للأذكياء فقط

[مكسورة الخاطر]

السلام عليكم
اللعبة عبارة عن ألغاز ... كل مرة راح أطرح لغز وأبي أشوف من الذكي اللي بيقدر يجاوب على أكثر عدد من الألغاز
وإذا عجزتوا عن الحل بقول الجواب
الألغاز كلها سهلة تقريباً ... أتمنى أشوف تفاعل منكم
اللغز الأول:
ومولودة لا روح فيها وإنها ..... لتقبل نفخ الروح بعد حضانها
ما هو الجواب؟

[مكسورة الخاطر]

أشوف للحين محد جاوب

الجواب وايد سهل

أسهل لكم... الجواب اسمه مثل شكله

يله .. شنو الجواب؟؟؟

[حفيدة الرسول]

خيوه ما فهمت اللغز

ممكن اتعيدينه

مشكوورة

[جنة الولاية]

اني بعد صراحة

شرط انتي بحرانية مثلي

بس كلش تتكلمين عراقي على سعودي

يالا ما علي لا زتعين

بس عيدي اللغز

و مشكووووووووووووووووووورة على اللعبة الحلوة

[مكسورة الخاطر]

مشكووورن اخواتي على تواجدكم

اللغز عن بيت شعر يصف شئ معين واللغز هو:

ومولودة لا روح فيها وإنها ..... لتقبل نفخ الروح بعد حضانها

وانا سهلت الإجابة وقلت ان الجواب شكله مثل اسمه

أظن وضحت الاجابة

يلا ابي جواب ...

[مكسورة الخاطر]

خلاص بجاوب

الجواب هو البيضة

الظاهر ما عجبتكم اللعبة

خلاص ما بحط ألغاز ثانية

[حفيدة الرسول]

لا خيوه حطي

بس اني لان ما عرفت الحواب من جدي ما رديت

لاتزعلين خيوه

في انتظار الالغاز الثانية

حفيدة الرسول

[مكسورة الخاطر]

تسلمين أختي

اللغز الثاني:

ما هو الشئ الذي شعره من الداخل ولحمه من الخارج؟

[بنت الرسول]

مشكووووووورة أختي
اللعبة روووووعة
والجواب هو الأنف

[مكسورة الخاطر]

تسلمين أختي

والجواب صح ... لج نقطة

لغز آخر:

وقاض قد قضى في الأرض عدلاً ..... له كف وليس له بنان

رأيت الناس قد قبلوا قضاه ..... ولا نطق لديه ولا لسان

ما هو هذا الشئ؟

[ملكة الاحزان]

جااااااااااااااااااااري التفكير

والله قاعد المخ المخرف يشغل اشوي

مشكووووووووووووووووورة يامكسورة الخاطر

[مكسورة الخاطر]

هههههههه

العفو حبيبتي

الجواب كلش بسيط

بس انتي ركزي على اللغز وان شاء الله تعرفينه

[Kuwaitty]

سلام عليكم


شكرا على اللعبة الحلوه اختي مكسورة



اظن الجواب مطرقة القاضي هههه

[مكسورة الخاطر]

ههههه

العفو أخوي كويتي

لا جوابك غلط

أسهل لكم ... هي صورته تكون مرسومة بالمحكمة ويبتدي بحرف الميم ( م )

أظن صار الجواب سهل ...

[Kuwaitty]

ممممممممممممم

محامي :d

[حفيدة الرسول]

اختي

يمكن ميزان

وشكرا لج على الالغاز الحلوة

حفوودة

[مكسورة الخاطر]

ممممممممممممم

محامي :d



هههههههه ... انا قلت شي مرسوم .. مو شخص

اختي

يمكن ميزان

وشكرا لج على الالغاز الحلوة

حفوودة



العفو حيبيبتي ... وجوابج صح

بنت الرسول: نقطة

حفيدة الرسول : نقطة

[مكسورة الخاطر]

اللغز الثالث:

وأهيف مذبوح على صدر غيره ..... يترجم عن ذي منطق وهو أبكم

تراه قصيراً كلما طال عمره ..... ويضحى بليغاً وهو لا يتكلم

ما هو هذا الشئ؟؟؟

[منارة المجد]

اللسان ..

و متاكدة غلط ..

[Kuwaitty]

اللسان ..
و متاكدة غلط ..



ههههه

اعتقد نفس جواب منارة :)

[مكسورة الخاطر]

للأسف

جوابكم خطأ

الحواب وايد سهل ...

