رحاب الزهراء
June 22nd,2007, 02:34 PM
أم ريال ...،،قصة حقيقية ،،حصلت في المملكة العربية السعودية
تقدم سعود لخطبة ريم هي رفضت في البداية بحجة كل البنات انها بتكمل دراستا لكن امها وابوها اقنعوها في الأخير لان الولد اخلاق ومستقيم ووظيفة محترمة ومن عايلة كبيرة والكل يمدح فيه ويتمناه لبنته...
المهم جا وشافها وشافته واعجبو بعض ...واخذ موعد من ابو ريم علشان يجي مع ابوه ويتفاهمون على باقي الامور الروتينية ...جا الموعد المحدد وحضر سعود مع ابوه واثنين من اعمامه ...ومعهم المهر ...
قام وفتح علبة المهر وخذ منها ريال واحد فقط ورجع الباقي وقال حنا نشتري الرجال ....!!
عجز المعرس واهله يقنعون ابو ريم فاستسلموا واخذوا فلوسهم ومشوا...مرت الايام وريم ابوها عوضها المبلغ اللي رجعه وجهزت نفسها وجت ليلة العرس ...
اول ما دخلت ريم على عريسها استقبلها وقالهلا يا ام ريال !!) البنت طاح وجههاساعتها بس عدتها...
موحلوة تسوي مشكلة من اول ليلة ... ومن ذاك اليوم وسعود ماتعدي ريم من عنده الا يعايرها بالريال بعدين
تطور الموضوع وصار يقارنها بكل شي بريال ...لين قال مرةتشوفين علبة البيبسي هذي ؟تراها تسواك كلكم بريال خخخخ!!!)وكمل ضحك وهي تغلي ....
بس ريم كانت كتومة ماتحب تشكي لاحد حتى اقرب الناس لها امها ....ومرت الايام وهو ما يناديها الا ام ريال او علبة البيبسي !...هو مايقصد يهينها بس المزح الثقيل الله يفكنا من شره المهم راحت لامها مرة وامها كانت ملاحظة عليها انها متضايقة من شي فحلفتها اتقول لها وش فيها ...
بعد محاولات كثيرة من الام فضفضت لها الشي الوحيد اللي منكد عليها حياتها ... وطلبت من امها انها ماتجيب سيرة لابوها ...
لكن الام قالت لا يبنيتي ابوك غلط ولازم يصلح غلطته وياما قلت له ان هذا يقلل من قدر بنتك ما يرفعه لان الناس الحين يقيسون بعض بالفلوس بس ما سمعني ...
خليه يشوف ويش سوى ...
انتي يبنتي لك كرامة واحنا ما بعناك .... تطمني وخلي الموضوع علي )وراحت طيران لزوجها وهي تغلي
بتنفجر من القهر وحكت له السالفه ......
ابو ريم انهبل من اللي سمعه وحلم ماتطلع ريم من بيتي الا راد لها اعتبارها ...جا سعود بياخذ زوجته عالعادة بس ريم ماطلعت طلع ابوها بدالها وسلم عليه وطلب منه اينادي ابوه واعمامه يجون يتقهوون عنده...
وانه بعد المغرب حيكون في انتظارهم ....الولد ماشك في شي راح ونفذ اللي قاله ابو ريم وجاب واعمامه ......
استقبلهم ابو ريم وجلسهم في المجلس بدون مايحسون بشي .....
طلع ابو ريم من جيبه ريال ونادى ولده الصغير محمد وقال له : ( محمد ابوي رح للبقاله وجب لي علبة بيبسي ..!)
الرجال استغربوا وضحكو فيما بينهم على تصرف ابو ريم اما سعود ما وصلته الرساله لسه... جاب محمد البيبسي وحطه على الطاولة .....شوي قام وطلع ريال ثاني نادى محمد وارسله يجيب له علبة بيبسي ثانية ... سعود بدا يعوره قلبه ..... كنه سم ريحة تلميح جا البيبسي وحطه ابو ريم جنب الاول .... وعمل نفس الشي مرة ثالثة وجاب بيبسي ثالث وحطه مع الباقين
وقال: ( الحين الله يحيكم اقدر اقول ليه انا مناديكم ....انا اخذت منكم مهر بنتي ريال واحد ...بس ولدكم ما قدر هالشي وقعد يعايرها بعلبة البيبسي انا الحين غيرت رايي .... انا باخد بنتي وانتم خدو بدال ريالكم ثلاث علب بيبسي ....!)
الرجال مايدرون وين وجيههم من كلام ابو ريم تفاجؤا فشلهم سعود بعمايله بجد اما سعود الله اعلم بحالته هو كان يتميلح وريم تبلع بس ما توقع انها بتكبر الموضوع....
ابو سعودقال : مالي وجه اقول شي بس اتمنى انك تمسحها بوجهي اما سعود انا بتفاهم معه ... وبنتك على راسي ... ترجع بيتها معززة مكرمة واضمن لك انه ما راح يعيد اللي سواه ) رد عليه ابو ريم : ( كلامك على عيني وراسي يبو سعود بس والله ماتطلع بنتي من بيتي الا بثلاث ميه الف ريال مهر زيها زي غيرها انا يوم رفضت اول مرة اخذ الفلوس اتوقعت انها بتكبر بعيونه لكن مع الاسف اكتشفت العكس )
طبعا الجماعة ماقدروا يقولون شي الا ان هالشي من حقك وحق بنك ...وجمعوا المبلغ وقدموه للبنت وكذ ماعاد فيه شي يضايق ريم بس سعود ماعاد له عين ايحطها بوجه ابوها ....
ــــــــــــــــــــــــــــــــــــــــــــــــــ ــ تمت ــــــــــــــــــــــــــــــــــ
تحياتي لكم ... رحوبه الحبوبه ..
