البنية ناضجة كفاية و تفكيرها اكبر من عمرها

[نور على نور]

اذا البنت ناااااااااضجة و تفكيرها بنفس مستوى تفكيره ف لا مشكلة في هذا الزواج

بس لاتنسي أنه في أجيال معقده صعب التفاهم معاهم , بحكم البيئة,والمجتمع يفرض عليهم أشكلات

لها اول ومالها اخر ,,

[نور الولاية]

اللهم صل على محمد وال محمد وعجل فرجهم الشريف

كلامكم مقنع يا جماعة

بعد نبي ردود

[نور الولاية]

اللهم صل على محمد وال محمد وعجل فرجهم الشريف

شكرا على الردود اخواني وخواتي :)

[نور على نور]

السلام عليكم


اسألي اهل الخبرة



انا ما عندي اي فكرة


بس لا تعتمدين على اي شيء يقال

الا بالادلة

:)

اللي أقصده ياحكيم , أنه البنت مستحيل تضل عله على أهلها لأنهم مهما كانت مالها الا اهلها وين ماراحت

حتى لو تروح الصين ماراح ينكروها ,

شلون تقول ماعندك خبره !!! يعني احنا اللي عندنا خبره !!!

طيب لو فرضنا انك انت شاب بعمر 18 تتزوج بنت عمرها 12 سنه لو 10 تتزوجها!!

وزود عشر سنين على أعماركم وشوف الوضع ,:)

[نور على نور]

بل

انا اللي اذكره اني عدلت الرد

علشان لا يصير هالشي

بس مالحقت

وعلى فكرة واضح انش تكرهيني

نتمنى انك ماتغير الموضوع , وكلنا أخوان مافي شئ أسمه كراهية او حقد :)

[عاشقة الحسيـن]

السلام عليكم ورحمة الله وبركاته
اني رايي ان البنت إذا كانت تبيه والله كاتبنه لها لو ويش يصير بتاخذة
سواء كان في فرق بين عمرهم لو ويش راح تاخذة
وطبعا ما اذا كان رجال زين وخلوق تتشاور مع اهلها وتشوف
وما له داعي تشوف فارق العمر ( اكو النبي ص اخذ خديجة بفارق عمر كبير )
ولكن اذا بتطالع فارق العمر اكيد انهم ما بيتوافقون و بتكون افكارهم غير بس بيتأقلمون!!!

[أم البنين]

اختاه نور الولاية
موضوع جدا حلو لنقاِش
عزيزتى
انا من وجهه نظري ما فى مانع من هذا الزواج اذا توفرت له اسباب النجاح
والتى من اهمها التوافق الفكري بين الزوجين ، فأحيانا انشوف ناس تصرفاهتم وعقليتهم أكبر من سنهم ويملكون ثقافة عاليه
واحيانا انشوف ناس مع انه سنهم كبير لكن حدود تفكيرهم ضيق وثقافتهم محدوده

انا ما اشوف فيه ما نع من هذا الزواج اذا كانت افكارهم وحده ويقدرون يتفاهمون وخصوصا اذا كان من الطرفين يحترم الاخر ويحترم وجهات نظره ويستطيعون يسيرون قارب الحياة الزوجيه
احيانا انشوف زورجين الفارق العمري بينهم صغير جدا سنه او سنتين لكن التقارب الفكري بينهم اكبر واكبر وحياتهم غير مستقره بسبب الخلافات فى وجهات النظر وكل من يري رايه اصح من الثانى

انا احكى لكم من واقع تجربه عشتها انا شخصيا
فأبى يكبر والدتى ب13 سنه لكن الحمدلله حياتهم جدا متفاهمه لأن أمى تفكيرها عميق وكبير وحياتهم ولله الحمد مستقره وللعلم ابى دائما يأخد شور امى فى اشياء كثيرة تهم الاسرة لأن رأيها حكيم

فى النهايه يرجع القرار بيد البنت وهى الا تقرر

[اسرار الليل]