[Kuwaitty]

خلاص مكسورة عطينا الجواب



ههههه

[مكسورة الخاطر]

ههههههه

شغل مخك اخوي كويتي

أسهل لك ...

هو عدد حروفه 3 أحرف .. ويبتدي بحرف القاف ( ق )

وهالشي يستخدمونه وايد بالمدارس وما يقدرون يستغنون عنه

مو بس بالمدارس بكل مكان بس المدارس تكون أكثر

أظن عرفت الجواب ... يله شنو هو ؟؟؟

[Kuwaitty]

خلااااااااااااااااااااااااااااااااص عرفته هههههههه


قلم


ادري صح هههههه

[مكسورة الخاطر]

ههههه صح

بنت الرسول : نقطة ... حفيدة الرسول: نقطة ... كويتي: نقطة

يلا الذكي اللي يجمع نقاط أكثر ... هههههه

اللغز الرابع:

اسم من قد هويته ..... ظاهر في صروفه

فإذا زال ربعه ..... زال باقي حروفه

ما هو هذا الشئ؟؟؟

[Kuwaitty]

مممممممممممممم


اعتقد عزال


الله اعلم :)


تحياتي

[جنة الولاية]

تدرين كنت اعرف الجواب مال اللغز الثاني


بس ما عرفت الجواب الثالث


يصير احط لغز ؟


اذا يصير


هاكم


ثلاثة بالاسم سموا

ولا انجمعوا ولا انلموا

الاول في السما لامع

و الثاني صنة الصانع

و الثالث في الارض مدفون


يعني ثلاثتهم بنفس الاسم ها

لا تغلطون

ويش هم ؟

و في امان الله

[مكسورة الخاطر]

جوابك صح أخوي كويتي

صار لك نقطتين


أختي جنة الولاية مشكووورة على اللغز

أحس ان الجواب سهل بس ما عرفته هههههه

ان شاء الله أفكر فيه

[Kuwaitty]

جنة


الإجابة اعتقد (النجم)


تحياتي

[حفيدة الرسول]

خيوتي ما عرفته

بس بفكر!!

حفودة

[مكسورة الخاطر]

انا اعتقد بعد ان النجمة


وينج يا جنة الولاية

قولي لنا الجواب صح ولا غلط

[حفيدة الرسول]

جنو الولاية

ننتظر الاجابة

واللغز الثاني بعد

حفيدة الرسول

[جنة الولاية]

الحين بالله عليكم النجمة في الارض مدفوووووووووووووووونة ؟


صدق يعني عليكم مخ


تبون اقول الاجابة ولا تفكرون شوي بعد ؟


ترى اني مريحة

هههههههههههههههههه

بسهل ليكم شوي

طبعا ثلاثتهم نفس الاسم

و الاول : في السما لامع ، يعني لو تاخذون الدلسكوب تشوفونه على ما اعتقد


و الثاني : صنة الصانع ، مو لازم الصانع هو الله قد يكون اي واحد في الوجود

و الثالث : في الارض مدفو ، لو رحتون صوب البحر دائما تشوفونه مو لازم انه مويت و مدفون ، لا هو دافن روحه في الارض بيته في الارض



يالا عاد الي ما يعرف الاجابة هو واحد غبي

عاد لا تزعلون لان ولا واحد يعرف الاجابة

ههههههههههههههههههههههههههههههههههههههه


و آسفة على التاخير

[Kuwaitty]

بدليه لجنه



لدلسكوب



الدلسكوب شنو هذا بعد؟



ان كنتي تقصدين التلسكوب




اعتقد جوابي القمر




تحياتووووووووووو

[مكسورة الخاطر]

جنة الولاية ... ما عرفنا الجواب

خلاص قولي شنو الجواب

[جنة الولاية]

اي قصدي ( التلسكوب )


ههههههههههههههههههههههههه وش اسوي بعد لساني معووج

هع هع هع هع


على العموم الاجابة غلط


قلت ليكم في الارض مدفووووووووووووووووووووووووووووووووووووووووون


صدق انك ذكي الحين القمر في الارض مدفون

بقول الجوااااااااااااااااااااااااب صراحة خلاص تمللت ما اذكياء هني

امزح اصلا انتون اذكى مني

الجواب هو

.
.
.
.
.
.
.
.
.
.
.
.
.
.
.
.
هو


.
.
.
.
.
.
.
.
.
.
.
هو


.
.
.
.
.
.
.
.