تقدم سعود لخطبة ريم هي رفضت في البداية بحجة كل البنات انها بتكمل دراستا لكن امها وابوها اقنعوها في الأخير لان الولد اخلاق ومستقيم ووظيفة محترمة ومن عايلة كبيرة والكل يمدح فيه ويتمناه لبنته...
المهم جا وشافها وشافته واعجبو بعض ...واخذ موعد من ابو ريم علشان يجي مع ابوه ويتفاهمون على باقي الامور الروتينية ...جا الموعد المحدد وحضر سعود مع ابوه واثنين من اعمامه ...ومعهم المهر ...
قام وفتح علبة المهر وخذ منها ريال واحد فقط ورجع الباقي وقال حنا نشتري الرجال ....!!
عجز المعرس واهله يقنعون ابو ريم فاستسلموا واخذوا فلوسهم ومشوا...مرت الايام وريم ابوها عوضها المبلغ اللي رجعه وجهزت نفسها وجت ليلة العرس ...
اول ما دخلت ريم على عريسها استقبلها وقالهلا يا ام ريال !!) البنت طاح وجههاساعتها بس عدتها...
موحلوة تسوي مشكلة من اول ليلة ... ومن ذاك اليوم وسعود ماتعدي ريم من عنده الا يعايرها بالريال بعدين
تطور الموضوع وصار يقارنها بكل شي بريال ...لين قال مرةتشوفين علبة البيبسي هذي ؟تراها تسواك كلكم بريال خخخخ!!!)وكمل ضحك وهي تغلي ....
بس ريم كانت كتومة ماتحب تشكي لاحد حتى اقرب الناس لها امها ....ومرت الايام وهو ما يناديها الا ام ريال او علبة البيبسي !...هو مايقصد يهينها بس المزح الثقيل الله يفكنا من شره المهم راحت لامها مرة وامها كانت ملاحظة عليها انها متضايقة من شي فحلفتها اتقول لها وش فيها ...
بعد محاولات كثيرة من الام فضفضت لها الشي الوحيد اللي منكد عليها حياتها ... وطلبت من امها انها ماتجيب سيرة لابوها ...
لكن الام قالت لا يبنيتي ابوك غلط ولازم يصلح غلطته وياما قلت له ان هذا يقلل من قدر بنتك ما يرفعه لان الناس الحين يقيسون بعض بالفلوس بس ما سمعني ...
خليه يشوف ويش سوى ...
انتي يبنتي لك كرامة واحنا ما بعناك .... تطمني وخلي الموضوع علي )وراحت طيران لزوجها وهي تغلي
بتنفجر من القهر وحكت له السالفه ......
ابو ريم انهبل من اللي سمعه وحلم ماتطلع ريم من بيتي الا راد لها اعتبارها ...جا سعود بياخذ زوجته عالعادة بس ريم ماطلعت طلع ابوها بدالها وسلم عليه وطلب منه اينادي ابوه واعمامه يجون يتقهوون عنده...
وانه بعد المغرب حيكون في انتظارهم ....الولد ماشك في شي راح ونفذ اللي قاله ابو ريم وجاب واعمامه ......
استقبلهم ابو ريم وجلسهم في المجلس بدون مايحسون بشي .....
طلع ابو ريم من جيبه ريال ونادى ولده الصغير محمد وقال له : ( محمد ابوي رح للبقاله وجب لي علبة بيبسي ..!)
الرجال استغربوا وضحكو فيما بينهم على تصرف ابو ريم اما سعود ما وصلته الرساله لسه... جاب محمد البيبسي وحطه على الطاولة .....شوي قام وطلع ريال ثاني نادى محمد وارسله يجيب له علبة بيبسي ثانية ... سعود بدا يعوره قلبه ..... كنه سم ريحة تلميح جا البيبسي وحطه ابو ريم جنب الاول .... وعمل نفس الشي مرة ثالثة وجاب بيبسي ثالث وحطه مع الباقين
وقال: ( الحين الله يحيكم اقدر اقول ليه انا مناديكم ....انا اخذت منكم مهر بنتي ريال واحد ...بس ولدكم ما قدر هالشي وقعد يعايرها بعلبة البيبسي انا الحين غيرت رايي .... انا باخد بنتي وانتم خدو بدال ريالكم ثلاث علب بيبسي ....!)
الرجال مايدرون وين وجيههم من كلام ابو ريم تفاجؤا فشلهم سعود بعمايله بجد اما سعود الله اعلم بحالته هو كان يتميلح وريم تبلع بس ما توقع انها بتكبر الموضوع....
ابو سعودقال : مالي وجه اقول شي بس اتمنى انك تمسحها بوجهي اما سعود انا بتفاهم معه ... وبنتك على راسي ... ترجع بيتها معززة مكرمة واضمن لك انه ما راح يعيد اللي سواه ) رد عليه ابو ريم : ( كلامك على عيني وراسي يبو سعود بس والله ماتطلع بنتي من بيتي الا بثلاث ميه الف ريال مهر زيها زي غيرها انا يوم رفضت اول مرة اخذ الفلوس اتوقعت انها بتكبر بعيونه لكن مع الاسف اكتشفت العكس )
طبعا الجماعة ماقدروا يقولون شي الا ان هالشي من حقك وحق بنك ...وجمعوا المبلغ وقدموه للبنت وكذ ماعاد فيه شي يضايق ريم بس سعود ماعاد له عين ايحطها بوجه ابوها ....
ــــــــــــــــــــــــــــــــــــــــــــــــــ ــ تمت ــــــــــــــــــــــــــــــــــ
تحياتي لكم ... رحوبه الحبوبه ..