انا رايي من راي نور على نور

صعبه ان البنت صغيره وتتزوج واحد اكبر منها بـ واايد

ووبعدين حرام عياله يكونون صغاار وهو اشكبره

بس فوق كل هذاا همن العمر مومهم بـ الزوااج


/
/


:: نور الولايه ::

يعطيج العـافيـه

[نور على نور]

السلام عليكم ورحمة الله وبركاته
اني رايي ان البنت إذا كانت تبيه والله كاتبنه لها لو ويش يصير بتاخذة
سواء كان في فرق بين عمرهم لو ويش راح تاخذة
وطبعا ما اذا كان رجال زين وخلوق تتشاور مع اهلها وتشوف
وما له داعي تشوف فارق العمر ( اكو النبي ص اخذ خديجة بفارق عمر كبير )
ولكن اذا بتطالع فارق العمر اكيد انهم ما بيتوافقون و بتكون افكارهم غير بس بيتأقلمون!!!

وعليكم السلام ورحمة الله وبركاته

هذه وجه نظرك وعلينا احترامها عزيزتي

بس حبيت أوضح لكِ معلومة انه النبي صلوات الله عليه لمن تزوج سيدتي ومولاتي خديجة عليها

السلام كان عمره 21 سنه وقيل 25 سنة وكان عمرها عليها السلام

28 سنه , انما كتب أهل السنه تقول كان عمرها 45 سنه!!!

[أريج الورد]

هالزواج ممكن ينجح اذا كانوا الشخصين متفاهمين
يعني لو تكون البنت ناضجة و واعية عدل
و لو يكون الريال من النوع الي نشيط و له خلق يعني ما يكون خامل و باينن عليه الكبر...
انا عن نفسي فحددده 10 سنوات لكن اكثر من جذي ما افتكر اني راح اوافق الا بحالااات خااصة جدا و ذكرتها...ولو ان الريال صج صج يكون الي ببالي...

لكن لازم يقعدون ويا بعض قبل و يتكلمون علشان يعرفون سطح تفكير بعض و يشوفون اذا اهم متفاهمين ولا لا
و على فكرة الريال يشيب بعد المراة بوايد
فممكن ريال بالخمسينات لكن روحه شااابة
اما المراة فنادر تلقاها نشيطة و شاابة بهالعمر لان الكبر يبين عليها ابجر و لانها تتحمل مشاكل اكثر و توصل لسن الياس...

فاتوقع ماكو مانع لكن بعد التفكير المطول و الكلام و التحقيق...

[أريج الورد]

بس حبيت أوضح لكِ معلومة انه النبي صلوات الله عليه لمن تزوج سيدتي ومولاتي خديجة عليها

السلام كان عمره 21 سنه وقيل 25 سنة وكان عمرها عليها السلام

28 سنه , انما كتب أهل السنه تقول كان عمرها 45 سنه!!!

حيااتي انا الي سمعته ان فعلا سيدتنا خديجة كانت بالاربعينات
يعني مو متاكدة بس اتوقع حتى كتبنا يقولون جذي
انشالله اذا ا نسيت اسال و اتاكد...

[نور الولاية]

اللهم صل على محمد وال محمد وعجل فرجهم الشريف

تسلمون على الردود خواتي


بل

انا اللي اذكره اني عدلت الرد

علشان لا يصير هالشي

بس مالحقت

وعلى فكرة واضح انش تكرهيني

لا اخوي محد يكره احد هني كلنه اخواااان :)


السلام عليكم ورحمة الله وبركاته
اني رايي ان البنت إذا كانت تبيه والله كاتبنه لها لو ويش يصير بتاخذة
سواء كان في فرق بين عمرهم لو ويش راح تاخذة
وطبعا ما اذا كان رجال زين وخلوق تتشاور مع اهلها وتشوف
وما له داعي تشوف فارق العمر ( اكو النبي ص اخذ خديجة بفارق عمر كبير )
ولكن اذا بتطالع فارق العمر اكيد انهم ما بيتوافقون و بتكون افكارهم غير بس بيتأقلمون!!!