هو

ههههههههههههههههه احمصكم كيفي

هو
:
:

:

:
:
:
:

:
:


العقرب

بشرح ليكم جبفا

الاول : في السمى لامع ، برج العقرب

الثاني : صنة الصانع ، عقرب الساعة

الثالث : العقرب الي يعيش في الارض صوب البحر

ذكاااااااااااااااااااااااااااااااااااااااء عليكم

ههههههههههههههههههههههههههههههههههههههههههههه

تبون لغز ثاني ؟

يالا

ثلاثة احياء يجرون ميتا

ميتهم يحكي و هم لا يتكلمون

و ش السالفة ؟

يالا الذكي الي يعرف

[Kuwaitty]

جنة الجواب هو


هو الاصابع الثلاثة التي باليد هي الاحياء الثلاثة (الابهام، السبابة، والوسطى). الميت هو القلم

[مكسورة الخاطر]

كويتي جوابك صح ... الحين عندك 3 نقاط


لغز غيره:

ثلاثة اخوان .. الأول مفقود .. والثاني موجود .. والثالث مولود ؟

من هم هؤلاء الاخوان؟؟؟

[Kuwaitty]

الزوج موجود..والإبن مولود...والأخ مفقود

[مكسورة الخاطر]

هههههههه

خطأ

انا قلت اخوان؟

فكر مرة ثانية اخوي كويتي ...

[حفيدة الرسول]

يمكن

مفقود ومولود وموجود

ههههههههه

حفوودة

[مكسورة الخاطر]

هههههه حلوة

لا خطأ

فكروا شوي ... هم أصلاً مو من جنس البشر

[منارة المجد]

سامعه بها اللغز بس امي و ابوي مم في البيت جان اسئلهم ..

[مكسورة الخاطر]

هههههه

ممنوع الغش

[حفيدة الرسول]

هههههههههه

بفكر

[حفيدة الرسول]

خيوه ما نعرف الجواب قوليه
وحطي غيره
باي

[مكسورة الخاطر]

هههههه خلاص بقوله

الاخوان هم الأمس واليوم والغد

المفقود هو الأمس .. والموجود هو اليوم .. والمولود هو يوم الغد

لغز غيره:

حامل ومحمول نصه ناشف ونصه مبلول ..

عاد اسهل من هاللغز ما في ..

يلا شنو الجواب؟؟؟

[نور على نور]

الجواب السفينه
صح أو لا

[مكسورة الخاطر]

أكيد صح

إلى حد الآن: بنت الرسول: نقطة .. حفيدة الرسول: نقطة .. كويتي: 3 نقاط .. نور على نور: نقطة

لغز غيره:

وذي أوجه لكنه غير بائحٍ ..... بسرٍ وذو الوجهين للسر يظهر

تناجيك بالأسرار أسرار وجهه ..... فتسمعها بالعين ما دمت تبصر

ما هو هذا الشئ؟

[حفيدة الرسول]

ماعرفته

صعب

عهع

[مكسورة الخاطر]

بالعكس كلش سهل


أسهل لكم

الطلاب والمدرسين ما يستغنون عنه

وناس وايد بعد ما يستغنون عنه

يتكون من 4 حروف

يلا عاد شنو الجواب؟؟؟

[بنت الحجة]

مشكوووووووووووووووووووووره اختي على الموضوع

بس الغز مو مفهوم ممكن تعيديه

[مكسورة الخاطر]

اللغز صار له شهر ولا أحد عرف الجواب...

تآمرين أختي العزيزة ...

اللغز يقول:

وذي أوجه لكنه غير بائحٍ ..... بسرٍ وذو الوجهين للسر يظهر

تناجيك بالأسرار أسرار وجهه ..... فتسمعها بالعين ما دمت تبصر

ما هو هذا الشئ؟

وقلت لكم ان الطلاب والمدرسين والمثقفين والمؤلفين ما يستغنون عنه...

خصوصاً هالأيام الطلاب 24 ساعة مقابلينه ...

اذا محد عرف الجواب بكرة بجاوب عليه ...

[نور على نور]

عرفته ألحين
هو الكتاب

[مكسورة الخاطر]

وأخيراً ... الحمد لله

الجواب صحيح أختي ...

إلى حد الآن: بنت الرسول: نقطة .. حفيدة الرسول: نقطة .. كويتي: 3 نقاط .. نور على نور: نقطتين

انتظروني في لغز آخر ...