تشكرين اختي عاشقة اني بعد اقول اذا الله سبحانه وتعالى كتب انهاا تاخذه راح تاخذه باذن الله وشي طبيعي راح تاخذ راي اهلهاا وراح يتفاهمون هي ومعااه اذا صارت فيه موافقة مبدأية

اختاه نور الولاية
موضوع جدا حلو لنقاِش
عزيزتى
انا من وجهه نظري ما فى مانع من هذا الزواج اذا توفرت له اسباب النجاح
والتى من اهمها التوافق الفكري بين الزوجين ، فأحيانا انشوف ناس تصرفاهتم وعقليتهم أكبر من سنهم ويملكون ثقافة عاليه
واحيانا انشوف ناس مع انه سنهم كبير لكن حدود تفكيرهم ضيق وثقافتهم محدوده


انا ما اشوف فيه ما نع من هذا الزواج اذا كانت افكارهم وحده ويقدرون يتفاهمون وخصوصا اذا كان من الطرفين يحترم الاخر ويحترم وجهات نظره ويستطيعون يسيرون قارب الحياة الزوجيه
احيانا انشوف زورجين الفارق العمري بينهم صغير جدا سنه او سنتين لكن التقارب الفكري بينهم اكبر واكبر وحياتهم غير مستقره بسبب الخلافات فى وجهات النظر وكل من يري رايه اصح من الثانى

صح كلامج ام البنين تشكرين عمري


انا احكى لكم من واقع تجربه عشتها انا شخصيا
فأبى يكبر والدتى ب13 سنه لكن الحمدلله حياتهم جدا متفاهمه لأن أمى تفكيرها عميق وكبير وحياتهم ولله الحمد مستقره وللعلم ابى دائما يأخد شور امى فى اشياء كثيرة تهم الاسرة لأن رأيها حكيم

بارك الله في امج وابووج والله يعطيهم الصحة والعافية (( ماشاء الله عليهم )) :)



انا رايي من راي نور على نور

صعبه ان البنت صغيره وتتزوج واحد اكبر منها بـ واايد

ووبعدين حرام عياله يكونون صغاار وهو اشكبره

بس فوق كل هذاا همن العمر مومهم بـ الزوااج

الله يعطيج الفاية خيووو اني بعد اقول جذي بس انشوف زواج من هالنوع ينجح لان يكون قعل الرجل (( رزين )) وساعات ما نشوفه ينجح وتكون هنااك مشاكل لا سمح الله (( الواحد ما يدري في هالامور ))


هالزواج ممكن ينجح اذا كانوا الشخصين متفاهمين
يعني لو تكون البنت ناضجة و واعية عدل
و لو يكون الريال من النوع الي نشيط و له خلق يعني ما يكون خامل و باينن عليه الكبر...
انا عن نفسي فحددده 10 سنوات لكن اكثر من جذي ما افتكر اني راح اوافق الا بحالااات خااصة جدا و ذكرتها...ولو ان الريال صج صج يكون الي ببالي...

لكن لازم يقعدون ويا بعض قبل و يتكلمون علشان يعرفون سطح تفكير بعض و يشوفون اذا اهم متفاهمين ولا لا
و على فكرة الريال يشيب بعد المراة بوايد
فممكن ريال بالخمسينات لكن روحه شااابة
اما المراة فنادر تلقاها نشيطة و شاابة بهالعمر لان الكبر يبين عليها ابجر و لانها تتحمل مشاكل اكثر و توصل لسن الياس...

فاتوقع ماكو مانع لكن بعد التفكير المطول و الكلام و التحقيق...

تشكرين خيووو بارك الله فيج


تسلمون على المرور والله نورتوا وشرفوتوا الموضوع ورايكم يهمناااا :):):)

[كَرْبَلائِيَ]

السلام عليكم ورحمة الله وبركاته

وصلو اهل الخبره

خخخخخخخ

موضوع جميل ويستحق رد ونقاش فيه

من راااي يجب على بنت ان لا توافق

اخواني واخواتي هناك اشياء كثيره واهم

اولا ننظر الى حياة الزوجين بما ان الفرق كبير جدا هو13سنه كيف ستكون حياتهم وكيف ستكون معيشتهم دعونا عن مال ومادة نحنو نتكلم عن معيشه وتفااهم ونقاش بأمورهم الخاصه والاهم اطفااالهم

سؤال الى الاخت اذا كان عمر الاب 34 سنه وانجبتي طفلاً عمره لا يتجاوز 10 سنوات كم سيصبح عمر الاب 45 سنه او نقول اصبح عمره

20 سنه انظري الى هذا الفرق ماذا تبقى من عمر الاب وهذا العمر هو من اهم الاعمار عند شاب ويجب الحرص على تربية وهل تتوقعين العمر دائما بينكما اختا العزيزه انصحكِ بأن لا تتزوجي شخص عمره بهذا الفرق الكبير بل ضعي حد وهو 4 سنوات 5 سنوات 6 سنوات هذه لا بأس به
وايضا اذا كنتي تريدين الزواج من شخص معين وكان عمره اصغر منكِ لا تقبلي به الا اذا كان الفرق بينكم هو سنتان او 3 فقط ولا غير

ونتمنى لكم توافيق ونجاح

تحياتي

[متيم ب علي]

بسم الله الرحمن الرحيم
اللهم صلي علىمحمد وعلىآله الطيبين الطاهرين وعجل فرجهم ياكريم

السلام عليكم ورحمة الله وبركاته

برايي الشخصي إنه لايوجد أي مشكلة أنّ الشخص يتزوج وحدة أصغر منه .. وايد جميل هالشي و أحض عليه شبابنا .. ولا أحبذ فكرة أنّ الشخص يتزوج بنت أكبر منه كلش كلش ..

أعرف شخص مقبل على الزواج من فتاة تصغره بـ 8 سنوات .. علماً بأن عمره 26 وهي 18 .. هاي هواية حلو .. وطبعاً مهما كان الأمور بتختلف من ناحية التفكير .. ومن ناحية التأثير بسبب فارق العمر بين الوالدين و الولد .. بس هالشي ماراح يعدم التفاهم ..

و أظن أنه كل رجل لازم يتزوج وحده أصغر منه بكتييييير .. عشان مايصير سكانه مرته على قولتهم .. يسمع كلامها على بو أنها الأكبر و الأفهم منه ..

لا أتغشمر .. بس لازم الريال يتزوج وحدة أكبر عشان يكون تفكيره أكبر من المرأة .. وبهالشي بشكل أوتوماتيكي البنت بترتاح منه لأنه بتحس إنها تقدر تعتمد على رأي زوجها الأكبر و الأفهم منها .. لأنه الحريم مهما يكون نواقص عقول مثل مايقولون .. فلازم الرجل يكون أكبر منها بالعقل و العمر .. عشان يكمل عقلها >> كسرت بالحريم وايد :)

وسلامتكم

[كَرْبَلائِيَ]

لا أتغشمر .. بس لازم الريال يتزوج وحدة أكبر عشان يكون تفكيره أكبر من المرأة .. وبهالشي بشكل أوتوماتيكي البنت بترتاح منه لأنه بتحس إنها تقدر تعتمد على رأي زوجها الأكبر و الأفهم منها .. لأنه الحريم مهما يكون نواقص عقول مثل مايقولون .. فلازم الرجل يكون أكبر منها بالعقل و العمر .. عشان يكمل عقلها >> كسرت بالحريم وايد

متيم عزيزي انته قديييييييييييييييم :)

هذه زمان اول

الحين المراة لها راي وزوج له راي وهي لها حقوق وامكن اقوى من رجل :)

نعم انا معاك ومو معاك بهذه النقظه لانه لها اختلاف ونقاش طويل وعريض :)

وفي نهاية كل شي يعتمد على رجل ان كان اكبر من المراه او اصغر منه هو بيده حياتهم


تحياتي

[نور على نور]

و أظن أنه كل رجل لازم يتزوج وحده أصغر منه بكتييييير .. عشان مايصير سكانه مرته على قولتهم .. يسمع كلامها على بو أنها الأكبر و الأفهم منه ..

لا أتغشمر .. بس لازم الريال يتزوج وحدة أكبر عشان يكون تفكيره أكبر من المرأة .. وبهالشي بشكل أوتوماتيكي البنت بترتاح منه لأنه بتحس إنها تقدر تعتمد على رأي زوجها الأكبر و الأفهم منها .. لأنه الحريم مهما يكون نواقص عقول مثل مايقولون .. فلازم الرجل يكون أكبر منها بالعقل و العمر .. عشان يكمل عقلها >> كسرت بالحريم وايد :)

وسلامتكم



لازم الريال يتزوج وحدة أكبر عشان يكون تفكيره أكبر من المرأة ؟؟!!!!


.. فلازم الرجل يكون أكبر منها بالعقل و العمر .

في العقل أمــنا بالله وكن اللي خلقكم ماخلقنا

أرى دخان خيانة لنصف المجتمع http://ansaralhojah.name/uploads/89a48466fe.gif
لاتنسى الفرق اللي هني بالعمر 13 سنه فرق مو هين هنا نقطة الحديث :)

[نور الولاية]

اللهم صل على محمد وال محمد وعجل فرجهم الشريف

دام اشوف الفرق 13 سنة لازم يكون في مشااكل في التفكير و ما الا ذلك من اشيااء بس نشوف ناس وايد ياخذو ازواج اكبر منهم بهالفرق !!

[الحور]

بالنسبة لي وااااااايد كبير يعني لو كان أكبر منها ب4 سنين أو خمس على حد أقصى ست أوكي بس أهوه بالثلاثينات و إهيه توها بالعشرينات ؟؟ صعبة

[kuwaitiya]

في الحقيقة يا إختي لأ ما أوافق عليه لأن وااايد كبير

يعني ماعندي مشكله من 6 سنين وتحت أما أكبر من جذي نووو

[بيت الأحزان]

بصراحة أنا أوافق لأن الشاب هذكذا يكون ناضج ومأمن مستقبله يعني فقط يحتاج للمشكلة

والتفاهم ليس منوطا بالعمر بل بالعقل والفكر

[ناسف الوهابيه]

بصراحه هو كبير عليها بعمره حبتين لكن مو معناها انو شرط واكيد ماراح ينجح الزواج

فارق السن موجود صحيح لكن ما يكون في فارق فكري بينهم وهو الأهم حتى لو كانو بسن واحده

وفي فارق فكري راح ينتهي الزواج بالفشل

البنت عمرها 21 سنه واذا كانت واثقه بتفكيرها يقدر يساير تفكيره فلا مشكله

المرأه بفطرتها قادره على التكيف بسرعه مع زوج يكبرها بالسن والدليل الزيجات القديمه لآبائنا طبعاً لاحضوا ما اعمم اقول اغلبية هالزيجات كانت ناجحه

وهم الحين في نماذج وهم الرجل اذا كان قادر على تفهم المرأه التي امامه واحتوائها فلا مشكله

اخي امامي خطب بنت يكبرها بيومين فقط وشرايكم بالنتيجه
طبعاً بتقولو احسن شي ومتفاهمين مره والمشاكل ما تعرف لهم طريق صح

من يتوقع هذا فهو واهم اللبنت طلع عقلها عمره 13 سنه ولمعلوماتكم الخاصه البنت خريجة جامعه وهي مدرسة تدرس لها اكثر من 5 سنوات

وانتهى بهم المطاف الى الطلاق مع سبق الأصرار والترصد <<< خخخخخ

ياعالم ياهووو عمر فارق السن ماكان مشكله اذا في نظوج فكري واما عن الأولاد يكونو صغار امام سن ابوهم
فما ادري وين المشكله .؟؟؟؟؟؟؟؟ طيب خل نقول في مشكله مو الرجال اذا كان زي ما تبوه صغير وجاب له ولد وكان سنه مناسب مع سن ابنه

وجاب الثاني والثالث باللهي عليك لو جاب آخر العنقود بعد 15 او عشرين سنه من زواجه مو كأنه طلعت نفس المشكله .؟؟؟؟؟ مع الأخير

انا الاحض بعض البنات ما عندهم ثقه بنفسهم ولا بتفكيرهم فيخافوا الفشل
او يبحثون عن رجال في سنهم او مقاربه لهم ( او حتى اصغر منهم )
ما رأيكم برجل عمره 40 سنه يجلس مع ولد عمره 10 سنوات فيستطيع
الدخول الى عقليته والتكيف معها فيجعل ذلك الولد قادراً على الوصول الى عقلية الرجل ذو الأربعين عاماً فيصبح الأثنين وكأنهم بسن واحده.

رجاءاً الموضوع مطورح لأبداء ارائكم ولنه في بنت تنتظر ما يسفر عنه هالحوار يعني القصه حقيقيه ويتعلق عليها مصير طرفين
ماهو فقط موضوع بمنتدى وراح يحول الى الأرشيف لا حد يفتي الا من تجربه حقيقيه او من واقع رأه واقع لأناس ناضجين
والا فالصمت افضل ( مع احترامي لكل الآراء المطروحه )

[نور الولاية]

اللهم صل على محمد وال محمد وعجل فرجهم الشريف

هو صج فارق السن وايد كبير 13 سنة بس اظن يكون الشخص ناضج فكريا بس مثل ما قلت قبل ان وايد اشوف ناس يتزوجون ويكون الفرق بهالدرجة من العمر خبركم المعاشات زفته و ماكوا شغل عدل اتكلم عن البحرين مثلاا الاشغال للأجانب و اهل البلد جواعه لا شغل عدل ولا معاشات تشد الظهر بهاا من جذي يتأخر سن الزواج وخصوصا للشيعة

الله كريم

شكرا على المرور اخواني وخواتي ورايكم يسعدني وكل راي احترمه لان للكل وجهة نظر مختلفة :):)

[ناسف الوهابيه]

اللهم صل على محمد وال محمد وعجل فرجهم الشريف

هو صج فارق السن وايد كبير 13 سنة بس اظن يكون الشخص ناضج فكريا بس مثل ما قلت قبل ان وايد اشوف ناس يتزوجون ويكون الفرق بهالدرجة من العمر خبركم المعاشات زفته و ماكوا شغل عدل اتكلم عن البحرين مثلاا الاشغال للأجانب و اهل البلد جواعه لا شغل عدل ولا معاشات تشد الظهر بهاا من جذي يتأخر سن الزواج وخصوصا للشيعة

الله كريم

شكرا على المرور اخواني وخواتي ورايكم يسعدني وكل راي احترمه لان للكل وجهة نظر مختلفة :):)

نور الولايه


الله يوفقكم ويغير حالكم بأفضل الأحوال ويتغير حالكم اخواننا في البحرين

بحق محمد وآل محمد .


خبركم المعاشات زفته و ماكوا شغل عدل اتكلم عن البحرين مثلاا الاشغال للأجانب و اهل البلد جواعه لا شغل عدل ولا معاشات تشد الظهر بهاا من جذي يتأخر سن الزواج وخصوصا للشيعة

الحال من بعظه عندنا بالسعوديه وخصوصاً بالمنطقة الشرقيه

مع انو قام يشمل الشيعه بأي مكان بالسعوديه ( شكلهم صارو يعرفو الشيعه

مو بس بالشرقيه بالمدينه وجده وغيرها كمان نفس الحكايه)

الله يغير الحال بحق محمد وآله.